JOBE
1 Bekunendvodza lebeyihlala eveni lase-Uzi, libito layo kunguJobe.*+ Beyicotfo futsi yetsembekile,*+ yesaba Nkulunkulu, ikubalekela nalokubi.+ 2 Beyinemadvodzana langu-7 nemadvodzakati lamatsatfu. 3 Beyifuye timvu letingu-7 000, emakamela langu-3 000, tinkhomo letingu-1 000* netimbongolo* letingu-500, futsi beyinetisebenti letinyenti kakhulu. Ngako beyingumuntfu lomkhulu kakhulu kunabo bonkhe bantfu baseMphumalanga.
4 Emadvodzana aJobe bekenta emadzili ngemalanga labekiwe, nguleyo naleyo beyiba neligema lekutsi ilentele endlini yayo. Abemema bodzadzewabo labatsatfu kute batewudla nawo futsi banatse nawo. 5 Besitsi singendlula lesikhatsi semadzili, Jobe abite bantfwabakhe kute abahlambulule. Bekabese uvuka ekuseni kakhulu, anikele imihlatjelo yekushiswa+ yabo bonkhe, ngobe bekatsi: “Mhlawumbe bantfwabami bonile futsi bacalekise Nkulunkulu etinhlitiyweni tabo.” Nguloko-ke Jobe labekwenta ngaso sonkhe sikhatsi.+
6 Kwefika lilanga lekutsi tingilosi*+ tite embikwaJehova+ futsi time etindzaweni tato, naSathane+ wangena nato.+
7 Jehova wase ubuta Sathane watsi: “Ubuyaphi?” Sathane waphendvula Jehova watsi: “Bengehla ngenyuka emhlabeni futsi ngibukabuka kuwo.”+ 8 Jehova watsi kuSathane: “Umbonile yini Jobe* inceku yami? Kute umuntfu lofana naye emhlabeni. Ucotfo futsi wetsembekile,*+ uyangesaba, uyakubalekela nalokubi.” 9 Ngako Sathane waphendvula Jehova watsi: “Kube kute lomnika kona Jobe, bekatawuchubeka yini akwesaba?+ 10 Awukamvikeli yini+ yena nemndeni wakhe kanye nako konkhe lanako? Uwubusisile umsebenti wakhe,+ kantsi nemfuyo yakhe seyandze kakhulu. 11 Kodvwa asewelule sandla sakho, uhlasele konkhe lanako, ubone kutsi angeke yini akwetfuke nje umbukile.”* 12 Ngemuva kwaloko Jehova watsi kuSathane: “Konkhe lanako kusesandleni sakho.* Kuphela nje ungamtsintsi!” Ngako Sathane wesuka embikwaJehova.*+
13 Ngalelinye lilanga ngesikhatsi emadvodzana nemadvodzakati aJobe adla futsi anatsa liwayini endlini yemnakabo lomdzala,+ 14 sisebenti saJobe sefika kuye satsi: “Tinkhomo betilima futsi timbongolo betidla eceleni kwato 15 kwase kufika bantfu baseSeba basihlasela futsi batitsatsa, babese babulala tisebenti takho ngenkemba. Ngimi kuphela losindzile, ngako ngite kutekubikela.”
16 Ngesikhatsi lesisebenti sisakhuluma, kwefika lesinye satsi: “Kwehle umlilo lovela kuNkulunkulu* ezulwini washisa timvu netisebenti takho futsi waticotfula! Ngimi kuphela losindzile, ngako ngite kutekubikela.”
17 Satsi sisakhuluma lesisebenti, kwefika lesinye satsi: “EmaKhaledi+ akhe emacembu lamatsatfu, ahlasela emakamela futsi awatsatsa, abese abulala tisebenti takho ngenkemba. Ngimi kuphela losindzile, ngako ngite kutekubikela.”
18 Satsi sisakhuluma, kwefika nalesinye satsi: “Emadvodzana nemadvodzakati akho bekadla futsi anatsa liwayini endlini yemnakabo lomdzala. 19 Kutsite kungakalindzeleki kwefika umoya lomkhulu lochamuka ehlane, wabhidlita lendlu yawela etikwebantfwabakho futsi bafa. Ngimi kuphela losindzile, ngako ngite kutekubikela.”
20 Watsi Jobe nakeva loku wasukuma, wadzabula ingubo yakhe futsi wahhula tinwele takhe enhloko; wabese uyaguca futsi wakhotsama, 21 watsi:
“Ngaphuma ngingenalutfo esiswini samake,
Futsi ngitawubuyela ngingenalutfo.+
Jehova uphile,+ Jehova utsatsile.
Alichubeke lidvunyiswa libito laJehova.”
22 Kuko konkhe loku, Jobe akazange one nobe asole Nkulunkulu atsi wente lokubi.
2 Ngemuva kwaloko, kwefika lilanga lekutsi tingilosi*+ tite embikwaJehova+ kute time etindzaweni tato, naSathane wangena nato futsi wema embikwaJehova.+
2 Jehova wase ubuta Sathane watsi: “Ubuyaphi?” Sathane waphendvula Jehova watsi: “Bengehla ngenyuka emhlabeni futsi ngibukabuka kuwo.”+ 3 Jehova watsi kuSathane: “Umbonile yini Jobe* inceku yami? Kute umuntfu lofana naye emhlabeni. Ucotfo futsi wetsembekile,*+ uyangesaba, uyakubalekela nalokubi. Nanyalo akakabulahli bucotfo bakhe+ ngisho nobe wena wetama kungenta kutsi ngimbhubhise*+ ngaphandle kwesizatfu.” 4 Kepha Sathane waphendvula Jehova watsi: “Sikhumba ngesikhumba. Umuntfu angalahlekelwa ngiko konkhe lanako kuze alondvolote kuphila kwakhe. 5 Kodvwa asewelule sandla sakho, utsintse ematsambo akhe nenyama yakhe, ubone kutsi angeke yini akwetfuke nje umbukile.”*+
6 Jehova wabese utsi kuSathane: “Usesandleni sakho!* Kuphela nje ungambulali!” 7 Ngako Sathane wesuka embikwaJehova* wase uhlasela Jobe ngematfumba labuhlungu*+ kusuka etulu enhloko kuya phansi elunyaweni. 8 Jobe watsatsa lucetu lwesitja selubumba kute atenwaye ngalo, ahleti phansi emlotseni.+
9 Ekugcineni umfati wakhe watsi kuye: “Solo ubambelele kulokwetsembeka kwakho? Yetfuka Nkulunkulu ufe!” 10 Kodvwa Jobe wamphendvula watsi: “Ukhulumisa kwemfati longenangcondvo. Kantsi kufanele semukele lokuhle kuphela yini kuNkulunkulu weliciniso, singasakwemukeli nalokubi?”+ Kuko konkhe loku lokwamehlela, Jobe akazange one.*+
11 Bangani baJobe labatsatfu,* bo-Elifazi+ umThemani, Bildadi+ umShuwa+ naSofari+ umNama, beva ngako konkhe lokubuhlungu lebekwehlele Jobe. Ngako ngamunye wabo wesuka ekhaya lakhe ngobe bebavumelene ngekutsi batawuhlangana kute bahambe bayolilela Jobe futsi bamdvudvute. 12 Ngesikhatsi bambona basesekhashane, abazange babone kutsi nguJobe. Ngako batsi nasebabona kutsi nguye bacala kukhala kakhulu futsi badzabula tingubo tabo, bajika umhlabatsi emoyeni nasetinhloko tabo.+ 13 Bahlala naye phansi emhlabatsini emalanga langu-7 nebusuku lobungu-7. Kute ngisho namunye lowakhuluma naye, ngobe bebabona kutsi uva buhlungu kakhulu.+
3 Ngemuva kwaloko Jobe wacala kukhuluma futsi wacalekisa lilanga latalwa ngalo.*+ 2 Watsi:
3 “Kube mane alizange lifike lilanga lengatalwa ngalo,+
Kanye nebusuku lapho lotsite atsi: ‘Kutelwe umfana!’
4 Lelolanga alibe bumnyama.
Nkulunkulu losetulu akangabi nandzaba nalo;
Shengatsi nekukhanya kungete kwakhanya.
5 Shengatsi bumnyama lobukhulu* bungalimbonya.
Shengatsi lingambonywa lifu lelimnyama.
Shengatsi bumnyama lobesabekako bungambonya kukhanya kwalo.
6 Shengatsi lobo busuku bungaba mnyama kakhulu;+
Shengatsi bungete bajabula emkhatsini wemalanga onkhe emnyaka,
Futsi abungabalwa kunobe ngabe nguyiphi inyanga.
7 Bekutawuba ncono kube kute lowatalwa ngalobo busuku;
Shengatsi umsindvo wenjabulo bewungete wevakala.
9 Shengatsi tinkhanyeti tentsatsakusa tingaba mnyama;
Shengatsi lobobusuku bungamela kukhanya lokungeke kufike,
Futsi abungakuboni kukhanya kwentsatsakusa.
10 Ngobe abuzange busivale sibeletfo samake;+
Futsi abuzange bufihle tinkinga kuze ngingatiboni.
11 Angifanga ngani nje nangitalwa?
Kungani ngingazange ngishabalale nangiphuma esiswini samake?+
12 Kungani kwaba nematsanga langigona
Nemabele langimunyisa?
13 Ngobe nje nyalo ngabe ngitilalele ngekuthula;+
Ngabe ngilele, ngitiphumulele+
14 Ngabe ngitiphumulele nemakhosi asemhlabeni kanye nebeluleki bawo,
Labatakhela tindzawo lesetabhidlika,*
15 Nobe nebantfwabenkhosi* lebebaneligolide,
Lebebanetindlu letigcwele lisiliva.
16 Kungani ngingazange ngifane nemntfwana lofele esiswini,
Ngibe njengebantfwana labangazange sebakubone kukhanya?
17 Bantfu lababi abakhatsateki ethuneni;
Futsi labaphelelwe ngemandla bayaphumula.+
18 Ethuneni tonkhe tiboshwa tiyakhululeka;
Atiliva livi lalotiphocelela kutsi tisebente.
19 Labakhulu nalabancane bayafana lapho,+
Nesigcili siyakhululeka kumphatsi waso.
20 Nkulunkulu umnikelani kukhanya umuntfu lohluphekako
Ubaniketelani kuphila labo labacindzeteleke kakhulu?+
21 Kwentiwa yini kutsi labo labafuna kufa bangafi,+
Ngisho nobe bakufunisisa kwendlula umcebo lofihliwe,
22 Labo labangajabula kakhulu
Futsi batfokote nababona kufa?
23 Nkulunkulu umnikelani kukhanya umuntfu lophambukile endleleni,
Umuntfu lovalelwe nguNkulunkulu?+
25 Loko lebengikwesaba kakhulu sekungehlele,
Futsi loko lebengikwesaba sekungifikele.
26 Angikakutfoli kuthula, kukhululeka nekuphumula,
Solo nje ngihlaselwa tinkinga.”
4 Elifazi+ umThemani wase uyamphendvula utsi:
2 “Nangabe lotsite etama kukhuluma nawe, utawutfukutsela yini?
Ngobe ngubani nje longathula?
3 Ngiyati kutsi weluleke bantfu labanyenti,
Futsi bewubacinisa labo lababutsakatsaka.
4 Emavi akho bekakhutsata nobe ngubani lophelelwa ngemandla,*
Nalabanemadvolo lacegako bewubacinisa.
