Yekucala KubaseThesalonika
4 Kwekugcina bazalwane, njengobe sanifundzisa kutsi kufanele nitiphatse njani kuze nijabulise Nkulunkulu,+ siyanicela futsi siyanincenga ngeNkhosi Jesu, kutsi loko nichubeke nikwenta ngalokugcwele, njengobe nje vele nenta. 2 Ngobe niyatati ticondziso* lesaninika tona ngeNkhosi Jesu.
3 Nkulunkulu ufuna kutsi nibe ngcwele+ futsi nibubalekele bugwadla.*+ 4 Ngamunye wenu kufanele akwati kulawula umtimba*+ wakhe ngebungcwele+ nangeludvumo, 5 hhayi ngekuba nenkhanuko lenemandla+ njengetive letingamati Nkulunkulu.+ 6 Kute lokufanele ente lokungakafaneli nobe alimate umzalwane wakhe kulendzaba, ngobe Jehova* nguye lokhipha sijeziso kuto tonkhe letintfo njengobe nje sanitjela futsi saniyalisisa. 7 Nkulunkulu akasibitelanga kungcola, kodvwa wasibitela bungcwele.+ 8 Ngako-ke umuntfu longakulaleli loku usuke angedzeleli bantfu, kodvwa usuke edzelela Nkulunkulu,+ loninika umoya wakhe longcwele.+
9 Kute sidzingo sekutsi sinibhalele mayelana nelutsandvo+ lwebuzalwane, ngobe nifundziswa nguNkulunkulu kutsi nitsandzane.+ 10 Ecinisweni, loku niyakwenta kubo bonkhe bazalwane baseMasedoniya. Kodvwa sinikhutsata kutsi nichubeke nikwenta ngalokugcwele. 11 Timiseleni kutsi niphile ngekuthula,+ ninake tindzaba tenu+ futsi nisebente ngetandla tenu,+ njengobe nje saniyala, 12 kuze nitiphatse ngendlela lefanele embikwebantfu bangephandle,+ futsi ningesweli lutfo.
13 Ngetulu kwaloko bazalwane, asifuni kutsi nibe bete lwati ngalabafile,+ kuze ningalili njengalabo labete litsemba.+ 14 Nangabe sikholwa kutsi Jesu wafa waphindze wavuka,+ siyakholwa nekutsi Nkulunkulu utawubavusa kanye naye* labo labafe* bamunye naJesu.+ 15 Naku lesinitjela kona ngelivi laJehova,* kutsi tsine lesitawube sisaphila ngesikhatsi sekuba khona kweNkhosi, ngeke sivuke kucala kunalabo lesebafile;* 16 ngobe iNkhosi itawehla ivela ezulwini ikhipha ticondziso ngelivi lengilosi lenkhulu+ nangelicilongo laNkulunkulu, futsi labo labafe basebunyeni naKhristu batawuvuka kucala.+ 17 Ngemuva kwaloko, tsine lesiphilako sitawutsatfwa ngemafu+ kanye nabo kuze sihlangane neNkhosi+ emoyeni; bese siba nayo ngaso sonkhe sikhatsi.+ 18 Ngako-ke chubekani nidvudvutana ngalamavi.