Tihlabelelo

132 Awu Jehova, khumbula Davide

Kanye nako konkhe kuhlupheka lokwamehlela;+

 2 Khumbula kutsi wafunga kuwe Jehova,

Wena unguNkulunkulu Lonemandla waJakobe. Davide wafunga kuwe+ watsi:

Angeke ngilale embhedzeni wami;

 4 Ngingeke ngilale,

Nobe ngivale emehlo ami

 5 Kuze kube ngulapho ngitfola indzawo yekubeka Libhokisi lesivumelwane saJehova,

Indzawo lekahle* lakungahlala khona Nkulunkulu Lonemandla waJakobe.”+

 6 Seva ngalo* sise-Efratha;+

Salitfola esifundzeni lesinemahlatsi.+

 7 Asiye lapho ahlala khona;*+

Sikhotsame embikwesenabelo setinyawo takhe.+

 8 Phakama Jehova, uye lapho uhlala khona,+

Wena kanye neLibhokisi lakho lesivumelwane, leliluphawu lwemandla akho.+

 9 Shengatsi baphristi bakho bangembatsa kulunga,

Nebantfu bakho labetsembekile bamemete bajabulile.

10 Ngenca yenceku yakho Davide,

Ungamlahli logcotjiwe wakho.+

11 Jehova ufungile kuDavide;

Futsi utakwenta loko lakusho, nakatsi:

“Lomunye webantfwana bakho

Ngitambeka esihlalweni sakho sebukhosi.+

12 Nangabe emadvodzana akho asigcina sivumelwane sami

Nemiyalo yami lengiwafundzisa yona,+

Emadvodzana awo nawo

Atawuhlala esihlalweni sakho sebukhosi kuze kube phakadze.”+

13 Ngobe Jehova ukhetse iSiyoni;+

Abefuna kutsi ibe yindzawo yakhe yekuhlala,+ nakatsi:

14 “Lena yindzawo lengitawuhlala kuyo kuze kube phakadze;

Ngitawuhlala kuyo+ ngobe nguloko lengikufisako.

15 Ngitayibusisa ngekutsi ibe nekudla lokunyenti;

Bantfu labeswele labahlala khona ngitabesutsisa ngesinkhwa.+

16 Ngitabasindzisa* baphristi bakhona,+

Futsi labetsembekile baseSiyoni batawumemeta bajabulile.+

18 Titsa takhe ngitatenta tihlazeke,

Kodvwa umbuso* wakhe utawuphumelela.”+