Yekucala KubaseKhorinte
2 Nangifika kini bazalwane, angizange ngibukise ngenkhulumo+ nobe ngekuhlakanipha ngesikhatsi ngimemetela imfihlo lengcwele+ yaNkulunkulu. 2 Ngakhetsa kungakhulumi ngaletinye tintfo ngaphandle kwekukhuluma ngaJesu Khristu, ikakhulukati ngekubetselwa kwakhe elugodvweni.+ 3 Ngeta kini ngibutsakatsaka, ngesaba, futsi ngetfuke kakhulu. 4 Ngesikhatsi ngikhuluma futsi ngifundzisa, bengingasebentisi emavi lakhangako lasetjentiswa ngulabahlakaniphile, kodvwa emavi ami bekaveta emandla emoya longcwele,+ 5 kuze kukholwa kwenu kungasekelwa ekuhlakanipheni kwebantfu, kodvwa kusekelwe emandleni aNkulunkulu.
6 Nyalo sikhuluma nebantfu labavutsiwe+ mayelana nekuhlakanipha, kodvwa hhayi kuhlakanipha kwalelive* nobe kwebabusi balo labatawentiwa lite.+ 7 Kepha sikhuluma ngemfihlo lengcwele,+ lokukuhlakanipha kwaNkulunkulu lokufihlakele. Ngesikhatsi lisengakabi khona lelive, Nkulunkulu wahlela kwenta ngekuvumelana nalokuhlakanipha kuze sikhatinyuliswe. 8 Kute ngisho namunye umbusi walelive* lokwatiko lokuhlakanipha, ngobe kube bebakwati+ ngabe abazange bayibulale* iNkhosi lekhatimulako. 9 Kodvwa kunjengobe nje kubhaliwe kwatsiwa: “Liso alikakuboni, indlebe ayikakuva, nenhlitiyo yemuntfu ayikakucondzi loko Nkulunkulu lakulungiselele labo labamtsandzako.”+ 10 Loku Nkulunkulu ukwembule+ kitsi ngemoya wakhe,+ ngobe umoya uhlola tonkhe tintfo, ngisho netintfo letijulile taNkulunkulu.+
11 Ukhona yini lowati imicabango yalomunye umuntfu? Kute, ngoba yinhlitiyo* yakhe kuphela leyatiko. Ngalokufanako, kute lowati imicabango yaNkulunkulu, ngaphandle kwemoya waKhe. 12 Asizange semukele umoya walelive, kodvwa semukela umoya lovela kuNkulunkulu,+ kuze sitati tintfo lesitinikwe nguNkulunkulu ngemusa wakhe. 13 Kantsi futsi letintfo asitikhulumi ngemavi lesiwafundziswa bantfu labahlakaniphile,+ kodvwa sitikhuluma ngemavi lesiwafundziswa ngumoya,+ njengobe sichaza* tintfo taNkulunkulu ngemavi lavela kuye.
14 Umuntfu locondziswa yinyama akatemukeli tintfo temoya waNkulunkulu, ngobe tibulima kuye; futsi ngeke atati, ngobe tihlolwa ngemoya waNkulunkulu. 15 Kodvwa umuntfu locondziswa ngumoya uhlola tonkhe tintfo,+ kepha yena akahlolwa ngumuntfu. 16 “Ukhona yini lowati imicabango yaJehova,* kutsi angaze ameluleke?”+ Kodvwa tsine siyayati imicabango yaKhristu.+