5 Kodvwa nyalo tinhlekelele setikwehlele, futsi sewucindzetelekile;*
Setikufikele, nawe sewuphelelwa ngemandla.
6 Kuhlonipha kwakho Nkulunkulu akukwenti yini kutsi umetsembe?
Kuba cotfo kwakho+ akukuniki yini litsemba?
7 Ngicela ucabange nganaku: Ukhona yini umuntfu longenacala lowake wacotfulwa?
Kuke kwenteka yini kutsi lolungile abhujiswe?
8 Lengikubonile kutsi labo labahlela* kwenta lokubi
Nalabo labahlanyela bubi batawuvuna kona loko.
9 Ngekuphefumula nje kwaNkulunkulu bayashabalala,
Nangekuvutsa kwentfukutselo yakhe bayaphela.
10 Libhubesi liyabhodla, nelibhubesi lelisakhula liyahhonga,
Kodvwa ngisho nematinyo emabhubesi lanemandla* ayephuka.
11 Libhubesi liyafa nakute lelingakudla,
Nemawundlu alo ayahlakateka.
12 Kukhona lofike wakhuluma nami ekusitsekeni,
Futsi lofike wangihlebela endlebeni yami.
13 Ebusuku, bantfu nabalele hhu butfongo,
Mine ngabona imibono leyangikhatsata,
14 Ngafikelwa kwesaba lokukhulu,
Kwadledletelisa onkhe ematsambo ami.
15 Kukhona lokwendlule* embikwebuso bami;
Tinwele tami tavele tema.
16 Ngemuva kwaloko kwema kwanganyakati,
Kodvwa angizange ngibone kutsi kuyini.
Bekunentfo letsite embikwami;
Lendzawo beyithulile, futsi ngase ngiva livi litsi:
17 ‘Kungenteka yini kutsi umuntfu alunge kakhulu kwendlula Nkulunkulu?
Umuntfu angaba msulwa yini kwendlula uMdali wakhe?’
18 Ngisho netinceku takhe akatetsembi,
Futsi ubuka emaphutsa nasetingilosini* takhe.
19 Kakhulu kangakanani-ke ngalabo labahlala etindlini letakhiwe ngeludzaka,
Lokutindlu letakhelwe elutfulini,+
Labapitjiteka kamelula njengemvunya!
20 Babakhona ekuseni, litsi liyoshona babe sebapitjitwe baphela;
Bayashabalala kuze kube phakadze, futsi kute namunye lokunakako loko.
21 Bafana nelithende lelikhishwe tintsambo talo lase liyawa.
Bafa bete kuhlakanipha.
5 “Asewumemete! Ukhona yini losabelako?
Nguyiphi nje ingilosi* lotawucela lusito kuyo?
2 Ngobe losilima utawubulawa yintfukutselo,
Futsi lolibele utawubulawa ngumona.
3 Ngike ngambona lolibele aphumelela,
Kodvwa masinyane nje sicalekiso sehlela etikwemuti wakhe.
4 Emadvodzana akhe awakaphephi nakancane,
Futsi ayacindzetelwa esangweni lelidolobha,+ kube kute nalongawasita.
5 Umuntfu lolambile udla lokuvunwe ngulolibele,
Akutsatse ngisho nasemanyeveni,
Futsi bemukwa netintfo tabo.
6 Ngobe tintfo letimbi atimili elutfulini,
Netinkinga ativumbuki emhlabatsini.
7 Njengobe nje nelilangabi liya etulu,
Kanjalo-ke nemuntfu angeke atibalekele tinkinga kusukela atalwa.
8 Kodvwa kube benginguwe, bengitawuncenga Nkulunkulu,
Bengitawetfula indzaba yami kuye,
9 Yena lowenta tintfo letinkhulu naletingaphenyeki,
Lowenta tintfo letinyenti letimangalisako.
10 Unisa imvula emhlabeni
Ageletise emanti eveni.
11 Uyamphakamisa lobukelwa phansi,
Futsi amsindzise lova buhlungu.
12 Uyawacitsa emacebo alabanebucili,
Kuze imisebenti yetandla tabo ingaphumeleli.
13 Utawenta labahlakaniphile balinyatwe bucili babo,+
Kuze emacebo abo angaphumeleli.
14 Bambonywa bumnyama emini,
Futsi bafanana nebantfu labafuna lokutsite ebumnyameni ngisho nobe kukhanya bha.
15 Uvikela bantfu elulwimini lwalababi lolufana nenkemba,
Asindzise labaphuyile esandleni salabanemandla,
16 Kuze labo labaphansi babe nelitsemba,
Kodvwa labo labenta lokubi bavalwe imilomo.
17 Uyajabula umuntfu lowelulekwa nguNkulunkulu;
Ngako ungasali sijeziso saSomandla!
18 Ngobe ubangela buhlungu, kodvwa abuye abhandishe lesilondza;
Uyalimata, kodvwa abuye aphilise ngetandla takhe.
19 Utakusindzisa etinhlekeleleni letisitfupha,
Ngisho nenhlekelele yesi-7 ngeke ikulimate.
20 Ngesikhatsi sendlala utawenta kutsi ungafi,
Futsi akusindzise nasenkembeni ngesikhatsi semphi.
21 Nkulunkulu utakuvikela ekushayweni ngemagama labuhlungu,+
Nenhlekelele ngeke uyesabe nayifika.
22 Ngeke ukhatsateke ngekubhujiswa nobe ngendlala,
Ngeke utesabe netilwane tesiganga.
23 Ngobe ematje lasensimini yakho ngeke akulimate,*
Netilwane tesiganga titawuhlala nawe ngekuthula.
24 Utawube wati kutsi lithende lakho livikelekile,*
Futsi nawuyohlola imfuyo yakho utayikhandza iphelele.
25 Utawuba nebantfwana labanyenti,
Nebatukulu bakho batawuba banyenti ngangetjani lobusemhlabeni.
26 Utawufa usenemandla,
Njengetitfungo takolo letivunwa ngesikhatsi sawo.
27 Lalela-ke! Sikuhlolisisile loku, satfola kutsi kuliciniso.
Kulalele bese uyakusebentisa.”
6 Jobe wabese uyaphendvula utsi:
2 “Kube mane buhlungu bami+ bebungakalwa bonkhe
Bubekwe etikalini kanye netinkinga tami!
3 Ngobe nyalo kwesindza kwendlula sihlabatsi saselwandle.
Kungako tintfo lengitikhulumako tingenangcondvo.*+
4 Ngobe imicibisholo yaSomandla ingihlabile,
Nesihlungu sayo singene ekhatsi emtimbeni wami;+
Nkulunkulu uyangihlasela, futsi ngesaba kakhulu.
6 Ungakudla yini kudla lokudvuma ungakakufaki luswayi,
Bukhona yini bunandzi kulokumhlophe kwelicandza?
7 Ngalile kutsintsa tintfo letinjalo.
Tifana nekungcola ekudleni kwami.
8 Awu, kube mane sicelo sami besingaphendvulwa
Futsi Nkulunkulu afeze sifiso sami!
9 Kube mane Nkulunkulu abengangifihlita,
Futsi elule sandla sakhe, angibulale!+
10 Ngobe ngisho naloko bekutangidvudvuta;
Bengitawugcumagcuma ngenjabulo nanobe ngisetinhlungwini letingapheli,
Ngobe angikawashiyi emavi aLongcwele.+
11 Ngisenawo yini emandla ekuchubeka ngilindzile?+
Yini lenhle lesangimele kutsi ngingachubeka ngiphila?*
12 Nginemandla njengelidvwala yini?
Yona inyama yami yentiwe ngelitfusi yini?
13 Ikhona yini indlela lengingatisita ngayo
Njengobe sengemukwe konkhe lebengitisekela ngako?
15 Bangani bami bangijikele+ njengemfula wasebusika,
Njengemanti lasemifuleni yasebusika lagcina omile.
16 Yona ingcoliswa lichwa,
Futsi igcwale lichwa lelincibilikile.
17 Ehlobo ibabete emanti, igcine ingasageleti;
Futsi nasekushisa iyoma.
18 Iyaphambuka;
Igeletele elugwadvule bese iyasha.
20 Tidliwa ngemahloni ngobe betetsembe intfo lengekho;
Titsi natifika lapho tivele tijabhe.
21 Nguleyo indlela lenente ngayo kimi;+
Nibonile kutsi kuhlupheka kwami bekumatima kangakanani, futsi nesaba.+
22 Nginicelile yini kutsi ninginikete lokutsite?
Futsi nginicelile yini kutsi ningiphe sipho ebunjingeni benu?
23 Ngike ngacela yini kutsi ngisindziswe esandleni sesitsa
Nobe ngisindziswe* kulabangicindzetelako?
24 Ngitjeleni lengikwentile, mine ngitawuthula;+
Ngisiteni kuze ngilibone liphutsa lami.
25 Emavi laliciniso akasibuhlungu!+
Kodvwa kungisita ngani kungisola kwenu?+
26 Nifuna kusola lengikushoko yini,
Nitsi angikwati lokufanele ngikwente,+ naloko lengikukhulumako kuphelela emoyeni?
27 Nitawuze nente inkatho niyentele intsandzane+ kute nibone kutsi itawuba sigcili sabani
28 Manje-ke aseningibuke,
Mine angeke nginiyenge.
29 Ngicela nicabangisise ngaloku, ningangitsatsi kabi
Cabangisisani ngako, ngobe solo ngingumuntfu lolungile.
30 Ngikhuluma tintfo letingakalungi yini?
Angiboni yini kutsi kukhona lokungahambi kahle?
7 “Kuphila kwemuntfu wasemhlabeni kugcwele bumatima.
Emalanga akhe awafani yini nemalanga esisebenti lesicashiwe?+
2 Njengesigcili, ulangatelela kutfola umtfunti,
Nanjengesisebenti lesicashiwe, umele kutfola umholo wakhe.+
3 Ngako sekuphele tinyanga letinyenti kuphila kwami kulite,
Futsi sekuphele busuku lobunyenti ngisebuhlungwini.+
4 Nangilala ngiyatibuta ngitsi: ‘Ngitawuvuka nini?’+
Kodvwa butsi nabusachubeka busuku, ngigucugucuke kuze kube sentsatsakusa.*
5 Umtimba wami ugcwele timphetfu nekungcola losekutikhokho;+
Sikhumba sami sigcwele tincwencwe nebovu.+
7 Awu Nkulunkulu, khumbula kutsi kuphila kwami kunjengemoya,+
Nekutsi liso lami angeke liphindze liyibone injabulo.*
8 Liso lelingibona nyalo angeke liphindze lingibone;
Emehlo akho atangifuna, kodvwa ngitawube ngingasekho.+
10 Angeke aphindze abuyele endlini yakhe,
Nebantfu labahlala khona angeke basamkhumbula.+
11 Ngako-ke, angeke ngithule.
12 Ngilwandle yini nobe ngisilwane lesikhulu saselwandle,
Kutsi ungangibekela umuntfu lotawuhlale angigadzile?
