Incwadzi Yekucala YeTikhronike

25 Ngetulu kwaloko, Davide naletindvuna temacembu letanikwa umsebenti, behlukanisa lamanye emadvodzana a-Asafa, aHemani kanye nemadvodzana aJeduthuni+ kutsi advumise Nkulunkulu* ngemahabhu, ngetinsimbi temculo letinetintsambo+ nangemasimbali.+ Nalu luhla lwalamadvodza labekwa kutsi ente lomsebenti, 2 emadvodzaneni a-Asafa: BekunguZakhuri, Josefa, Nethaniya, na-Asharela, emadvodzana a-Asafa lebekacondziswa ngu-Asafa, aphrofetha ngekucondziswa yinkhosi. 3 Emadvodzaneni aJeduthuni+ bekuboGedaliya, Seri, Jeshaya, Shimeyi, Hashabiya naMathithiya,+ bekasitfupha, acondziswa ngubabe wawo Jeduthuni, aphrofetha ngelihabhu, abonga aphindze advumisa Jehova.+ 4 Emadvodzaneni aHemani,+ bekuboBukhiya, Mathaniya, Uziyeli, Shubayeli, Jerimothi, Hananiya, Hanani, Eliyatha, Gidalti, Romamti-ezeri, Joshbekasha, Malothi, Hothiri naMahaziyoti. 5 Onkhe lawa bekungemadvodzana aHemani, lobekangumboni wemibono wenkhosi etindzabeni letimayelana naNkulunkulu weliciniso kute advunyiswe; kungako Nkulunkulu weliciniso anika Hemani emadvodzana langu-14, nemadvodzakati lamatsatfu. 6 Bonkhe laba bebacondziswa ngubabe wabo nabahlabela endlini yaJehova ngemasimbali, ngetinsimbi temculo letinetintsambo nangemahabhu,+ njengobe bekungumsebenti labebawenta endlini yaNkulunkulu weliciniso.

Bo-Asafa, Jeduthuni naHemani bebacondziswa yinkhosi.

7 Linani labo nelabomnakabo lebebaceceshelwe kuhlabelela Jehova, bebangu-288 futsi bonkhe bebabochwephesha. 8 Ngako bashaya inkatho+ nababanika imisebenti yabo, benta njalo kulomncane nakulomdzala, kulasebabochwephesha nakulabebasafundza.

9 Inkatho yekucala yawela kuJosefa indvodzana ya-Asafa,+ yesibili yawela kuGedaliya+ (yena nebanakabo kanye nemadvodzana akhe bebangu-12); 10 yesitsatfu yawela kuZakhuri,+ emadvodzaneni akhe kanye nakubomnakabo, bebangu-12; 11 yesine yawela kuJisri, emadvodzaneni akhe kanye nakubomnakabo, bebangu-12; 12 yesihlanu yawela kuNethaniya,+ emadvodzaneni akhe nakubomnakabo, bebangu-12; 13 yesitfupha yawela kuBukhiya, emadvodzaneni akhe nakubomnakabo, bebangu-12; 14 yesi-7 yawela kuJesarela, emadvodzaneni akhe nakubomnakabo, bebangu-12; 15 yesi-8 yawela kuJeshaya, emadvodzaneni akhe nakubomnakabo, bebangu-12; 16 yesi-9 yawela kuMathaniya, emadvodzaneni akhe nakubomnakabo, bebangu-12; 17 yesi-10 yawela kuShimeyi, emadvodzaneni akhe nakubomnakabo, bebangu-12; 18 yesi-11 yawela ku-Azareli, emadvodzaneni akhe nakubomnakabo, bebangu-12; 19 yesi-12 yawela kuHashabiya, emadvodzaneni akhe nakubomnakabo, bebangu-12; 20 yesi-13 yawela kuShubayeli,+ emadvodzaneni akhe nakubomnakabo, bebangu-12; 21 yesi-14 yawela kuMathithiya, emadvodzaneni akhe nakubomnakabo, bebangu-12; 22 yesi-15 yawela kuJeremothi, emadvodzaneni akhe nakubomnakabo, bebangu-12; 23 yesi-16 yawela kuHananiya, emadvodzaneni akhe nakubomnakabo, bebangu-12; 24 yesi-17 yawela kuJoshbekasha, emadvodzaneni akhe nakubomnakabo, bebangu-12; 25 yesi-18 yawela kuHanani, emadvodzaneni akhe nakubomnakabo, bebangu-12; 26 yesi-19 yawela kuMalothi, emadvodzaneni akhe nakubomnakabo, bebangu-12; 27 yesi-20 yawela ku-Eliyatha, emadvodzaneni akhe nakubomnakabo, bebangu-12; 28 yesi-21 yawela kuHothiri, emadvodzaneni akhe nakubomnakabo, bebangu-12; 29 yesi-22 yawela kuGidalti,+ emadvodzaneni akhe nakubomnakabo, bebangu-12; 30 yesi-23 yawela kuMahaziyoti,+ emadvodzaneni akhe nakubomnakabo, bebangu-12; 31 yesi-24 yawela kuRomamti-ezeri,+ emadvodzaneni akhe nakubomnakabo, bebangu-12.