Jobe
25 Bildadi+ umShuwa waphendvula watsi:
2 “Bukhosi kanye nemandla lasabekako ngekwakhe;
Wenta kutsi kube nekuthula ezulwini.*
3 Emabutfo akhe angabalwa yini?
Ukhona yini longakutfoli kukhanya kwakhe?
4 Ngako-ke kungenteka yini kutsi umuntfu abe ngulolungile embikwaNkulunkulu,+
Futsi kungenteka yini kutsi umuntfu lotelwe ngumfati abe msulwa?*+
5 Ngisho nenyeti ayikhanyi kuye
Netinkhanyeti atikahlanteki emehlweni akhe,
6 Kakhulu kangakanani-ke ngemuntfu, longasho lutfo nje,
Ufanana nesibungu kuye!”