13 Nangitsi: ‘Umbhedze wami utangidvudvuta;
Unginciphisele buhlungu bami,’
14 Wena ubese ungesabisa ngemaphupho
Ungetfuse nangemibono,
15 Ngako ngize nginconota kufa ngobe angisaphefumuli.
Kuncono kutsi ngivele ngife, kunekutsi umtimba wami ungaba njena.*+
16 Ngiyakwenyanya kuphila kwami;+ angisakufuni kuphila.
Ngiyekele, ngobe emalanga ami afanana nemoya nje lophuma emakhaleni.+
18 Kungani umhlola onkhe malanga
Futsi umvivinya ngaso sonkhe sikhatsi?+
19 Ungeke yini ususe emehlo akho kimi
Nobe ungiyekele kwesikhashana nje ngigwinye ematse?+
20 Nangabe ngonile, ngingakulimata njani, wena lobona konkhe lokwentiwa bantfu?+
Kungani kuhlasela kwakho kucondzene nami?
Sengingumtfwalo yini kuwe?
21 Kungani ungasicoleli sono sami
Futsi utsetselele emaphutsa ami?
Ngobe ngekushesha ngitawufa futsi ngibuyele emhlabatsini,+
Utawutsi nawungifuna, ngitawube ngingasekho.”
8 Ngemuva kwaloko Bildadi+ umShuwa+ waphendvula watsi:
2 “Kutawuze kube ngunini solo ukhuluma kanjena?+
Emavi lowakhulumako alite nje!
3 Nkulunkulu angehlulela yini ngendlela lengakalungi,
Futsi Somandla angakugucula yini lokulungile?
4 Nangabe emadvodzana akho onile kuye,
Kusho kutsi yena uvumele kutsi ajeziswe ngenca yekungalaleli kwawo;*
5 Kodvwa kube bewungetsembela kuNkulunkulu+
Uncenge Somandla kutsi akwentele umusa,
6 Futsi kube bewumsulwa, ucotfo mbamba+
Yena bekatakunaka*
Aphindze akubuyisele endzaweni yakho lefanele.
7 Ngisho nobe wacala ungumuntfu lophansi,
Likusasa lakho belitawuba lihle kakhulu.+
8 Ngicela ubute esitukulwaneni sakadzeni,
Futsi unakisise tintfo letatfolwa bokhokho baso.+
9 Ngobe sitelwe itolo nje, futsi asati lutfo,
Nekuphila kwetfu emhlabeni kufana nesitfunti.
10 Angeke yini letitukulwane tikufundzise,
Tikutjele naloko letikwatiko?*
11 Sitfombo sephaphira* singakhula yini sibe sidze endzaweni lengasilo litete?
Umhlanga ungakhula yini ube mudze nakute emanti?
12 Utsi usengakaphumi ngisho netimbali, futsi usengakakhiwa,
Ubune wendlule naletinye titfombo.
13 Ngulona-ke umphumela lotfolwa* ngibo bonkhe labakhohlwa Nkulunkulu,
Ngobe litsemba lalowenta lokubi* litawuphela,
14 Nelitsemba lakhe lilite
Futsi naloko lakwetsembako kutsambe njengendlu yebulembu.
15 Utaweyama endlini yakhe, kodvwa ngeke ichubeke imile;
Utawetama kuyibamba, kodvwa itawudzilika.
16 Ufanana nesitjalo lesiniselwa kahle lesiselangeni,
Nemahlumela aso agcwala yonkhe insimu.+
17 Situngeletela timphandze taso endvundvumeni yematje;
Sifuna indzawo emkhatsini walamatje.*
20 Nakanjani Nkulunkulu angeke abalahle labo labachubeka bacotfo;*
Futsi angeke abasekele* bantfu lababi,
21 Nkulunkulu utawukwenta ujabule
Futsi umemete ngenjabulo.
22 Labo labakwenyanyako batawembatsiswa ngelihlazo,
Futsi lithende lalababi angeke liphindze libe khona.”
9 Jobe waphendvula watsi:
2 “Ngiyati kutsi loku kuliciniso.
Kodvwa umuntfu angaba njani ngulolungile embikwaNkulunkulu?+
3 Nangabe umuntfu afuna kuphikisana naye,*+
Angeke akhone kuphendvula ngisho namunye umbuto waNkulunkulu kuleyinkhulungwane.
4 Uhlakaniphile* futsi unemandla lamakhulu.+
Ngubani longamelana naye futsi angalimali?+
5 Ukhweshisa* tintsaba kube bete nalowatiko;
Atidzilite nakatfukutsele.
6 Unyakatisa umhlaba awususe endzaweni yawo,
Kangangekutsi tisekelo tawo tize tinyikanyike.+
7 Utjela lilanga kutsi lingakhanyi
Ambonye nekukhanya kwetinkhanyeti;+
8 Yena yedvwa wendlala emazulu,+
Anyatsele emagagasi lamakhulu aselwandle.+
9 Wenta ticumbi tetinkhanyeti+ lokutsiwa nguMlotsa,* yiKhesili,* neKhimahi*
Neticumbi tetinkhanyeti letiseningizimu yesibhakabhaka;
10 Wenta tintfo letinkhulu naletingaphenyeki,+
Tintfo letimangalisako letingeke tibalwe.+
11 Nakengca eceleni kwami, angimboni;
Nakendlula eceleni kwami, angimuva.
12 Nakahlutfula lokutsite, ngubani longamelana naye?
Ngubani longatsi kuye: ‘Wentani?’+
14 Ngingamphendvula ngitsini nje,
Ngingawakhetsa njani emagama kute ngiphikisane naye?
15 Ngisho nobe ngente lokulungile, angeke ngimphendvule.+
Ngingamane nje ngicele umusa kumehluleli wami.*
16 Nangabe ngimbita, utawusabela yini?
Angetsembi kutsi utangilalela nangikhuluma naye,
17 Ngobe ungihlisibeta ngetinhlekelele
Futsi wengeta tilondza tami ngaphandle kwesizatfu.+
18 Akangivumeli nekutsi ngidvonse umoya;
Uchubeka nekungengetela tinhlekelele.
19 Nangabe kukhulunywa ngemandla, nguye lonemandla kakhulu.+
Nangabe kukhulunywa ngemtsetfo, yena utsi: ‘Ngubani longangitekisa licala?’*
20 Nobe ngabe ngente lokulungile, umlomo wami bewutangilahla;
Ngisho nobe bengigcine bucotfo bami,* bekatawutsi nginelicala.*
21 Ngisho nobe ngingagcina bucotfo bami,* angati kutsi kutawentekani kimi;
Ngiyayenyanya* lemphilo lengiyiphilako.
22 Konkhe kuyangifananela nje. Kungako ngitsi:
‘Ubabhubhisa ngendlela lefanako labalungile* nalabangakalungi.’
23 Nangabe inhlekelele ingabangela kufa lokungakalindzeleki,
Utawubahleka labalungile nabaphelelwa litsemba.
Futsi nguye kuphela longenta loku.
25 Emalanga ami agijima kwendlula sitfunywa;+
Ayaphela ngingakakuboni lokuhle.
26 Antjweza njengesikebhe lesakhiwe ngemhlanga,
Afanana nelusweti nalwehla luyotsatsa kudla kwalo.
27 Nangitsi: ‘Ngitabukhohlwa buhlungu bami,
Ngitawushintja nasebusweni futsi ngijabule,’
28 Ngitawuchubeka ngesaba ngenca yabo bonkhe buhlungu bami,+
Futsi ngiyati kutsi angeke ungibone ngimsulwa.
29 Ngitawutfolwa nginelicala.*
Ngako kungani nje ngingayekeli kukhombisa kutsi ngimsulwa?+
30 Nangingatigeza emantini lancibilike echweni,
Futsi ngigeze tandla tami emantini lanemlotsa,+
31 Yena utangijikijela emgodzini,
Kuze netimphahla tami titangenyanya.
32 Ngobe akasuye umuntfu njengami kutsi ngingamphendvula,
Nekutsi singaze siye enkantolo.+
33 Kute umuntfu longaba ngumlamuli emkhatsini wetfu,
Nalongaba ngumehluleli wetfu.*
34 Nakangayekela kungishaya*
Futsi angavumeli kwesabisa kwakhe kungetfuse,+
35 Ngitawukhuluma naye ngingesabi,
Ngobe vele mine angesabi.
10 “Ngiyakwenyanya kuphila kwami.+
Ngitawutisho tonkhe tintfo lengikhala ngato.
Ngikhulume ngiselusizini lwami!
2 Ngitawutsi kuNkulunkulu: ‘Ungangibeki licala.
Ngitjele sizatfu lesikwenta umelane nami.
3 Kuyakuzuzisa yini kungicindzetela,
Kubukela phansi umsebenti wetandla takho+
Ube ujatjuliswa seluleko salababi?
4 Emehlo akho ngemehlo enyama yini,
Futsi ubuka tintfo ngendlela umuntfu latibuka ngayo yini?
5 Emalanga akho anjengemalanga ebantfu yini,
Futsi iminyaka yakho ifana neyemuntfu yini,+
6 Kutsi ungabe uphenya emaphutsa ami
Futsi ube uchubeka ufuna tono tami?+
8 Ungidalile, wangibumba ngetandla takho,+
Kodvwa nyalo sewufuna kungibhubhisa ungicedze.
10 Akusuwe yini lowangitfululela esiswini samake njengelubisi
Futsi wangibumba kuso?*
11 Wangenta ngaba nesikhumba nenyama,
Wangihlanganisa ngematsambo nangemisipha.+
13 Kodvwa enhlitiyweni yakho bewuhlose kwenta tintfo letimbi kimi.*
Ngiyati kutsi letintfo tivela kuwe.
14 Nangabe ngona, wena bewutakubona konkhe,+
Futsi bewungeke uwacolele emaphutsa ami.
15 Maye kimi nangabe nginelicala!
Ngisho nobe ngimsulwa, angeke ngikhone kuphakamisa inhloko yami,+
Ngobe nginemahloni netinhlupheko letinyenti.+
16 Nangiphakamisa inhloko yami, ungitingela kuhle kwelibhubesi+
Uphindze umelane nami ngemandla akho.
17 Uletsa bofakazi labasha kuze bamelane nami
Futsi ungitfukutselela kakhulu,
Kungako ngehlelwa tinkinga ngekulandzelana.
18 Wangikhiphelani esiswini samake?+
Bekufanele ngife ngaphambi kwekutsi kube khona longibonako.*
19 Bekutawuba shengatsi angikake ngibe khona;
Bengitawukhishwa esiswini samake ngicondze ethuneni.’
20 Akasimbalwa yini emalanga langisalele?+ Nkulunkulu akangiyekele;
Akasuse emehlo akhe kimi, kute ngitfole kuphumula sikhashana*+
21 Ngaphambi kwekutsi ngihambe ngiye endzaweni lengingeke ngibuye kuyo,+
22 Eveni lelimnyama tsu,
Lokulive lelinelitfunti lelikhulu nalelinesiphitsiphitsi,
Lapho kukhanya kwakhona kufanana nebumnyama.”
11 Sofari+ umNama waphendvula watsi:
2 “Onkhe lamavi akho kufanele angaphendvulwa yini,
Futsi kukhuluma kakhulu* kutakwenta ube ngumuntfu lolungile yini?
3 Inkhulumo yakho lelite ingabathulisa yini bantfu?
Kute yini lokufanele akwekhute nawukhuluma emavi ekuphukuta?+
5 Kube mane Nkulunkulu bekangakhuluma
Avule umlomo wakhe akuphendvule,+
6 Bekangembula timfihlo letikwenta uhlakaniphe,
Ngobe umuntfu lohlakaniphile angacondza tintfo letinyenti.
