Joshuwa
12 Ngulawa-ke emakhosi alelive lancotjwa ngema-Israyeli, futsi ema-Israyeli atsatsa live lawo emphumalanga yeJordane, kusukela eSihosheni sase-Anoni+ kuyewufika entsabeni iHemoni+ nayo yonkhe i-Arabha kubheka emphumalanga:+ 2 Sihoni+ inkhosi yema-Amori, lobekahlala eHeshboni futsi abusa indzawo lesuka e-Aroyeri,+ lebeyiseceleni kweSihosha sase-Anoni,+ nalesuka emkhatsini walesihosha, nencenye yelive lakaGileyadi kuze kuyofika eSihosheni saseJabhoki, lobekungumncele wema-Amoni. 3 Abebusa nase-Arabha kuze kuyewufika eLwandle LwaseKhinerethi*+ nawuya emphumalanga, kuchubeke kuyewufika eLwandle Lwase-Arabha, lokuLwandle Lweluswayi,* ngasemphumalanga nawubheka eBhethi-jeshimothi, nangaseningizimu ngephansi kwetindzawo letewukelako tasePhisga.+
4 Ema-Israyeli atsatsa nelive la-Ogi inkhosi+ yaseBhashani, lobekangulomunye wemaRefa+ ekugcina, futsi lobekahlala e-Ashtarothe nase-Edreyi. 5 Ogi abebusa indzawo lefaka ekhatsi iNtsaba iHemoni, iSalekha, nayo yonkhe iBhashani,+ kuze kuyewufika emnceleni wemaGeshuri nemaMakhathi+ futsi abusa nencenye yelive lakaGileyadi kuyewufika endzaweni lebeyibuswa nguSihoni inkhosi yaseHeshboni.+
6 Mosi inceku yaJehova kanye nema-Israyeli bawancoba lamakhosi.+ Ngemuva kwaloko, Mosi inceku yaJehova watsatsa lelive lawo walinika sive sakaRubeni, sakaGadi nencenye yesive sakaManase,+ kutsi libe lifa labo.
7 Ngulawa emakhosi elive lancotjwa nguJoshuwa kanye nema-Israyeli enshonalanga yeJordane, kusukela eBhali-gadi+ leseSihosheni saseLebanoni+ kuze kuyofika eNtsabeni iHalaki+ lekhuphuka ize iyofika eSeyiri.+ Ngemuva kwaloko, Joshuwa watsatsa lelive lawo walinika tive taka-Israyeli kute libe lifa lato ngekwetabelo tato,+ 8 live lelisesifundzeni lesinetintsaba, eShefela, e-Arabha, etindzaweni letewukelako, ehlane naseNegebhu,+ lokulive lemaHethi, lema-Amori,+ lemaKhenani, lemaPheresi, lemaHivi nelemaJebhusi:+
9 Inkhosi yaseJerikho,+ yinye; inkhosi yase-Ayi+ leseceleni kweBetheli, yinye;
10 inkhosi yaseJerusalema, yinye; inkhosi yaseHebroni,+ yinye;
11 inkhosi yaseJamuthi, yinye; inkhosi yaseLakhishi, yinye;
12 inkhosi yase-Egloni, yinye; inkhosi yaseGezeri,+ yinye;
13 inkhosi yaseDebiri,+ yinye; inkhosi yaseGederi, yinye;
14 inkhosi yaseHoma, yinye; inkhosi yase-Aradi, yinye;
15 inkhosi yaseLibna,+ yinye; inkhosi yase-Adulamu, yinye;
16 inkhosi yaseMakheda,+ yinye; inkhosi yaseBetheli,+ yinye;
17 inkhosi yaseThaphuwa, yinye; inkhosi yaseHeferi, yinye;
18 inkhosi yase-Afeki, yinye; inkhosi yaseLasharoni, yinye;
19 inkhosi yaseMadoni, yinye; inkhosi yaseHasori,+ yinye;
20 inkhosi yaseShimironi-meroni, yinye; inkhosi yase-Akshafu, yinye;
21 inkhosi yaseThanaki, yinye; inkhosi yaseMegido, yinye;
22 inkhosi yaseKhedeshi, yinye; inkhosi yaseJokneyamu+ leseKhameli, yinye;
23 inkhosi yaseDori lesetindzaweni letewukelako taseDori,+ yinye; inkhosi yaseGoyimu leseGilgali, yinye;
24 inkhosi yaseThisa, yinye. Asawonkhe lamakhosi abengu-31.