Habakhuki
3 Umthantazo lotingoma tekulila waHabakhuki umphrofethi:
2 Awu Jehova, ngiwuvile umbiko lomayelana nawe.
Awu Jehova, imisebenti yakho iyangimangalisa.
Emkhatsini waleminyaka,* yente iphile!
Emkhatsini waleminyaka,* yente yatiwe.
Shengatsi ungakhumbula kuba nemusa ngesikhatsi senhlekelele.+
Bukhatikhati bakhe bambonya emazulu;+
Ludvumo lwakhe lwagcwala umhlaba.
4 Kukhatimula kwakhe bekunjengekukhanya.+
Bekumanyata imisebe lemibili esandleni sakhe,
Lapho emandla akhe bewafihlwe khona.
5 Embikwakhe bekuhamba sifo lesibulalako,+
Futsi umkhuhlane lovutsako bewulandzela etinyatselweni takhe.
6 Wema, wase unyakatisa umhlaba.+
Ngekubuka nje, tonkhe tive watenta tachachateliswa kwesaba.+
Tintsaba letime phakadze tabhidlitwa,
Nemagcuma asendvulo aguca.+
Tindlela takadzeni ngetakho.
7 Ngabona siphitsiphitsi emathendeni aseKushe.
Tindvwangu temathende elive lebakaMidiyani tanyakatiswa.+
8 Awu Jehova, kutfukutsela kwakho kumelene yini nemifula,
Kuvutsa kwentfukutselo yakho kumelene yini nemifudlana?
Intfukutselo yakho imelene yini nelwandle?+
9 Nebutjoki bakho sewubukhiphile futsi sewukulungele kudubula ngabo.
Imicibisholo yakho seyikulungele kwenta imisebenti yayo njengobe yafunga.* (Sela)
Wena wehlukanisa umhlaba ngemifula.
10 Tintsaba tabuva buhlungu embikwakho.+
Kwendlula imvula lenkhulu.
Kujula kwabhodla ngelivi lako.+
Kwaphakamisela tandla tako etulu.
11 Lilanga nenyeti kwema kwanganyakati esibhakabhakeni.+
Butjoki bakho baphuma njengekukhanya.+
Kumanyata kwesikhali sakho bekukhanya kakhulu.
12 Bewuhamba emhlabeni utfukutsele.
Wanyatsela* tive ngelulaka.
13 Waphumela kusindzisa bantfu bakho, kuze usindzise logcotjiwe wakho.
Wafihlita umholi* wendlu yalomubi.
Lendlu yabhidlitwa kusukela etulu kuze kuyofika phansi esisekelweni sayo. (Sela)
14 Wena wahlaba inhloko yemabutfo akhe ngetikhali takhe
Ngesikhatsi atseleka kuze atongihlakata.
Lamabutfo bekajabula kakhulu nakamshwabadzela ekusitsekeni loyo locindzetelekile.
15 Wadzabula ekhatsi elwandle ngemahhashi akho,
Wadzabula ekhatsi emantini lamanyenti.
Ematsambo ami aba butsakatsaka;+
Imilente yami beyichachatela.
Kodvwa mine ngitawuchubeka ngehlise umoya njengobe ngilindzele lilanga lenhlekelele,+
Ngobe litawubafikela bantfu labasihlaselako.
17 Nanobe sihlahla semakhiwa kungenteka singachakazi,
Futsi kungenteka kube bete sitselo emasimini emagilebisi;
Nanobe tihlahla temncumo tingahle tingatseli,
Nemasimu angahle angakhiciti sivuno;
Nanobe umhlambi ungase unyamalale esibayeni,
Netinkhomo kungenteka kubete esibayeni;
18 Kodvwa mine, ngitawutfokota ngaJehova;
Ngitawujabula ngaNkulunkulu wensindziso yami.+
19 INkhosi Lephakeme Jehova ingemandla ami;+
Itawenta tinyawo tami tifane netenyamatane
Futsi itawungenta ngihambe etindzaweni letiphakeme.+
Sicondziso lesiya kumcondzisi; kufanele idlalwe ngetinsimbi tami temculo.