Ngako bewutawubona kutsi Nkulunkulu ukhetsa kungatikhumbuli letinye tetono takho.
7 Ungakucondza yini kujula kwekuhlakanipha kwaNkulunkulu
Futsi ungaticondza yini tonkhe tintfo letimayelana naSomandla?*
8 Kuhlakanipha kuphakeme kunelizulu. Yini nje longayenta?
Kujulile kuneliThuna.* Yini nje loyatiko?
9 Kukhulu kunemhlaba
Futsi kubanti kunelwandle.
10 Nangabe Nkulunkulu endlula futsi abophe lotsite bese umletsa enkantolo,
Ngubani longamvimba?
11 Ngobe uyabati bantfu labangaketsembeki.
Nakabona lokubi, angeke yini akunakisise?
13 Kube mane bewungalungisa inhlitiyo yakho
Futsi uphakamise tandla takho uthantaze kuNkulunkulu.
14 Nangabe kukhona lokubi lokwentako, kuyekele,
Futsi ungavumi kutsi kwentiwe tintfo letingakalungi emathendeni akho.
15 Ngobe nawenta njalo ungaphakamisa inhloko yakho umsulwa;
Ungema ucine, ungesabi lutfo.
16 Utawubese uyatikhohlwa tinkinga takho;
Utikhohlwe kube shengatsi tingemanti lake ageleta embikwakho.
17 Kuphila kwakho kutawukhanya kakhulu kunemini;
Ngisho nebumnyama butawufana nekukhanya kwasekuseni.
18 Utawuba nesibindzi ngobe likhona litsemba,
Futsi utawucalata emaceleni, ulale uphephile.
19 Utawulala futsi kube bete lokwesabisako,
Bantfu labanyenti batawucela kutsi ubentele umusa.
20 Kodvwa emehlo alababi angeke asabona kahle;
Futsi ngeke bayitfole indzawo labangabalekela kuyo,
12 Ngemuva kwaloko Jobe waphendvula watsi:
2 “Vele ngini bantfu labatiko,
Futsi kuhlakanipha kuyawushabalala nani nanifa!
3 Kodvwa nami nginekucondza* njengani.
Kute lenincono ngako kimi.
Ngubani longatati letintfo?
Bantfu bayamhleka umuntfu lolungile nalongasoleki njengami.
5 Umuntfu lophila kahle uyitsatsela phansi inhlekelele,
Ucabanga kutsi yehlela kuphela bantfu lababutsakatsaka.
6 Kute lokuphatamisa emathende etigebengu,+
Nalabo labachukuluta Nkulunkulu baphephile,+
Etandleni baphetse tithico labatikhontako.
7 Kodvwa ngicela ubute tilwane, titakufundzisa;
Ubute netinyoni telizulu, titakutjela.
8 Bukisisa tintfo* letisemhlabeni, titakufundzisa;
Ubukisise netinhlanti taselwandle, futsi utawubona kutsi Nkulunkulu uhlakaniphile.
9 Ngukuphi emkhatsini wako konkhe loku lokungati
Kutsi letintfo tentiwe sandla saJehova?
12 Kuhlakanipha akutfolakali yini kulasebakhulile,+
Futsi kucondza akutfolakali yini kulabo lasebaphile sikhatsi lesidze?
13 Kodvwa nguNkulunkulu lonekuhlakanipha nemandla;+
Nguye lonekucondza futsi utayifeza injongo yakhe.+
14 Nakabhidlita lokutsite, ngeke kuphindze kwakhiwe;+
Lokuvalwe nguye, kute umuntfu longakuvula.
16 Yena unemandla nekuhlakanipha;+
Esandleni sakhe kunemuntfu lodukako kanye nemuntfu lodukisako;
17 Wenta kutsi labahlakaniphile bemukwe konkhe labanako,
Ente nekutsi behluleli babe tilima.+
18 Wemuka emakhosi ligunya lawo,+
Awente abe tigcili.
19 Wenta baphristi bahambe bangakafaki lutfo etinyaweni kuze bahlazeke,+
Asuse bantfu lesebatintile etikhundleni tabo;+
20 Beluleki labetsenjwako ubenta babindze
Emadvodza lakhulile uwemuka kuhlakanipha;
21 Wenta kutsi tikhulu tingahlonishwa,+
Ente nebantfu labanemandla babe butsakatsaka;*
22 Wembula tintfo letijulile letisebumnyameni,+
Futsi lapho kukhanya khona, uletsa bumnyama lobukhulu;
23 Wenta tive tibe nemandla kute atibhubhise;
Wandzisa tive, kute tiyewutfunjwa.
13 “Liso lami likubone konkhe loku,
Indlebe yami ikuvile futsi ngakucondza.
2 Lenikwatiko nine, nami ngiyakwati;
Kute lenincono ngako kimi.
3 Kodvwa mine ngingamane ngikhulume naSomandla;
Ngifuna kukhombisa kutsi ngimsulwa embikwaNkulunkulu.+
4 Kepha nine ningibhoca ngemanga;
Nonkhe nibodokotela labangenalusito.+
5 Kube mane beningathula ningakhulumi,
Loko bekutawukhomba kutsi nihlakaniphile.+
6 Ngicela nilalele lengikushoko,
Futsi niwanakisise emavi ami.*
7 Nifuna kukhuluma intfo lengakalungi yini egameni laNkulunkulu,
Futsi nitawukhuluma emanga yini egameni lakhe?
8 Nitawuvumelana naye yini,*
Nitawetama kusekela Nkulunkulu weliciniso yini?
9 Kunganihambela kahle yini nakanganihlolisisa?+
Ningamkhohlisa yini njengobe ningakhohlisa umuntfu?
10 Nakanjani utanisola
Nangabe ngasense nenta shengatsi nisekela yena.+
11 Bukhulu bakhe angeke yini bunetfuse
Nekumesaba angeke yini kunincobe?
12 Emavi enu lahlakaniphile ataga letingasho lutfo letifanana nemlotsa;
Tivikelo* tenu titsambe njengemahawu lakhiwe ngelubumba.
13 Bindzani, kuze kukhulume mine.
Angehlelwe ngunobe yini lengase ingehlele!
14 Ngitifakelani engotini*
Futsi ngibeke kuphila kwami etandleni tami?
17 Lilalelisiseni livi lami;
Nikunake loko lengikushoko.
18 Nyalo sengikulungele kuletsa indzaba yami enkantolo;
Ngiyati kutsi kute lengikonile.
19 Ngubani lotawuphikisana nami?
Nangingabindza ngingavele ngife!*
20 Awu Nkulunkulu, kubili nje kuphela lengicela ungentele kona,
Kuze ngingatifihli embikwakho:
21 Susa sandla sakho lesinemandla, usikhweshise kimi,
Futsi ungangenti ngetfuswe kukwesaba.+
22 Khuluma, mine ngitakuphendvula.
Nobe-ke kukhulume mine, bese wena uyangiphendvula.
23 Ngumaphi emaphutsa lengiwentile, futsi ngoneni?
Ngitjele licala lami kanye nesono sami.
25 Ungetama yini kwesabisa licembe leliphephukako
Nobe ucoshane nemakhoba lomile?
26 Ngobe uyachubeka utibhala phansi tintfo letibuhlungu longimangalela ngato,
Ungijezisela tono lengatenta ebusheni bami.
28 Ngako umuntfu* uyabola njengentfo leyonakele,
Kuhle kwemphahla ledliwe ngumvunya.
4 Umuntfu lonesono angamtala yini umuntfu lote sono?+
Cha!
5 Emalanga akhe abaliwe,
Futsi linani letinyanga tekuphila kwakhe likuwe;
Umbekele umncele kute angengci kuwo.+
6 Susa emehlo akho kuye khona atewuphumula,
Kuze kube ngulapho acedza lilanga lakhe njengesisebenti lesicashiwe.+
7 Ngobe ngisho nesihlahla nasijutjwa
Kunelitsemba lekutsi sitawuphindze sihlume,
Futsi emahlumela aso atawuchubeka akhula.
8 Nangabe timphandze taso tiguga emhlabatsini
Nesiphunti saso soma,
9 Sitawutsi nasitfola umswakama siphindze sihlume;
Futsi sivete emagala njengesihlahla lesisesincane.
10 Kodvwa umuntfu uyafa kube kuphela kwakhe;
Nangabe umuntfu afa, uya kuphi?+
11 Emanti ayaphela elwandle,
Nemfula uyasha ugcine womile.
12 Nemuntfu uyafa futsi angavuki.+
Angeke avuke yingci nje lizulu nalisekhona,
Angeke futsi avuswe ebutfongweni bakhe.+
13 Awu, shengatsi ungangifihla eThuneni,*+
Ungifihle kuze kube ngulapho intfukutselo yakho seyiphelile,
Ungibekele sikhatsi futsi ungikhumbule!+
14 Nangabe umuntfu afa, angaphindze aphile yini?+
15 Utangibita, futsi ngisabele.+
Utawulangatelela* kubona umsebenti wetandla takho.
16 Kodvwa nyalo ubuka tonkhe tintfo lengitentako;
Unaka kuphela tono tami.
17 Tono tami utivalela esikhwameni,
Futsi emaphutsa ami uyawagcina.*
18 Njengobe intsaba idzilika futsi ibhidlika
Nelidvwala lisuka endzaweni yalo,
19 Nanjengobe emanti agugisa ematje
Nemanti lanemandla akhukhula umhlabatsi,
Kanjalo nawe wente umuntfu wababete litsemba.
20 Uhlale umehlula aze afe;+
Ushintja indlela labukeka ngayo, bese umyisa ethuneni.
21 Nangabe emadvodzana akhe advunyiswa, yena akakwati loko;
Nangabe abukelwa phansi, yena akakuboni loko.+
22 Uva buhlungu kuphela nakasaphila;
Ulila kuphela nakasaphila.”
15 Elifazi+ umThemani waphendvula watsi:
2 “Umuntfu lohlakaniphile angalikhuluma yini lite,
Angayigcwalisa yini inhlitiyo yakhe ngemicabango lemibi?*
3 Kwekhuta umuntfu ngemavi kuphela akusiti,
Nekukhuluma nje kukodvwa akuzuzisi.
4 Ngobe kwesaba Nkulunkulu akukabaluleki kuwe,
Futsi usenta sinciphe sifiso sebantfu sekucabanga ngaNkulunkulu.
5 Ngobe sono sakho ngiso lesikwenta ukhulume kanjena,*
Futsi usebentisa emavi lanebucili.
6 Awulahlwa ngimi, kodvwa ulahlwa ngumlomo wakho;
Ulahlwa nguloko lokusho ngetindzebe takho.+
7 Nguwe yini lowatalwa kucala,
Futsi waba khona kucala yini kunemagcuma?
8 Nkulunkulu nakakhuluma tintfo letiyimfihlo wena uyeva yini,
Futsi nguwe wedvwa yini lohlakaniphile?
9 Kukhona lokwatiko tsine lesingakwati?+
Kukhona lokucondzako tsine lesingakucondzi?
10 Emkhatsini wetfu kunemadvodza lanetimvu enhloko nalasakhulile,+
Emadvodza lamadzala ngisho nakubabe wakho.
11 Akukwenelisi yini kudvudvutwa nguNkulunkulu,
Futsi awakwenelisi yini emavi lakhulunywa kuwe ngemusa?
12 Uyivumelelani indlela locabanga ngayo kutsi ikulawule,
Futsi kungani emehlo akho agcwele intfukutselo?
