Amose
3 “Lalelani nali livi lelikhulunywe nguJehova ngani, nine bantfu baka-Israyeli, mayelana nawo wonkhe umndeni lengawukhipha eveni laseGibhithe:
2 ‘Ngini kuphela lenginatiko kuyo yonkhe imindeni lesemhlabeni.+
Kungako ngitanenta nilandzise ngawo onkhe emacala enu.+
3 Bantfu lababili bangahambisana yini babe bangakavumelani kutsi batawuhlangana?
4 Libhubesi lingabhodla yini ehlatsini nangabe lingakabambi inyamatane?
Libhubesi leliselincane* lingahhonga yini endzaweni lelihlala kuyo nangabe lingakabambi lutfo?
5 Inyoni ingabanjwa yini lugibe lolusemhlabatsini nangabe ingakatsiywa?*
Sochaka uyagcuma yini emhlabatsini nangabe ungakabambi lutfo?
6 Nangabe luphondvo lushaywa edolobheni, bantfu abachachateli yini?
Nangabe kwenteka inhlekelele edolobheni, akusuye yini Jehova losuke atsetse sinyatselo?
7 Ngobe iNkhosi Lephakeme Jehova angeke yente lutfo
Ingakayembuli indzaba yayo leyimfihlo etincekwini tayo baphrofethi.+
8 Libhubesi libhodlile!+ Ngubani longeke esabe?
INkhosi Lephakeme Jehova ikhulumile! Ngubani longeke aphrofethe?’+
9 ‘Memetelani emibhoshongweni yase-Ashdodi levikelekile
Nasemibhoshongweni yaseGibhithe levikelekile.
Tsanini: “Butsanani ndzawonye nimelane netintsaba taseSamariya;+
Bukani siphitsiphitsi lesisemkhatsini wayo
Nekukhwabanisa lokukuyo.+
10 Ngobe abati kutsi bangakwenta njani lokuhle,” kusho Jehova,
“Batigcinela budlova nembhubhiso emibhoshongweni yabo levikelekile.”’
11 Ngako-ke naku lokushiwo yiNkhosi Lephakeme Jehova:
‘Lelive litawutungeletwa sitsa,+
Sitakwemuka emandla akho,
Kutawutsatfwa tintfo letisemibhoshongweni yakho levikelekile.’+
12 Naku lokushiwo nguJehova:
‘Njengobe nje umelusi ahlutfula tinyawo letimbili nobe incenye yendlebe yemvu emlonyeni welibhubesi,
Nguleyo-ke indlela bantfu baka-Israyeli labatawuhlutfulwa ngayo,
Labo nyalo labahlala eSamariya labasemibhedzeni lemihle nakubosofa labantofontofo.’*+
13 ‘Lalelani bese necwayisa* indlu yaJakobe,’ kusho iNkhosi Lephakeme Jehova, lenguNkulunkulu wemabutfo.
14 ‘Ngobe ngelilanga lengiyokwenta ngalo ema-Israyeli alandzise ngako konkhe kuvukela* kwawo,+
Ngitawuphindze ngibhidlite ema-al’thare aseBetheli;+
Ngitawubhidlita netimphondvo teli-al’thare tiwele phansi emhlabatsini.+
15 Ngitawubhidlita indlu yasebusika kanye nendlu yasehlobo.’