Zefaniya
1 Leli livi laJehova lelafika kuZefaniya,* indvodzana yaKushi, indvodzana yaGedaliya, indvodzana ya-Amariya loyindvodzana yaHezekiya, ngemalanga aJosaya+ indvodzana ya-Amoni+ inkhosi yakaJuda:
2 “Ngitawutsanyela ngisuse yonkhe intfo lesemhlabeni,” kusho Jehova.+
3 “Ngitawususa bantfu netilwane.
Ngitawususa tinyoni temazulu netinhlanti taselwandle,+
Ngiphindze ngisuse lokusikhubekiso*+ kanye nalababi;
Futsi ngitawususa nebantfu emhlabeni,” kusho Jehova.
4 “Ngitawelula sandla sami simelane naJuda
Ngitawumelana nabo bonkhe labahlala eJerusalema,
Futsi kulendzawo ngitawususa konkhe lokusele kwaBhali,*+
Ngisuse neligama lebaphristi bankulunkulu waletinye tive kanye nalabanye baphristi,+
5 Ngitawususa nalabo labakhotsamela libutfo lasezulwini baseluphahleni lwetindlu,+
Nalabo labakhotsama kuJehova futsi bafunge kutsi batawetsembeka kuye+
Babe bafunga nekutsi batawetsembeka kuMalkhamu;+
6 Futsi ngitawususa nalabo labangamlandzeli Jehova+
Kanye nalabo labangamfuni Jehova nobe labangabuti kuye.”+
7 Thulani embikweNkhosi Lephakeme Jehova, ngobe lilanga laJehova selisedvute.+
Jehova ulungiselele umhlatjelo; ubangcwelisile labo labamemile.
8 “Ngelilanga laJehova lemhlatjelo ngitawujezisa tikhulu,
Emadvodzana emakhosi+ kanye nabo bonkhe labagcoke tembatfo tebetive.
9 Ngalelolanga ngitawenta wonkhe umuntfu logibela esiteji* kutsi alandzise,
Nalabo labagcwalisa indlu yenkhosi yabo ngebudlova nangekukhohlisa.”
10 Jehova utsi: “Ngalelolanga,
Kutawuba nemsindvo wekumemeta losuka eGedeni Lenhlanti,+
Kutawuvakala umsindvo wekulila lokusuka eNcenyeni Yesibili yelidolobha,+
Kanye nemsindvo wekushayisana emagcumeni.
Bonkhe labakala lisiliva babhujisiwe.
12 Ngaleso sikhatsi ngitawuphenyisisa iJerusalema ngetibane,
Futsi ngitawenta labo labangenandzaba* kutsi balandzise. Labo labatsi etinhlitiyweni tabo,
‘Jehova angeke akwente lokuhle futsi angeke akwente lokubi.’+
13 Umcebo wabo utawutsatfwa, netindlu tabo titawubhidlitwa.+
Batawukwakha tindlu, kodvwa angeke bahlale kuto;
Batawuhlanyela emasimu emagilebisi, kodvwa angeke balinatse liwayini lawo.+
14 Lilanga laJehova lelikhulu selisondzele!+
Selisedvute, futsi lisondzela ngalokukhulu kushesha!+
Umsindvo welilanga laJehova uyetfusa.+
Leli lilanga lapho khona kuvakala kumemeta+ kwelisotja lelilichawe.
15 Lelilanga litawuba lilanga lentfukutselo,+
Litawuba lilanga lekucindzeteleka nebuhlungu,+
Lilanga lesivunguvungu nelusizi,
Litawuba lilanga lebumnyama lobukhulu,+
Lilanga lemafu kanye nebumnyama lobukhansa phansi,+
16 Leli kutawuba lilanga lapho bantfu batawushaya khona luphondvo baphindze bahlabe inyandzaleyo,+
Ngalokumelene nemadolobha lavikelekile kanye nemibhoshongo lephakeme lesemakoneni.+