13 Ngobe utfukutselele Nkulunkulu,
Kungako nje ukhuluma tintfo letinjena.
14 Kungenteka njani kutsi umuntfu abe msulwa,
Futsi kungenteka njani kutsi umuntfu lotelwe ngumfati abe ngulolungile?+
16 Kakhulu kangakanani-ke ngemuntfu lomubi futsi lokhohlakele,+
Umuntfu lonatsa bubi njengemanti!
17 Lalela; mine ngitakutjela!
Ngitakucocela tintfo lengitibonile,
18 Lokutintfo letikhulunywe ngulabahlakaniphile,
Tintfo labativa kubobabe babo+ futsi labangazange batifihle.
19 Lelive laniketwa bona kuphela,
Futsi kute umuntfu wekuhamba lobekendlula emkhatsini wabo.
20 Kuko konkhe kuphila kwakhe umuntfu lowenta lokubi uyahlupheka,
Ubona tinkinga kuyo yonkhe iminyaka yekuphila kwakhe.
21 Uva imisindvo leyetfusako ngetindlebe takhe;+
Nakusikhatsi sekuthula, uhlaselwa tigebengu.
22 Akakholwa kutsi angabubalekela bumnyama;+
Futsi utawufa ngenkemba.
23 Wehla enyuka afunana nekudla* futsi atsi: “Kukuphi?”
Wati kahle kutsi lilanga lebumnyama selisedvute.
24 Kucindzeteleka kanye nelusizi kuhlale kumchachatelisa;
Kumfikela njengenkhosi lelungele kuhlasela.
25 Uphakamisa sandla kute alwisane naNkulunkulu
Futsi wetama kuphikisana naSomandla;*
26 Umelana naye ngenkhani,
Ngelihawu lelikhulu, nalelicinile;
27 Buso bakhe bukhuluphele,*
Nesisu sakhe sikhulu;
28 Uhlala emadolobheni latawuba tindzala,
Nasetindlini lapho kungeke kuhlale muntfu khona,
Letitawuba yindvundvuma yematje.
29 Angeke anjinge, nemcebo wakhe ngeke wandze,
Ngisho netintfo lanato angeke tigcwale eveni.
30 Angeke abubalekele bumnyama;
Utawufanana nesihlahla lesinemahlumela lashiswe ngumlilo,*
Futsi utawushabalaliswa ngumoya lonemandla lophuma emlonyeni waNkulunkulu.*+
31 Akukafaneli adukiswe futsi etsembe tintfo letingenamsebenti,
Ngobe kute latakutfola ngaloko;
32 Futsi loko kutawenteka kuye ngekushesha,
Utawufanana nesihlahla lesinemagala langakhuli.+
33 Utawuba njengesihlahla semagilebisi lesidzilita emagilebisi langakavutfwa,
Futsi afanane nesihlahla semncumo lesihhohlota timbali taso.
34 Ngobe licembu lebantfu lababi* angeke liphumelele,+
Nemlilo uyawushisa emathende alabo labavuma kudizelwa.
35 Bacabanga tintfo letimbi futsi bahlale benta tintfo letitawulimata labanye,
Ngaso sonkhe sikhatsi tinhlitiyo tabo tigaya tiboti.”
16 Jobe waphendvula watsi:
2 “Sengive tintfo letinyenti letifana naleti.
Kunekutsi ningidvudvute, ningivisa buhlungu lobukhulu!+
3 Kantsi angeke aphele yini lamavi lalite?*
Yini lenenta nikhulume ngalendlela?
4 Nami bengingakhuluma njengani.
Kube benehlelwe nguloku lokungehlele,
Bengitawusho tintfo letinyenti letimelene nani
Futsi nginikine inhloko yami ngekunedzelela.+
5 Kodvwa kunekutsi ngente njalo, bengitanicinisa ngemavi laphuma emlonyeni wami,
Futsi emavi lamnandzi lebengitawasho bekatanidvudvuta.+
6 Nangikhuluma, buhlungu bami abupheli,+
Futsi ngisho ngiyekela kukhuluma, buhlungu bami buchubeka bukhona.
8 Uyangibamba, nebantfu bayakubona loko,
Kangangekutsi kondza kwami sekubufakazi lobumelene nami.
9 Intfukutselo yakhe ingidzabule ngaba ticucu, futsi uyangenyanya.+
Uyatfukutsela* nakangibona.
Sitsa sami singibuka kabi.+
10 Titsa tami tivule imilomo kuze tingimite,+
Tangidzabula ngetimphama etihlatsini tingedzelela,
Tibutsene taba sicumbi kuze tingihlasele.+
11 Nkulunkulu uvumele kutsi ngihlaselwe bafanyana,
Futsi ungifucele etandleni talababi.+
12 Kute lebekungikhatsata, kodvwa yena wangivisa buhlungu lobukhulu;+
Ungibambile futsi wacindzetela inhloko yami phansi ngelunyawo lwakhe;
Butjoki bakhe ubucondzise kimi.
13 Bantfu bakhe labasebentisa butjoki bangitungeletile;+
Ugwaza tinso tami+ futsi angabi nandzaba;
Inyongo yami uyicitsela phansi emhlabatsini.
14 Nginjengelubondza loluchubeka lubhotjoswa timbobo;
Yena ugijimela kimi njengelisotja.
15 Sengitfunge indvwangu yelisaka kute ngiyembatse,+
Ngitiva ngiphansi futsi sengite emandla kangangekutsi sengihleti elutfulini.+
17 Kodvwa tandla tami atikalimati muntfu
Futsi nemthantazo wami ucotfo.
18 Awu mhlaba, ungayimbonyi ingati yami!+
Shengatsi kukhala kwami kungete kwathuliswa ngumuntfu!
19 Fakazi wami usemazulwini;
Loyo longangifakazela usendzaweni lephakeme.
21 Akube khona lowehlulela emkhatsini wami naNkulunkulu,
Njengobe kungaba njalo nasemkhatsini wemuntfu nemngani wakhe.+
22 Ngobe imbalwa iminyaka leseyisele,
Futsi ngitawuhamba ngingaphindzi ngibuye.+
17 “Umoya wami wephukile, emalanga ami asanciphile;
Lithuna lingilindzile.+
2 Bantfu labaphukutako bangitungeletile,+
Futsi emehlo ami kufanele ahlalele kubuka kwedzelela kwabo.
3 Ngicela ungetsembise kutsi utangisekela.
Ngubani nje lomunye longangisita?+
4 Ngobe tingcondvo tabo utivalile, watenta tangacondzi;+
Kungako ungabaphakamisi.
5 Umuntfu angapha bangani bakhe tintfo lanato,
Abe emehlo ebantfwana bakhe amnyama ngenca yendlala.
7 Lusizi lubonakala emehlweni ami,+
Futsi ngondze ngiyesabeka.
8 Bantfu labenta lokuhle bayamangala nababona loku,
Futsi lolungile ucansulwa bantfu lababi.*
9 Umuntfu lolungile uchubeka abambelele endleleni yakhe,+
Nemuntfu lomsulwa utawuba nemandla ekwenta lokulungile.+
10 Nanobe kunjalo, nonkhe ningeta futsi nichubeke naloku benikusho,
Ngobe kute umuntfu lohlakaniphile lengimbonile emkhatsini wenu.+
11 Sengisalelwe sikhatsi lesincane ngiphila;+
Tinhloso tami, lokutifiso tenhlitiyo yami setishabalele.+
12 Lamadvodza solo agucula busuku abente imini,
Atsi: ‘Njengobe kumnyama kusho kutsi sekutawukhanya.’
13 Ngitawulindza nje kancane, futsi liThuna* litawuba likhaya lami;+
Umbhedze wami ngitawendlala ebumnyameni.+
14 Ngitawumemeta umgodzi*+ ngitsi: ‘Wena ungubabe wami!’
Emphetfwini ngitsi: ‘Wena ungumake wami nadzadzewetfu!’
15 Likuphi-ke litsemba lami?+
Ukhona yini locabanga kutsi ngisengaba nalo?
18 Bildadi+ umShuwa waphendvula watsi:
2 “Kutawuze kube ngunini solo ukhuluma ngalendlela?
Khombisa kutsi unekucondza kute natsi sikhulume.
4 Ngisho nobe ungatidzabula ube ticucu ngenca yentfukutselo,
Ucabanga kutsi umhlaba ungasala ungenabantfu yini ngenca yakho,
Nobe ucabanga kutsi lidvwala lingasuka endzaweni yalo, lisukele wena?
5 Sibane salomubi sitawucinywa,
Futsi lilangabi lemlilo wakhe angeke livutse.+
6 Nakanjani kukhanya lokusethendeni lakhe kutawuba bumnyama,
Nesibane lesimkhanyiselako sitawucinywa.
7 Tinyatselo takhe setitawuba timfisha,
Ngisho nemacebo akhe atawumenta awe.+
8 Ngobe utawuhamba enethini,
Futsi tinyawo takhe titawubambeka.
9 Lugibe lutambamba esitsendzeni;
Futsi utawubanjwa nasitsiyo.+
10 Utawutsiywa ngentsambo lefihlwe emhlabatsini,
Abekelwe nelugibe endleleni.
11 Tintfo letesabisako timetfusa ndzawo tonkhe+
Futsi timhleli etitsendzeni tiyamcosha.
13 Sikhumba sakhe siyadleka;
Futsi sifo lesibulalanako* sidla emalunga akhe emtimba.
14 Letinhlekelele titawumenta angasahlali ngekuphepha ethendeni lakhe,+
Futsi titawumenta afe kabuhlungu.*
16 Njengesihlahla, timphandze takhe titawoma,
Nemagala akhe abune.
17 Bantfu batamkhohlwa emhlabeni,
Futsi labasemigwacweni angeke basalati ligama lakhe.*
18 Batamcosha lapho kukhanya khona, bamyise ebumnyameni,
Bamcoshe nasendzaweni levundzile.
19 Utawuba bete bantfwana kanye nebatukulu kubantfu bakubo,
Futsi kutawuba bete umuntfu losaphila endzaweni lahlala kuyo.*
20 Nasekufike lilanga lakhe, bantfu labahlala eNshonalanga batawesaba
Nalabahlala eMphumalanga batawufikelwa kwesaba lokukhulu.
21 Nguloku-ke lokwentekako emathendeni emuntfu lowenta lokubi
Nasendzaweni yemuntfu longamati Nkulunkulu.”
19 Jobe waphendvula watsi:
4 Nangabe ngente liphutsa,
Leyo yindzaba yami ngedvwana.
5 Naniphikelela nitenta labancono kunami,
Nitsi lokuhlupheka lengibhekene nako kulungile,
6 Nibowati-ke kutsi nguNkulunkulu longibangele tonkhe letintfo,
Futsi ungibambe ngelinethi lakhe lekutingela.
7 Ngihlale ngikhala ngenca yekuphatfwa kabi, kodvwa kute longiphendvulako;+
Ngichubeka ngicela lusito, kodvwa kute lowenta tintfo ngendlela lelungile.+
8 Indlela lengihamba kuyo uyivimbe ngelubondza lolwakhiwe ngematje, futsi angikhoni kwendlula;
Umbonye indlela yami ngebumnyama.+
9 Ungemuke sitfunti
Wasusa umchele enhloko yami.
10 Uhhohlota umtimba wami ngalana nangalana ngize ngishabalale;
Litsemba lami ulizuphuna njengesihlahla.
