Hezekeli
27 Livi laJehova laphindze lefika kimi latsi: 2 “Ndvodzana yemuntfu, hlabela ingoma yekulila ngeThire,+ 3 ukhulume neThire utsi:
‘Wena lohlala ekungeneni kwelwandle,
Wena loyindzawo yekutsengisa yebantfu labahlala etichingini letinyenti,
Naku lokushiwo yiNkhosi Lephakeme Jehova:
“Awu Thire, wena utsite: ‘Ngimuhle kakhulu.’+
4 Tindzawo takho tisekhatsi nekhatsi nelwandle,
Nebakhi bakho bakwente waba muhle kakhulu.
5 Onkhe emapulango akho bawente ngemjunipha waseSeniri,+
Futsi batsetse umsedari waseLebanoni kuze bakwakhele insika.
6 Bakhe emaphini akho ekugwedla ngem-okhi waseBhashani,
Sifuba semkhumbi wakho sakhiwe ngemsayipuresi lonamekwe ngelitinyo lendlovu ngekhatsi, lelivela etichingini taseKhithimu.+
7 Indvwangu yelineni yaseGibhithe lemibalabala beyingemaseyili akho,
Phansi bewakhiwe ngentsambo leluhlata njengesibhakabhaka nensontfo lebukhwebeletane,* lokutsetfwe etichingini tase-Elishahi.+
8 Bantfu baseSidoni nebase-Avadi+ ngibo lebebakugwedla.
Awu Thire, emadvodza lanelikhono lakulelive lakho bekangematilosi akho.+
9 Emadvodza aseGebali+ lanelikhono nalasanesikhatsi* enta lomsebenti, ahlalele kuvala timbobo.+
Yonkhe imikhumbi yaselwandle kanye nebashayeli bayo befikile kuwe kuze nitsengiselane.
10 Emadvodza asePheresiya, aseLudi newasePhuthi+ bekasebutfweni lakho, kungemadvodza akho emphi.
Bekalengisa kuwe emahawu awo netigcoko tawo tekutivikela futsi akwenta waba neludvumo.
11 Emadvodza ase-Avadi lasebutfweni lakho bekeme elubondzeni lwakho alutungeletile,
Futsi emadvodza lanesibindzi bekalawula emibhoshongweni yakho.
Alengisa emahawu awo layindingilizi kulo lonkhe lolubondza lwakho
Futsi akwenta waba muhle kakhulu.
12 “‘“IThashishi+ yangenela ibhizinisi nawe ngobe unemcebo lomnyenti.+ Yakunika lisiliva, insimbi, ithini kanye nemthofi, wena wayinika tintfo takho.+ 13 Watsengiselana nebaseJavani, baseThubali+ nebaseMesheki,+ nashintjiselana tigcili+ kanye netintfo letakhiwe ngelitfusi kuze wente ibhizinisi nabo. 14 Indlu yaThogama+ yakunika emahhashi neminyuzi, wena wayinika tintfo takho. 15 Bantfu baseDedani+ bebatsengiselana nawe; wacasha batsengisi etichingini letinyenti; bakunika ematinyo endlovu+ kanye netingodvo letimnyama temsimbithi, kwaba sipho sakho. 16 Edomu wenta nawe ibhizinisi ngenca yemkhicito wakho lomnyenti. Wakuniketa ithekhosi, intsambo lebukhwebeletane, tindvwangu letihlotjisiwe, indvwangu yelikhetselo, ematje laligugu aselwandle* nemarubhi, wena wabaniketa tintfo takho.
