Kulandzisa KwaMakho
15 Ngekushesha nasekusile, baphristi labakhulu, emadvodza lamadzala kanye netati temtsetfo, lokungiwo onkhe emalunga eNkantolo YemaJuda, babutsana futsi babopha Jesu base bayamchuba bamyisa kuPilatu.+ 2 Pilatu wambuta watsi: “UyiNkhosi yemaJuda yini?”+ Jesu wamphendvula watsi: “Sewuvele ushito.”+ 3 Baphristi labakhulu bebammangalela ngetintfo letinyenti. 4 Ngako Pilatu waphindze wambuta watsi: “Kute yini longakusho?+ Asewubuke kutsi bakubeka emacala langakanani.”+ 5 Kodvwa Jesu akaphendvulanga, futsi loko kwammangalisa kakhulu Pilatu.+
6 Njalo ngesikhatsi seMkhosi weliPhasika, bekungumkhuba waPilatu kukhululela bantfu siboshwa lebebafuna sikhululwe.+ 7 Ngaleso sikhatsi, bekukhona indvodza lebeyisejele, libito layo kunguBharaba futsi beyiboshwe nalabanye lebebabekwe emacala ekuvukela umbuso nekubulala. 8 Ngako sicumbi sebantfu seta sacela Pilatu kutsi asentele loko lebekahlale asentela kona. 9 Wasiphendvula watsi: “Nifuna nginikhululele leNkhosi yemaJuda yini?”+ 10 Ngobe bekati kahle kamhlophe kutsi baphristi labakhulu bebaletse Jesu kuye ngenca yekutsi bebanemona.+ 11 Kodvwa labaphristi labakhulu bagcugcutela lesicumbi sebantfu kutsi sifune kukhululelwa Bharaba.+ 12 Pilatu waphindze watsi: “Nifuna ngenteni-ke ngalona lenitsi uyiNkhosi yemaJuda?”+ 13 Bamemeta batsi: “Akayiswe elugodvweni!”*+ 14 Kodvwa Pilatu watsi kubo: “Leni? Ngukuphi lokubi lakwentile?” Nanobe kunjalo bamemeta kakhulu batsi: “Akayiswe elugodvweni!”*+ 15 Ngenca yekutsi bekafuna kujabulisa lesicumbi, wakhulula Bharaba, futsi ngemuva kwekutsi atsi Jesu akashaywe,+ wabanika yena kuze bambulalele elugodvweni.+
16 Emasotja amtsatsa amyisa ebaleni lelisekhaya laPilatu futsi abita lonkhe libutfo lemasotja.+ 17 Amgcokisa sembatfo lesibukhwebeletane,* aphindze eluka umchele wemanyeva amfaka wona, 18 futsi amemeta atsi: “Sawubona, wena Nkhosi yemaJuda!”+ 19 Abemshaya enhloko ngemhlanga, amkhafulela, aphindze aguce amkhotsamele. 20 Nasekacedzile kuhlekisa ngaye, lamasotja amkhumula lesembatfo lesibukhwebeletane, amgcokisa tingubo takhe tangetulu. Abese ahamba naye kuze ayombetsela elugodvweni.+ 21 Aphocelela lenye indvodza lebeyitendlulela kutsi yetfwale lugodvo* lebekutawubulawelwa Jesu kulo. Libito lalendvodza kwakunguSimoni waseSirene, iphuma emaphandleni, futsi beyingubabe wa-Alekzanda naRufusi.+