11 Intfukutselo yakhe iyangivutsela,
Futsi ungitsatsa njengesitsa sakhe.+
12 Emasotja akhe abutsana ndzawonye futsi angivimbetele,
Amisa emathende kuto tonkhe tinhlangotsi telithende lami.
13 Ungehlukanise nabomnaketfu,
Nebantfu labangatiko sebangilahlile.+
15 Tivakashi letisendlini yami+ kanye netincekukati tami tingitsatsa njengesihambi;
Sengingumuntfu wekuhamba emehlweni ato.
16 Nangibita sisebenti sami, asisabeli;
Ngisho nobe sengisincenga kutsi singentele umusa.
18 Ngisho nebantfwana labancane bangibukela phansi;
Nangisukuma, bavele bangedzelele.
20 Ematsambo ami anamatsele esikhunjeni nasenyameni yami,+
Ngisindze ngekulambisa.
21 Ngihawukeleni bangani bami, ngihawukeleni,
Ngobe sandla saNkulunkulu singishayile.+
23 Kube mane emavi ami abebhalwe phansi,
Kube mane abebhalwe encwadzini!
24 Awu, kube abebhalwe edvwaleni ngendlela lengacimeki,
Abhalwe ngelutsi lwensimbi nangemthofi!
25 Ngobe ngati kahle kutsi umhlengi*+ wami uyaphila;
Utawufika ngemuva kwesikhatsi futsi eme etikwemhlaba.*
26 Ngemuva kwekutsi kugula sekuhhohlote sikhumba sami,
Ngitambona Nkulunkulu yingci nje nangisaphila,
27 Ngitambona mine matfupha,
Ngimbone ngemehlo ami, hhayi alomunye umuntfu.+
Ekujuleni kwenhlitiyo yami loko ngiyakulangatelela!
28 Ngobe nitsi: ‘Usho kutsini nakatsi simphatsa kabi?’+
Kube shengatsi umsuka walenkinga ngimi.
29 Kufanele nani niyesabe inkemba,+
Ngobe inkemba iletsa sijeziso kulabo labonako;
Kufanele nati kutsi ukhona umehluleli.”+
20 Sofari+ umNama waphendvula watsi:
2 “Ngihlushwa yimicabango yami, manje sekutsi angikhulume
Ngobe sengicansuke kakhulu.
3 Ngikuve ungisola ngemavi layinhlamba;
Futsi ngibona ngatsi kufanele ngikuphendvule.
4 Ngiyaciniseka kutsi uyakwati loku lengitakutjela kona,
Ngobe bekusolo kunjalo kusukela kwadalwa umuntfu,*+
5 Kutsi umuntfu lowenta lokubi ujabula sikhashana
6 Ngisho nobe bukhulu bakhe bungenyukela ezulwini
Nenhloko yakhe ifike emafini,
7 Utawunyamalala kuze kube phakadze njengemangcoliso akhe;
Bantfu lebebavame kumbona batawutsi: ‘Uphi?’
8 Batawusheshe bamkhohlwe, njengobe kuba njalo nangeliphupho;
Utawunyamalala njengembono wasebusuku.
9 Liso lelike lambona, angeke liphindze limbone,
Nendzawo yakhe angeke aphindze ahlale kuyo.+
10 Bantfwabakhe batawucela lusito kulabeswele,
Netandla takhe titawubuyisela umcebo lawutsatsa kulabanye bantfu.+
11 Ematsambo akhe asecine njengasebusheni bakhe,
Kodvwa utawubuyela elutfulini.
12 Kuye, kwenta lokubi kufanana nekudla lokumnandzi,
Ukubeka ngephansi kwelulwimi lwakhe kute kuncibilike,
13 Ukugcina emlonyeni wakhe
Akuhlalise khona, achubeke eva bunandzi bako,
14 Kodvwa kutsi kungefika esiswini sakhe, loku lokunongotelako kujike kumbabele;
Kutawufanana nesihlungu setimfeti ngekhatsi kuye.
15 Umite umcebo, kodvwa utawuphindze awuhlante;
Nkulunkulu utawukhipha esiswini sakhe.
16 Utawumunya sihlungu setimfeti;
Alunywe libululu futsi limbulale.
17 Angeke aphindze alunatse lubisi futsi adle neluju,
Lokugeleta njengemanti.
18 Tintfo latitsetse utawutijikisa angakatisebentisi;*
Angeke ajabule ngemcebo lawutfole ngekutsenga nangekutsengisa.+
19 Ngobe ucindzetele labeswele futsi wabalahla;
Nendlu langazange ayakhe uyitsetse ngenkhani.
20 Kodvwa angeke abe nekuthula;
Nemcebo wakhe angeke umsite kutsi abaleke.
21 Kute nalokuncane lokusele langatitsatsela kona;
Kungako angeke aphumelele sikhatsi lesidze.
22 Nasewumnyenti kakhulu umcebo wakhe, uhlale akhatsatekile;
Tonkhe tintfo letimbi tita kuye.
23 Utawutsi nakagcwalisa sisu sakhe,
Nkulunkulu* atfumele intfukutselo yakhe levutsako kuye,
Tintfo letimbi titamehlela njengemvula.
24 Utsi nakabalekela tikhali tensimbi,
Agwazwe yimicibisholo yebutjoki belitfusi.
25 Ukhipha umcibisholo lomgwaze emhlane,
Akhiphe sikhali lesimanyatelako lesihlabe inyongo yakhe,
Futsi ufikelwa kwesaba lokukhulu.+
26 Umcebo wakhe utawulahlelwa ebumnyameni lobukhulu;
Yena utawushwabadzelwa ngumlilo longavutselwa ngumuntfu;
Nobe ngubani lotawusindza ethendeni lakhe umelwe yinhlekelele.
27 Lizulu litasibeka ebaleni sono sakhe;
Nemhlaba utawumelana naye.
28 Sikhukhula sitawukhukhula indlu yakhe;
Kutawugeleta emanti lanemandla ngelilanga lentfukutselo yaNkulunkulu.*
29 Ngulesi-ke sabelo Nkulunkulu lasinika umuntfu lowenta lokubi,
Lifa Nkulunkulu lambekele lona.”
21 Jobe waphendvula watsi:
2 “Lalelisisani loku lengikushoko;
Mane-ke ningidvudvute ngekutsi ningilalele.
3 Ngicela ningibeketelele nangisakhuluma;
Seningabese-ke nihlekisa ngami nasengikhulumile.+
4 Kantsi sikhalo sami ngisicondzise kumuntfu yini?
Kube bekunjalo, bengingeke yini ngihlutfuke?*
5 Ngibukeni! Futsi nitawumangala,
Kute nalenitakusho.
6 Nangicabanga ngalokwenteke kimi, ngivele ngikhatsateke,
Futsi umtimba wami wonkhe uyachachatela.
8 Lababi bahlala banebantfwana babo,
Futsi babona ngisho nebatukulu babo.
9 Tindlu tabo tiphephile, kute nalabakwesabako,+
Futsi Nkulunkulu akabajezisi.
10 Tinkunzi tabo tiyatalisa;
Netinkhomo tabo tiyatala futsi atiphunti.
11 Bafanyana babo bagijima ngephandle njengemhlambi,
Futsi bantfwana babo bagcumagcuma yonkhe indzawo.
12 Batsi nabahlabela badlale ithamborine nelihabhu,
Futsi bajabule nabeva kukhala umntjingo.+
14 Kodvwa batsi kuNkulunkulu weliciniso: ‘Siyekele!
Asifuni kutati tindlela takho.+
15 Ngubani Somandla kutsi singaze simkhonte?+
Sitawutfolani ngekumati?’+
16 Kodvwa ngiyati kutsi angeke bakhone kutiphumelelisa.+
Mine angicabangi ngendlela labacabanga ngayo.+
17 Kuvamile yini kutsi sibane salababi sicinywe?+
Kuke kwenteke yini behlelwe yinhlekelele?
Nkulunkulu uke ababhubhise yini ngelulaka lwakhe?
18 Kuke kwenteke yini bafanane netinhlanga letipheshulwa ngumoya
Futsi bafanane nemakhoba lapheshulwa sivunguvungu?
19 Sijeziso semuntfu Nkulunkulu utasibekela emadvodzana akhe.
Kodvwa shengatsi Nkulunkulu bekangamjezisa kute naye asive.+
20 Shengatsi inhlekelele letamehlela angayibona ngemehlo akhe,
Futsi shengatsi anganatsa endzebeni yentfukutselo yaSomandla.+
21 Angatikhatsata yini ngalokutawenteka emadvodzaneni akhe nasekafile yena,
22 Ukhona yini longafundzisa Nkulunkulu kuhlakanipha,*+
Njengobe kuNguye lowehlulela ngisho nebantfu labakhulu?+
23 Lomunye umuntfu ufa asenemandla+
Ete netinkinga futsi akhululekile,+
24 Ematsanga akhe asuke amakhulu
Futsi ematsambo akhe asuke asecinile.
25 Kodvwa lomunye umuntfu ufa acindzeteleke kakhulu,*
Abe angakake atitfole tintfo letinhle.
28 Ngobe nitsi: ‘Iphi indlu yalendvodza lehlonishwako,
Liphi nelithende lapho bekuhlala khona lomubi?’+
29 Nike nababuta yini bantfu labahambahambako?
Anikuhlolisisi yini loko labakubonile,*
30 Kutsi umuntfu lomubi uyasindza ngelilanga lenhlekelele
Futsi avikeleke ngelilanga lentfukutselo yaNkulunkulu?
31 Ngubani longasola lomubi ngendlela laphila ngayo,
Futsi ngubani lotambuyisela ngaloko lakwentile?
32 Utawungcwatjwa emathuneni,
Futsi lithuna lakhe litawugadvwa.
33 Umhlabatsi losethuneni lakhe uyanongotela kuye,+
Futsi bonkhe bantfu bayamlandzela*+
Njengobe sekunalabanyenti labangcwatjwa kucala kunaye.
34 Kungani-ke ningidvudvuta ngelite?+
Emavi enu agcwele kukhohlisa nje kuphela!”
22 Elifazi+ umThemani waphendvula watsi:
2 “Umuntfu angaba lusito yini kuNkulunkulu?
Umuntfu lohlakaniphile angamsita yini?+
3 Somandla unendzaba yini nekutsi* ulungile,
Futsi kukhona yini lakutfolako ngekutsi wena uhlale ucotfo?+
4 Angakujezisa yini
Futsi akuyise enkantolo ngenca yekutsi uyamhlonipha?
5 Akusiko yini kutsi tintfo letimbi lotentako setinyenti kakhulu
Nekutsi tono takho atipheli?+
6 Ngobe utsatsa sibambiso kubomnakenu ngaphandle kwesizatfu,
7 Lodziniwe awumuphi emanti ekunatsa,
Nalolambile awumuphi kudla.+
8 Umuntfu lonemandla njengawe utitsatsela indzawo lenkhulu,+
Futsi ngulabatsandvwako labahlala kuyo.
9 Bafelokati ubajikisa balengisa tandla,
Futsi ulimate nebantfwana labatintsandzane.
10 Kungako utungeletwe titsiyo,*+
Futsi wesatjiswa tinkinga letikwehlela ungakatilindzeli;
11 Ngiko nje kumnyama kangaka uze ungaboni lutfo,
Futsi ngiko umbonywe sikhukhula.
