Yesibili Leya KubaseThesalonika
2 Bazalwane, macondzana nekuba khona kweNkhosi yetfu Jesu Khristu+ kanye nekubutselwa kwetfu ndzawonye kuyo,+ siyanicela kutsi 2 ningasheshi niyekele kucabanga kahle, futsi ningetfuswa ngumuntfu lotsi lilanga laJehova* selifikile, ngisho nobe atsi lomlayeto uphefumulelwe,* nobe atsi uwufundze encwadzini lebonakala ngatsi ivela kitsi.+
3 Akube bete umuntfu lonidukisa* nganobe nguyiphi indlela, ngobe lelolanga ngeke lifike kungakacali kwefika kuhlubuka+ futsi kwembulwa nemuntfu lomubi,+ indvodzana yekubhujiswa.+ 4 Ungumphikisi futsi utiphakamisa ngetulu kwanobe ngubani lokutsiwa ngunkulunkulu nanobe yini lekhontwako,* kangangekutsi uhlala ethempelini laNkulunkulu atibite ngekutsi ungunkulunkulu. 5 Anisakhumbuli yini kutsi ngesikhatsi ngisenani benginitjela ngaletintfo?
6 Ngako nyalo seniyakwati loko lokumvimbile, lokutamenta embulwe ngesikhatsi lesifanele. 7 Kuliciniso kutsi lobubi sebuvele busebenta ngendlela lefihlekile,+ kodvwa loku kutawenteka kuze kube ngulapho loyo lobuvimbile esuka endleleni. 8 Ngako-ke lomuntfu lomubi utakwembulwa futsi iNkhosi Jesu itamsusa ngemoya wemlomo wayo,+ imente lite lapho kuba khona kwayo kubonakala.+ 9 Kodvwa lomuntfu lomubi utawuba khona ngenca yaSathane.+ Sathane utamnika emandla ekwenta yonkhe imisebenti yemandla, netibonakaliso netimangaliso letingemanga,+ 10 nako konkhe kukhohlisa lokungakalungi.+ Letintfo titawukhohlisa bantfu labatawutfola sijeziso sekubhujiswa ngenca yekutsi abakatemukeli ngenhlitiyo yonkhe timfundziso letiliciniso lebetitawubasindzisa. 11 Kungako-ke Nkulunkulu avumele kutsi bakhohliswe timfundziso letingasilo liciniso kuze bakholwe emanga,+ 12 khona bonkhe batowehlulelwa ngobe abazange balikholwe liciniso, kepha bajatjuliswa kungalungi.
13 Kodvwa-ke bazalwane labatsandvwa nguJehova,* sinesibopho sekuhlale sinibongela kuNkulunkulu, ngobe wanikhetsa+ kwasekucaleni kuze nisindziswe. Loku kwenteka ngobe umoya wakhe waningcwelisa+ futsi nani nalikholwa liciniso. 14 Wanibitela kutsi nisindziswe ngetindzaba letimnandzi lesitimemetelako, kuze nitfole inkhatimulo yeNkhosi yetfu Jesu Khristu.+ 15 Ngako-ke bazalwane manini nicine,+ nibambelele kuloko lenakufundziswa,+ kungaba ngemlayeto lenatjelwa wona nome ngencwadzi levela kitsi. 16 Ngetulu kwaloko, shengatsi iNkhosi yetfu Jesu Khristu naNkulunkulu longuBabe wetfu, lowasitsandza+ nalowasinika indvudvuto yaphakadze nelitsemba lelihle+ ngemusa wakhe lomkhulu, 17 bangadvudvuta tinhlitiyo tenu futsi banicinise* kuze nihlale nenta tintfo letinhle futsi nikhuluma lokuhle.