22 Lamasotja ahamba naJesu efika endzaweni lebitwa ngekutsi yi-Golgotha, lokusho kutsi “Indzawo Yesikobho.”+ 23 Etama kumnika liwayini lebelibhicwe nemutsi wemure,+ kodvwa wala kulinatsa. 24 Abese ambetsela elugodvweni, futsi abelana ngetingubo takhe tangetulu, enta inkatho kuze abone kutsi bani utawutsatsani.+ 25 Besekutawushaya insimbi yemfica ekuseni* nawambetsela elugodvweni, 26 futsi bekubhalwe emavi lebekamangalelwe ngawo latsi: “INkhosi YemaJuda.”+ 27 Kunetigebengu letimbili letalengiswa naye etigodvweni, sinye sabetselwa ngesekudla sakhe kantsi lesinye sabetselwa ngesencele.+ 28 *—— 29 Bantfu lebebendlula bebamedzelela, banikine tinhloko+ batsi: “Asewubuke! Watsi ungalibhidlita lithempeli futsi ulakhe ngemalanga lamatsatfu,+ 30 tisindzise ngekutsi wehle kulolugodvo.”* 31 Baphristi labakhulu netati temtsetfo nabo bebahlekisa ngaye batsi: “Bekabasindzisa labanye, kodvwa yena uyehluleka kutisindzisa!+ 32 LoKhristu, lona loyiNkhosi yema-Israyeli akehle phela kulolugodvo* kuze sibone futsi sikholwe.”+ Ngisho nalabo lebebalengiswe naye etigodvweni nabo bebamhlambalata.+
33 Nasekusondzela insimbi yelishumi nakubili emini* kwaba mnyama eveni lonkhe, kwaze kwaba kunasekusondzela insimbi yesitsatfu ntsambama.*+ 34 Kwatsi nasekuyinsimbi yesitsatfu ntsambama, Jesu wamemeta ngelivi lelikhulu watsi: “Eli, Eli, lama sabakthani?” lokusho kutsi: “Nkulunkulu wami, Nkulunkulu wami, ungishiyeleni?”+ 35 Nabeva loku, labanye lebebeme edvute nalapho batsi: “Niyamuva, ubita Elija.” 36 Lomunye wabo wagijima watsatsa sipontji wasenya ewayinini lelimunyu, wasibophela emhlangeni, wase uyamnika kutsi anatse,+ watsi: “Asimyekeleni, sibone kutsi Elija utawufika yini atomehlisa.” 37 Jesu wamemeta ngelivi lelikhulu, wase uyafa.*+ 38 Indvwangu yasethempelini+ yadzabuka ekhatsi, kusuka etulu kuya phansi.+ 39 Ngesikhatsi indvuna yemasotja lebeyime lapho ibona tonkhe letintfo lebetenteka nekutsi ufile, yatsi: “Nembala lomuntfu bekayiNdvodzana yaNkulunkulu.”+
40 Bekukhona nebafati lebebeme khashanyana babuka, emkhatsini wabo bekunaMariya waseMagdala, Mariya longumake waJosese naJakobe lokutsiwa nguLomncane, futsi bekukhona naSalome.+ 41 Laba bebavame kuhamba naJesu eGalile, futsi bebamsita.+ Bekukhona nalabanye bafati lebebete naye eJerusalema.
42 Besekunguntsambama, futsi njengobe bekulilanga Lekulungiselela, lokulilanga lelingaphambikweliSabatha, 43 Josefa wase-Arimathiya, lobekalilunga lelihlonishwako leNkantolo Yenkholo,* naye lobekalindze uMbuso waNkulunkulu, wacunga sibindzi waya kuPilatu wayocela sidvumbu saJesu.+ 44 Kodvwa Pilatu watibuta kutsi Jesu sewufile yini, wase ubita indvuna yemasotja, wayibuta kutsi sewufile yini vele. 45 Ngako watsi nasekevile kulendvuna yemasotja kutsi Jesu sewufile, wavuma kutsi Josefa atsatse lesidvumbu. 46 Ngemuva kwekutsi Josefa sekatsenge indvwangu yelineni lecolisakele, watsatsa lesidvumbu wasigocotela ngayo, wasibeka ethuneni+ lebeligujwe edvwaleni, futsi wagicita litje wavala lelithuna.+ 47 Kodvwa Mariya waseMagdala naMariya longumake waJosese, bebasolo babuke lapho Jesu bekangcwatjelwe khona.+