Mikha
1 Emalangeni aJothamu,+ a-Ahazi+ newaHezekiya,+ lebekungemakhosi akaJuda,+ Jehova wakhuluma naMikha*+ waseMoreshethi. Wakhuluma naye embonweni lamniketa wona lomayelana neSamariya neJerusalema watsi:
2 “Lalelani nonkhe nine bantfu!
Nawe mhlaba lalelisisa, futsi konkhe lokugcwele kuwe nako akulalelisise,
Jehova loyiNkhosi Lephakeme akanehlulele,+
Jehova akanehlulele asethempelini lakhe lelingcwele.
3 Jehova utawusuka endzaweni lahlala kuyo;
Utawehla ahambe etindzaweni letiphakeme letisemhlabeni.
4 Tintsaba titawuncibilika ngephansi kwetinyawo takhe,+
Netihosha titawehlukana ekhatsi
Kuhle kwemtfwebeba* loseceleni kwemlilo,
Kuhle kwemanti lacitfwa endzaweni leyewukelako.
5 Konkhe loku kutawenteka ngenca yelicala laJakobe,
Ngenca yetono tema-Israyeli.+
Ngubani lokufanele asolwe ngenca yelicala laJakobe?
Akusiyo yini iSamariya?+
Ngubani lokufanele asolwe ngetindzawo letiphakeme takaJuda?+
Akusiyo yini iJerusalema?
6 ISamariya ngitayenta ibe tindzala letisesigangeni,
Ngitayenta ibe yindzawo yekuhlanyela tihlahla temagilebisi;
Ematje akhona ngitawajikijela* esihosheni,
Futsi tisekelo tayo ngitatibeka ebaleni.
7 Tonkhe tithico takhona letibatiwe titawuphihlitwa tibe ticucu,+
Futsi tonkhe tipho lebeyiphiwa tona ngenca yekutiphatsa kabi* titawushiswa ngemlilo.+
Ngitawutibhubhisa tonkhe tichico takhona.
Tonkhe letintfo iticongelele ngemali leyitfole ngebugwadla,
Futsi titawutsatfwa tiyoniketwa letinye tingwadla.”
8 Ngenca yaloku ngitawulila futsi ngikhale kabuhlungu;+
Ngitawukhalisa kwajakalazi nakashaya umkhulungwane,
Futsi ngitawukhala kabuhlungu njengetinshi.*
Lesishayo sesihambe saze sayofika esangweni laseJerusalema, lakuhlala khona bantfu bakitsi.+
10 “Ningacali nikumemetele loku eGathi;
Futsi ningakhali ngisho nakancane.
Nine lenihlala eBhethi-leyafra,* tigiciteni elutfulini.
11 Awu nine lenihlala eShafiri, hambani niyotfunjwa ningcunu futsi nihlazekile.
Labo labahlala eSanani abakaphumi kulelidolobha.
IBethi-eseli bekuyindzawo leniphephela kuyo kodvwa nyalo sekutawuvakala sililo nje kuphela.
12 Labo labahlala eMarothi bebalindzele lokuhle,
Kodvwa Jehova wehlise lokubi esangweni laseJerusalema.
13 Awu nine lenihlala eLakhishi,+ bophelani emahhashi encoleni.
Ngini lenaholela bantfu baseSiyoni esonweni,
Ngobe emacala a-Israyeli atfolakele eSiyoni.+
14 Kungako kufanele banike iMoreshethi-gathi tipho naseyihamba.*
Tindlu tase-Akzibi+ betingawasiti ngalutfo emakhosi aka-Israyeli.
15 Awu nine lenihlala eMaresha,+ ngitaniletsela sitsa lesitanincoba.*+
Loyo lokhatimulako waka-Israyeli* utawufika ngisho nase-Adulamu.+
16 Hhulani enhloko futsi nisuse tinwele tenu, ngobe bantfwana benu lenibatsandzako behlelwe yinhlekelele.
Tinhloko tenu kufanele tisale tingenatinwele kuhle kwenhloko yelusweti,
Ngobe bantfwana benu batfunjiwe.”+