12 Nkulunkulu akahlali yini etulu ezulwini?
Ase ubuke nje kutsi tonkhe tinkhanyeti tisetulu kangakanani.
13 Kodvwa wena utsite: ‘Kukhona yini Nkulunkulu lakwatiko?
Angehlulela yini abe asitfwe bumnyama lobukhulu?
14 Emafu ayamsitsa angaboni lutfo
Njengobe ahambahamba ezulwini.’*
15 Wena utawuhamba ngendlela yakadzeni yini,
Lebebahamba kuyo bantfu labebenta lokubi?
17 Bebatsi kuNkulunkulu weliciniso: ‘Ase usiyekele!’
Baphindze batsi: ‘Somandla angasentani nje?’
18 Kodvwa nguNkulunkulu lowabapha letintfo letinhle letisetindlini tabo.
(Mine angiticabangi tintfo letimbi njengaleti.)
19 Labalungile batakubona kubhujiswa kwalababi futsi bajabule,
Nalabamsulwa batabaphukuta batsi:
20 ‘Titsa tetfu setibhujisiwe,
Netintfo tato titawushiswa ngemlilo.’
21 Yati Nkulunkulu futsi utawuba nekuthula;
Netintfo letinhle titakulandzela.
22 Yemukela umtsetfo lophuma emlonyeni wakhe,
Ugcine nemavi akhe enhlitiyweni yakho.+
23 Nawubuyela kuSomandla, utawuvuseleleka;+
Nawuyekela kwenta lokungakalungi ethendeni lakho,
24 Nanawulahla ligolide* lakho elutfulini
Ulahle neligolide lase-Ofiri+ etihosheni* letinemadvwala,
25 Somandla utawufana neligolide* kuwe,
Futsi afane nelisiliva lelikhetselo kuwe.
26 Wena utawubese uyajabula ngaSomandla,
Futsi utawetsembela kuye.
27 Utawumncenga, yena akulalele;
Bese wena ugcwalisa tifungo takho.
28 Nobe yini loncuma kuyenta, itawuphumelela,
Nendlela yakho itawukhanya.
29 Ngobe nawukhuluma ngekutigcabha utawehliswa,
Kodvwa yena utamsindzisa lotfobekile.*
30 Utabasindzisa labamsulwa;
Ngako nangabe tandla takho tihlantekile, nakanjani utakusindzisa.”
23 Jobe waphendvula watsi:
2 “Ngitativikela ngobe angivumelani naloku lokushoko;*+
Sengiphelelwe ngemandla ngenca yekububula kwami.
3 Kube mane bengati kutsi ngingamtfola kuphi Nkulunkulu!+
Bengingaya lapho ahlala khona.+
4 Bengitawubeka indzaba yami embikwakhe
Futsi umlomo wami bewutawusho emavi lamanyenti ekutivikela;
5 Bengitayilalela imphendvulo yakhe
Ngikunake naloko langitjela kona.
6 Abetawumelana yini nami ngemandla akhe lamakhulu?
Cha, ngiyaciniseka kutsi abetangilalela.+
7 Licala lalolungile belingalungiswa embikwaNkulunkulu,
Futsi uMehluleli wami abengangikhulula unomphela.
8 Kodvwa ngitsi nangiya emphumalanga, ngingamkhandzi;
Ngitsi nalapho ngibuya, ngingamtfoli.
9 Nakasebenta ngesencele, angikhoni kumbona;
Utsi nakagucukela ngesekudla, nalapho ngingamboni.
10 Kodvwa uyayati indlela lengihambe ngayo.+
Utawutsi nasekacedzile kungivivinya, ngiphume sengifana neligolide lelicwengisisiwe.+
11 Tinyawo tami titilandzele edvute tinyatselo takhe;
Bengisolo ngihamba ngendlela yakhe ngingaphambuki.+
12 Angikesuki emitsetfweni yakhe.
Emavi akhe ngiwatsetse njengalaligugu,+ ngisho nangetulu kwaloko lobekulindzeleke kimi.*
13 Nakatimisele ngalokutsite, ngubani longamvimba?+
Nakukhona lafuna kukwenta, uyakwenta.+
14 Ngobe utakwenta konkhe lahlose* kukwenta kimi,
Futsi tisetinyenti tintfo letinjalo lasatigcinile.
15 Kungako sengimesaba kangaka,
Nangicabanga ngaye, iyakhula indlela lengimesaba ngayo.
16 Nkulunkulu ungente ngaba ligwala,
Futsi Somandla ungente ngafikelwa kwesaba.
17 Buso bami bumbonywe bumnyama lobukhulu.
Nobe kunjalo, angeke ngize ngibindze.
24 “Kungani Somandla angalibeki lilanga lakhe lekwehlulela?+
Kungani labo labamatiko bangalati lelilanga?
2 Bantfu bayatikhweshisa tikhonkwane etindzaweni talabanye bantfu;+
Beba timvu batiyise emadlelweni abo.
3 Batsatsa timbongolo tetintsandzane
Batsatse nenkhomo yemfelokati bayente sibambiso.+
4 Bakhweshisa labeswele endleleni;
Labaphuyile labasemhlabeni kufanele bababhacele.+
5 Labaphuyile bayazulazula bafune kudla njengetimbongolo*+ ehlane;
Bafunela bantfwana babo kudla elugwadvule.
6 Kufanele bavune ensimini yalomunye umuntfu*
Futsi babutse lokusele ensimini yemagilebisi yebantfu lababi.
7 Busuku bonkhe balala bangcunu, bangakagcoki lutfo;+
Kute labangakwembatsa nakumakhata.
8 Banetfwa timvula letina etintsabeni babe manti nte;
Babambelela emadvwaleni ngobe bete indzawo yekuhlala.
9 Umntfwana lote babe ususwa ebeleni lamake wakhe;+
Netimphahla taloweswele titsatfwa tentiwe sibambiso,+
10 Batikhandze bahamba ngcunu, bangakagcoki lutfo,
Futsi betfwale lokuvuniwe babe balambile.
11 Basebenta kamatima emaweni langasetindvongeni tematje kube kushisa lilanga;*
Bagcobagcoba emagilebisi etjeni lekuhlutela, kepha babulawe koma.+
12 Bantfu labafako bayachubeka bacuma edolobheni;
Labalimele kakhulu bakhalela lusito,+
Kodvwa Nkulunkulu akanendzaba naloko.*
Futsi ambonye buso bakhe.
16 Nakumnyama bayagcekeza* etindlini;
Bese kutsi emini bativalele etindlini.
Abevani nekukhanya.+
17 Kusa bakwesaba ngendlela bantfu labesaba ngayo bumnyama;
Kodvwa batetayele tintfo letetfusako tasebusuku.
18 Nobe kunjalo, emanti abakhukhula ngekushesha.*
Indzawo yabo itawucalekiswa.+
Ngeke babuyele emasimini abo emagilebisi.
19 Njengobe nje somiso nekushisa komisa sitfwatfwa lesincibilikile,
20 Make wabo* utawubakhohlwa; timphetfu titawutitika ngabo.
Ngeke baphindze bakhunjulwe.+
Futsi bantfu labangakalungi batawujutjwa njengesihlahla.
21 Balimata umfati longabatfoli bantfwana,
Bahluphe nemfelokati.
22 Nkulunkulu* utawusebentisa emandla akhe kute abhubhise labanemandla;
Ngisho nobe bangaba netikhundla letisetulu, abaciniseki kutsi batawuphila yini nobe cha.
24 Bayaphakanyiswa sikhashana, bese bayanyamalala.+
Bayehliswa+ futsi bafe njengabo bonkhe bantfu;
Bayajutjwa njengematimba akolo.
25 Manje ngubani longatsi nginemanga
Nobe aphikise loko lengikushoko?”
25 Bildadi+ umShuwa waphendvula watsi:
2 “Bukhosi kanye nemandla lasabekako ngekwakhe;
Wenta kutsi kube nekuthula ezulwini.*
3 Emabutfo akhe angabalwa yini?
Ukhona yini longakutfoli kukhanya kwakhe?
4 Ngako-ke kungenteka yini kutsi umuntfu abe ngulolungile embikwaNkulunkulu,+
Futsi kungenteka yini kutsi umuntfu lotelwe ngumfati abe msulwa?*+
5 Ngisho nenyeti ayikhanyi kuye
Netinkhanyeti atikahlanteki emehlweni akhe,
6 Kakhulu kangakanani-ke ngemuntfu, longasho lutfo nje,
Ufanana nesibungu kuye!”
26 Jobe waphendvula watsi:
2 “Maye umsitile umuntfu lobutsakatsaka!
Umsindzisile longenamandla!+
3 Umnikete seluleko lesihle loyo lote kuhlakanipha!+
Umembulele kuhlakanipha* kwakho ngekukhululeka!
4 Ngubani lolowetama kukhuluma naye,
Futsi ngubani lokubangele kutsi usho tintfo letinjena?*
5 Labo labafile* bayesaba;
Bangephansi ngisho kwelwandle nako konkhe lokukulo.
7 Wendlala sibhakabhaka* endzaweni lete lutfo,*+
Alengise umhlaba eteni;
8 Emanti uwagocotela emafini akhe+
Ngendlela yekutsi emafu angesindvwa bese ayabhubuka;
9 Umbonya sihlalo sakhe sebukhosi,
Endlale lifu lakhe etikwaso.+
10 Ubeka umncele* emkhatsini wesibhakabhaka nelwandle;+
Abeke nemncele emkhatsini wekukhanya nebumnyama.
11 Tinsika tasezulwini tiyanyakata;
Tesatjiswa kutsetsa kwaNkulunkulu.
12 Uvungatelisa lwandle ngemandla akhe,+
Futsi ngekucondza kwakhe ujuba silwane lesikhulu saselwandle* sibe ticucu.+
13 Ngekuphefumula kwakhe* wenta sibhakabhaka sibe bete emafu;
Sandla sakhe sigwaza inyoka lenyimbilikako.*
14 Letintfo timane nje tinguletimbalwa kulatentile;+
Kuncane kakhulu lesikuvile ngaye!
Ngako ngubani-ke longacondza bukhulu bakhe nemandla akhe?”+
27 Jobe wachubeka wakhuluma watsi:
2 “Ngifunga Nkulunkulu lophilako longiphetse kabi,+
Ngifunga Somandla Nkulunkulu lophilako, lowente kuphila kwami kwaba buhlungu,+
3 Yingci nje nangisaphefumula,
Futsi nemoya lovela kuNkulunkulu usekimi,+
4 Umlomo wami angeke ukhulume tintfo letingakalungi;
Nelulwimi lwami angeke lukhulume tintfo letikhohlisako!
5 Angikucabangi nekukucabanga kutsi ngingatsi nine nilungile!
Ngitawuze ngife solo ngingakabulahli* bucotfo bami!+
6 Ngitawuchubeka ngitsi ngilungile futsi ngeke ngiyekele kusho njalo;+
Inhlitiyo yami angeke ingilahle* kuko konkhe kuphila kwami.*
7 Shengatsi sitsa sami singajeziswa njengebantfu lababi,
Nalabo labangihlaselako bajeziswe njengebantfu labangakalungi.
9 Nkulunkulu utakuva yini kukhala kwakhe
Nakafikelwa kuhlupheka?+
10 Loyo muntfu utawujabula yini ngaSomandla?
Utawuthantaza yini kuNkulunkulu ngaso sonkhe sikhatsi?