17 “‘“Live lakaJuda nelaka-Israyeli bekatsengiselana nawe, wona bekakunika kolo waseMinithi,+ kudla kwelikhetselo, luju,+ emafutsa kanye nebhalisamu,+ wena wawanika tintfo takho.+
18 “‘“IDamaseko+ yenta ibhizinisi nawe ngenca yemkhicito wakho lomnyenti kanye nawo wonkhe umcebo wakho, natsengiselana liwayini laseHelboni kanye nensontfo yaseSahari. 19 IVedani neJavani, lese-Uzali, yakuniketa tintfo letakhiwe ngensimbi, ikhasiya* kanye nemhlanga,* wena wabanika tintfo takho. 20 IDedani+ yatsengiselana nawe tingubo tetihlalo temahhashi.* 21 Wacasha ema-Arabiya nabo bonkhe baholi baseKhedari+ lebebatsengisa emazinyane etimvu, netimvu letindvuna kanye netimbuti.+ 22 Batsengisi baseSheba nebaseRama+ bebatsengiselana nawe; bakunika lonkhe luhlobo lwemakha elikhetselo, ematje laligugu kanye neligolide, wena wabanika tintfo takho.+ 23 IHarani,+ iKhane, i-Edeni,+ batsengisi baseSheba,+ base-Ashuri+ nebaseKhilmadi bebatsengiselana nawe. 24 Emakethe yakho bakutsengisela tingubo letinhle, tembatfo letakhiwe ngendvwangu leluhlata njengesibhakabhaka, nendvwangu lehlotjisiwe kanye nemakhaphethi emibala leyehlukahlukene, futsi konkhe kuboshiwe kwavikelwa ngetintsambo.
25 Tintfo takho lotitsengisako bewutetfwala ngemikhumbi yaseThashishi,+
Kangangekutsi wena bewugcwala uze usense* ekhatsi nekhatsi nelwandle.
26 Bagwedli bakho bakumikise etilwandle letigcwele emagagasi;
Umoya wasemphumalanga ukuphihlitele ekhatsi nekhatsi nelwandle.
27 Umcebo wakho, tintfo takho, loko lokutsengisako, bashayeli bakho kanye nematilosi akho,
Labo labavala timbobo temkhumbi wakho, labo labatsengisa tintfo takho+ kanye nawo onkhe emadvodza emphi,+
Lokungiso sonkhe lesicumbi* lesikuwe,
Bonkhe bayawucwila ekhatsi nekhatsi nelwandle ngelilanga lekuwa kwakho.+
28 Bashayeli bakho bayawutsi nabamemeta bakhala, tindzawo letiselugwini lwelwandle tiyawunyakata tetfukile.
29 Bonkhe bagwedli, bashayeli bemikhumbi kanye nematilosi
Batawukwehla emikhunjini yabo beme emhlabatsini.
30 Bayawukukhalela kabuhlungu bahholole+
Batitsele ngemhlabatsi etinhloko futsi batigicite emlotseni.
31 Batatihhula lumanyule bese bagcoka tindvwangu temasaka;
Batakukhalela kabuhlungu futsi bahholole.
32 Nabakulilela, batakuhlabelela ingoma yesililo, baphindzaphindze batsi:
‘Ngubani lonjengeThire, leseyithule dvu elwandle?+
33 Betitsi natifika tintfo takho tisuka elwandle, wena wenetise bantfu labanyenti.+
Umcebo wakho lomnyenti kakhulu netintfo takho lebewutitsengisa tabangela kutsi emakhosi emhlaba anjinge.+
34 Nyalo sewuphihlikele elwandle, emajukujukwini alo,+
Futsi tonkhe tintfo takho letitsengiswako kanye nabo bonkhe bantfu bakho, bacwile kanye nawe.+
35 Bonkhe bantfu labahlala etichingini batakubukisisa bamangele,+
Futsi emakhosi abo atawuchachateliswa kwesaba,+ nebuso bawo butawukhombisa kutsi bakhatsatekile.
36 Batsengisi labasemkhatsini wetive batawushaya inkwela ngenca yaloko lokukwehlele.
Utawuphihlika kabuhlungu nangekucwabita kweliso,
Futsi angeke uphindze ube khona.’”’”+