Amose
1 Lawa ngemavi a-Amose,* lobekangulomunye webelusi betimvu baseThekhowa,+ lawatfola ngembono mayelana nelive laka-Israyeli ngesikhatsi kubusa iNkhosi Uziya+ yakaJuda, nangesikhatsi saJerobowamu+ indvodzana yaJowashi+ inkhosi yaka-Israyeli, kusesele iminyaka lemibili kutamatame umhlaba.+ 2 Watsi:
“Jehova utawubhodla njengelibhubesi eSiyoni,
Futsi utawumemeta ngelivi lelikhulu eJerusalema.
Emadlelo ebelusi atawubuna,
Nesicongo sentsaba iKhameli sitawubuna.”+
3 “Jehova utsi:
‘“Ngekuvukela* kweDamaseko kwesitsatfu kanye nekwesine, angeke ngikushintje loko lengikuncumile,
Ngobe sive sakaGileyadi basihhudlise phansi ngetihliphi tensimbi.+
4 Ngako ngitawutfumela umlilo wehlele endlini yaHazayeli,+
Futsi utawushwabadzela imibhoshongo yaBheni-hadadi levikelekile.+
5 Ngitatephula tinsimbi temagede aseDamaseko;+
Ngitatibhubhisa takhamuti taseBhikathi-aveni
Futsi ngitambhubhisa loyo lobusa* eBhethi-edeni;
Nebantfu baseSiriya batawutfunjelwa eKhiri,”+ kusho Jehova.’
6 Jehova utsi:
‘“Ngekuvukela kweGaza+ kwesitsatfu kanye nekwesine, angeke ngikushintje loko lengikuncumile,
Ngobe batsatsa sicumbi sebantfu labatfunjiwe+ basinikela kubaka-Edomu.
7 Ngako ngitawutfumela umlilo elubondzeni lwaseGaza,+
Futsi utawushisa imibhoshongo yakhona levikelekile.
8 Ngitawubabhubhisa bantfu labahlala e-Ashdodi,+
Ngibhubhise naloyo lobusa* e-Ashkeloni;+
Ngitawumelana ne-Ekroni,+
Futsi emaFilisti lasele atawubhujiswa,”+ kusho iNkhosi Lephakeme Jehova.’
9 Jehova utsi:
‘Ngekuvukela kweThire+ kwesitsatfu kanye nekwesine, angeke ngikushintje loko lengikuncumile,
Ngenca yekutsi banikele ngesicumbi sebantfu labatfunjiwe kubaka-Edomu,
Nangenca yekutsi abazange basikhumbule sivumelwane sabomnakabo.+
10 Ngako ngitawutfumela umlilo elubondzeni lwaseThire,
Futsi utawushisa imibhoshongo yakhona levikelekile.’+
11 Jehova utsi:
‘Ngekuvukela kwa-Edomu+ kwesitsatfu kanye nekwesine, angeke ngikushintje loko lengikuncumile,
Ngobe wacosha bomnakabo ngenkemba,+
Ngobe wehluleka kuba nemusa;
Ngentfukutselo yakhe bekasolo abadzabudzabula angayekeli,
Futsi bekasolo abatfukutselele.+
13 Jehova utsi:
‘“Ngekuvukela kwema-Amoni+ kwesitsatfu kanye nekwesine, angeke ngikushintje loko lengikuncumile,
Ngobe bahhubhuta tisu tebafati labatetfwele bakaGileyadi kuze bandzise indzawo yabo.+
14 Ngako ngitawutfumela umlilo elubondzeni lwaseRabha,+
Futsi utawushisa imibhoshongo yakhona levikelekile,
Ngemsindvo wemphi ngelilanga lekulwa,
Nangemimoya lenemandla ngelilanga lesivunguvungu.
15 INkhosi itawuya ekutfunjweni ikanye netikhulu tayo,”+ kusho Jehova.’