Dutheronomi
33 Leti tibusiso Mosi, umuntfu waNkulunkulu weliciniso latitjela bantfu baka-Israyeli ngaphambi kwekutsi afe.+ 2 Watsi:
“Jehova weta avela eSinayi,+
Futsi wabonakala kubo eSeyiri.
Wabonakala ngenkhatimulo asesifundzeni lesinetintsaba sasePharani,+
Akanye nalabangcwele labangemashumi etinkhulungwane,+
Ngesekudla sakhe kunemabutfo akhe.+
5 Nkulunkulu waba yinkhosi eJeshuruni,*+
Ngesikhatsi tinhloko talesive tihlangene,+
Kanye nato tonkhe tive tema-Israyeli.+
7 Nati tibusiso latitjela sive sakaJuda:+
“Awu Jehova, lalela livi laJuda,+
Shengatsi ungambuyisela kubantfu bakhe.
8 Esiveni sakaLevi watsi:+
Walwa naye ngasemantini aseMeribha,+
9 Loyo lowatsi ngababe wakhe nangamake wakhe: ‘Angikabahloniphi.’
Ngisho nabomnakabo akazange abanake,+
Nemadvodzana akhe nawo akazange awanake.
EmaLevi aligcinile livi lakho,
Asigcina nesivumelwane sakho.+
Kufanele anikele imphepho ibe liphunga lelimnandzi kuwe*+
Ente nemnikelo loshiswa wonkhe e-al’thare lakho.+
11 Awu Jehova, busisa tikhwepha takhe,
Shengatsi ungawujabulela umsebenti wetandla takhe.
Yephula imilente* yalabo labamvukelako,
Kuze bantfu labamtondzako bangatewuphindze bamvukele.”
12 Esiveni sakaBhenjamini watsi:+
“Loyo lotsandzekako waJehova akahlale ngekulondzeka kuye,
Yena utamvikela lilanga lonkhe,
Futsi utawuhlala emkhatsini wemahlombe akhe.”
13 Esiveni sakaJosefa watsi:+
“Shengatsi live lakhe lingabusiswa nguJehova+
Libe netintfo telikhetselo tasezulwini,
Libusiswe ngematolo kanye nangemanti lavela emitfonjeni lengephansi,+
14 Libusiswe ngetintfo telikhetselo letivetwa lilanga,
Nangesivuno lesihle inyanga ngayinye,+
15 Libusiswe ngetintfo telikhetselo letivela etintsabeni tasendvulo,*+
Ngetintfo telikhetselo tasemagcumeni labesolo akhona,
16 Nangetintfo telikhetselo temhlaba kanye naloko lokuwugcwalisile,+
Shengatsi lingabusiswa nangekwemukelwa nguLoyo lohlala esihlahleni semanyeva.+
Shengatsi letintfo tingehlela enhloko yaJosefa,
Etulu enhloko yaloyo lowakhetfwa kubomnakabo.+
17 Buhle bakhe bunjengebenkunzi lelitibulo,
Netimphondvo takhe tifana netimphondvo tenyatsi.
Ngato utawucosha* bantfu,
Bonkhe abacoshele emaphetselweni emhlaba.
Letimphondvo tingemashumi etinkhulungwane aka-Efrayimu,+
Futsi titinkhulungwane takaManase.”
18 Esiveni sakaZebuloni watsi:+
“Awu Zebuloni, jabula ekuhambeni kwakho,
Nawe Isakhari ubojabula emathendeni akho.+
19 Batawubitela bantfu entsabeni.
Nabefika lapho bente imihlatjelo yekulunga.
Ngobe batawutsatsa umcebo kuloyo logcwele elwandle*
Batsatse nemcebo losesihlabatsini.”
20 Esiveni sakaGadi watsi:+
“Ubusisiwe loyo lonweba imincele yakaGadi.+
Gadi ulala lapho njengelibhubesi,
Agadze kuhlephula umkhono, kanye nenhloko.
Tinhloko talesive titawuhlangana ndzawonye.
Utawukhipha kulunga kwaJehova,
Netimiso takhe letitsintsa ema-Israyeli.”
22 Esiveni sakaDani watsi:+
“Dani uliwundlu lelibhubesi.+
Utawuphuma eBhashani.”+
23 Esiveni sakaNaftali watsi:+
“Naftali kuyamenetisa kwemukelwa,
Futsi utfole tibusiso taJehova letinyenti.
Utawutsatsa indzawo lengasenshonalanga nalengaseningizimu.”
24 Esiveni saka-Asheri watsi:+
“Asheri ubusiswe ngemadvodzana.
Shengatsi bomnakabo bangamtsandza,
Aphindze enye* tinyawo takhe emafutseni.
25 Tinkanankana temagede akho tentiwe ngensimbi kanye nelitfusi,+
Futsi utawuphepha kuwo onkhe emalanga ekuphila kwakho.*
26 Kute lofana naNkulunkulu weliciniso+ waseJeshuruni,+
Loyo lodzabula ezulwini kuze akusite
Futsi ngebukhulu bakhe ahlale ngetulu kwemafu.+
27 Nkulunkulu usiphephelo lebesisolo sikhona kusukela endvulo,+
Tandla takhe letihlala njalo tingephansi kwakho.+
28 Israyeli utawuhlala ngekulondzeka,
Nemtfombo waJakobe utawuba wodvwa
Eveni lelinalokutinhlavu neliwayini lelisha,+
Lokulive lelinesibhakabhaka lesitfontsa ematolo.+
29 Maye uyajabula Israyeli!+