11 Ngitanifundzisa mayelana nemandla aNkulunkulu;*
Ngeke nginifihlele lutfo ngaSomandla.
12 Nangabe nonkhe nibone imibono,
Kungani-ke lenikushoko kulite nje?
13 Ngulesi sabelo Nkulunkulu lasinika umuntfu lomubi,+
Lifa Somandla lalinika bantfu labacindzetela labanye.
14 Ngisho nobe angaba nemadvodzana lamanyenti, atawufa ngenkemba,+
Nebantfwana bakhe ngeke babe nekudla lokwenele.
15 Labo labatawusala nasekafile batawubulawa sifo lesingumshayabhuce,
Futsi bafati babo ngeke babalilele.
16 Ngisho nobe angabutsisa lisiliva kube shengatsi lutfuli,
Futsi abutsise timphahla letidulile kube shengatsi lubumba,
17 Ngisho nobe angatibutsisa letimphahla,
Titawugcokwa ngumuntfu lolungile,+
Futsi labamsulwa batawehlukaniselana lelisiliva lakhe.
18 Indlu yakhe itsambe njengendlu yemvunya,
Injengendzawo yekukhosela+ leyakhiwe ngugadzi.
19 Utawulala anjingile kodvwa kute latakuvuna;
Utawutsi nakavula emehlo, atfole kungenalutfo.
20 Kwesaba kumhlasela njengetikhukhula;
Sivunguvungu siyamphephula ebusuku.+
21 Umoya wasemphumalanga utamphephula, futsi ngeke asabakhona;
Utamphephula umsuse endzaweni yakhe.+
28 “Kunendzawo lapho kumbiwa khona lisiliva
Futsi kunendzawo lapho kucwengwa khona ligolide;+
2 Insimbi imbiwa emhlabatsini,
3 Umuntfu wenta kukhanye endzaweni lemnyama;
Uya endzaweni lemnyama kakhulu
Kute afune ematje laligugu.
4 Umba umgodzi loshonako, khashane nalapho kuhlala khona bantfu,
Etindzaweni letingasatiwa, letikhashane nalapho bantfu bahamba khona;
Labanye bantfu behlela phansi ngetintsambo futsi balenge emoyeni.
5 Kudla kumila ngetulu emhlabeni;
Kodvwa ngaphansi kwawo kwenteka umonakalo kube shengatsi wentiwe ngumlilo.*
6 Lapho, kunematje lanesafire
Futsi elutfulini kunetinhlayiya teligolide.
7 Kute lingce lelati indlela leya khona;
Neliso lalohheya alikayiboni.
8 Kute tilwane letesabekako letike tahamba khona;
Nelibhubesi leliselincane alikake linyenyele ngakhona.
9 Umuntfu ubhidlita lidvwala lelicinile ngesandla sakhe;
Ugumbucelisa tintsaba etisekelweni tato.
10 Uvula imisele yemanti+ edvwaleni;
Emehlo akhe abona konkhe lokuligugu.
11 Umba emadamu etiyalwini
Tintfo letifihliwe utibeka ebaleni.
13 Kute umuntfu lobonako kutsi kubalulekile,+
Futsi angeke kutfolakale ngisho nasemhlabeni.
14 Emanti lasekujuleni atsi: ‘Akukho kimi!’
Nelwandle lutsi: ‘Akukho lapha kimi!’+
15 Kungeke kutsengwe ngeligolide lelicwengisisiwe;
Futsi ngeke kutsengwe nganome ngusiphi sisindvo selisiliva.+
16 Kungeke kutsengwe ngeligolide lase-Ofiri+
Nange-oniksi lelitje leliligugu nobe ngesafire.
17 Ligolide nengilazi angeke kucatsaniswe nako;
Futsi ngeke kutsengwe ngisho nangesitja lesakhiwe ngeligolide lelicwengisisiwe.+
18 Ematje laligugu aselwandle* kanye nekristalu angeke acatsaniswe nako,+
Ngobe kuhlakanipha kubaluleke kwendlula sikhwama lesigcwele emapharele.
19 Ithophazi+ yaseKushe ngeke icatsaniswe nako;
Futsi ngeke kuze kutsengwe ngisho nangeligolide lelicwengisisiwe.
20 Kodvwa kuhlakanipha kuvela kuphi,
Futsi ukuphi umtfombo wekucondza?+
21 Kufihlakele emehlweni ato tonkhe tintfo letiphilako+
Kwafihlelwa ngisho netinyoni tasemazulwini.
22 Imbhubhiso nekufa kutsi:
‘Tindlebe tetfu tive nje emahemuhemu ngako.’
23 Nkulunkulu uyati kutsi kutfolakala njani;
Nguye yedvwa lowati kutsi kuhlala kuphi,+
24 Ngobe ubuka emikhawulweni yemhlaba
Futsi abone konkhe lokungephansi kwemazulu.+
25 Ngesikhatsi anika umoya emandla awo*+
Futsi akala onkhe emanti,+
26 Nangesikhatsi ashayela imvula umtsetfo+
Futsi entela imvula lenkhulu lehambisana nekudvuma indlela,+
27 Nkulunkulu wakubona kuhlakanipha futsi wakuchaza;
Wakumisa kwacina futsi wakuvivinya.
28 Wabese utsi kumuntfu:
29 Jobe wachubeka wakhuluma watsi:
2 “Kube mane ngisaphila esikhatsini lesendlulile,
Ngesikhatsi Nkulunkulu asengivikele,
3 Ngesikhatsi sibane sakhe sisangikhanyisela enhloko,
Futsi nangihamba ebumnyameni bengikhanyiselwa nguye,+
4 Ngesikhatsi ngisemusha* futsi tintfo tisangihambela kahle,
Ngesikhatsi nginebuhlobo lobuhle naNkulunkulu,+
5 Ngesikhatsi Somandla asenami,
Futsi nebantfwana bami basaphila,*
6 Ngesikhatsi tinyawo tami tisahamba endzaweni legcwele libhotela,
Nemadvwala asangitfululela emafutsa emncumo lamanyenti.+
7 Ngesikhatsi ngisavame kuya esangweni lelidolobha+
Futsi ngihlale esigcawini selidolobha,+
8 Emajaha bekatsi nakangibona akhweshele eceleni,*
Ngisho nemakhehla abesukuma futsi achubeke emile.+
9 Tindvuna betibindza tingakhulumi;
Betibeka tandla emlonyeni.
10 Emadvodza lahlonishwako abengakhulumi lutfo;
Futsi kute ngisho nalinye ligama lebeliphuma emilonyeni yawo.
11 Bonkhe lebebangivile bebakhuluma kahle ngami,
Nalabo lebebangibona bebangikhulumela kahle.
12 Ngobe bengimsita lohluphekile lokhalela lusito,+
Ngisita nentsandzane kanye nanobe ngubani lodzinga kusitwa.+
15 Bengingemehlo alabangaboni
Futsi ngitinyawo kulabangakhoni kuhamba.
17 Bengiyephula imihlatsi yemuntfu lowenta lokubi+
Ngikhulule labo lababanjwe ngematinyo akhe.
18 Bengivame kutsi: ‘Ngitawufela ekhaya lami,*+
Nemalanga ami atawuba manyenti ngangesihlabatsi saselwandle.
19 Ngitawufana nesihlahla lesinetimphandze letifika emantini,
Futsi lesinemagala lalala ematolo busuku bonkhe.
20 Inkhatimulo yami ihlale ivuseleleka,
Futsi ngitawuhlala ngidubula ngebutjoki lobusesandleni sami.’
21 Bantfu bebakulangatelela kungilalela,
Bathule balindzele kuva seluleko sami.+
22 Bengitsi nasengikhulumile, kube bete labangakusho,
Emavi lebengiwasho bekamnandzi* etindlebeni tabo.
23 Bebangilindzela njengalapho bantfu balindzele imvula;
Emavi lebengiwakhuluma bebawanatsa njengemvula yasentfwasahlobo.+
24 Nangimoyitela nabo, bebangakukholwa loko;
Injabulo lebeyisebusweni bami beyibakhutsata.*
25 Bengibacondzisa njengobe bengingumholi wabo,
Futsi bengiphila njengenkhosi lekanye nemabutfo ayo,+
Nginjengemuntfu lodvudvuta labalilako.+
30 “Nyalo bantfu labancane kunami
Sebayangihleka,+
Bobabe babo bengingeke ngibavumele
Kutsi basite tinja letigadza timvu tami.
2 Angisite ngani emandla abo?
Nemdlandla wabo sewuphelile.
3 Sebaphelelwe ngemandla ngenca yekweswela kanye nendlala;
Bahlafuna umhlabatsi lowomile
Lobesewuvele wonakele futsi ungasenalutfo.
4 Bakha emacembe laneluswayi emahlatsini;
Badle netimphandze letibabako tetihlahla.
5 Bayacoshwa emimangweni;+
Bantfu babagijimisa shengatsi bagijimisa sigebengu.
6 Bahlala etihosheni,*
Emigodzini lesemhlabatsini kanye nasemadvwaleni.
7 Bakhala bamemete emahlatsini
Futsi babutsane emkhatsini wetihlahla tembabatane.
8 Njengobe bangemadvodzana ebantfu labangenangcondvo nalabangasiti ngalutfo,
Bacoshiwe* eveni.
11 Ngobe Nkulunkulu ungente ngaba butsakatsaka* futsi ngaphelelwa ngemandla,
Bangiphatsa kabi kakhulu* ngibukile.
12 Ngesekudla sami bamelana nami njengesicumbi sebantfu lesitongihlasela;
Futsi bayangicosha
Babeka tingibe endleleni kute bangibulale.
14 Bangena kube shengatsi bangene ngembobo lenkhulu leselubondzeni;
Batitsele endzaweni lebhidlikile.
15 Kwesaba kuyangihlasela;
Kuhlonipheka kwami kususiwe kimi kwaba shengatsi kupheshulwe ngumoya,
Futsi litsemba lami lekutfola lusito lishabalala njengelifu.
18 Imphahla yami idvonswa ngemandla;*
Ingekhama njengesembatfo lesinesiphika lesibambanako.
19 Awu Nkulunkulu, ungijike eludzakeni;
Ngaze ngafanana nelutfuli kanye nemlotsa.
20 Ngikhalela lusito kuwe, kodvwa awungiphendvuli;+
Ngiyasukuma, kodvwa wena umane nje ungibuke.
21 Sewungilahle kabuhlungu;+
Ungishaya ngesandla sakho lesinemandla.
22 Ungitsatsa ungiphonsele lena ngipheshulwe ngumoya;
Bese ungijika lena nalena esivunguvungwini.*
23 Ngobe ngiyati kutsi utangehlisela ekufeni,
Endlini lapho bonkhe labaphilako baya khona.
25 Angikabakhaleli yini labo lababhekene netikhatsi letimatima?*
Angikabadzabukeli yini labeswele?+
26 Bengitsi ngifuna lokuhle, kwefika lokubi;
Bengitsi ngifuna kukhanya, kodvwa kwavela bumnyama.
27 Ngachubeka ngikhatsatekile;
Emalanga ekuhlupheka nawo achubeka angihlasela.
28 Ngihamba ngiva buhlungu;+ lapho kute khona kukhanya.
Esicunjini sebantfu, ngiyasukuma ngikhalele lusito.
30 Sikhumba sami sesigucuke saba mnyama futsi siyalitsika;+
Ematsambo ami ayavutsa ngenca yekushisa.*
31 Lihabhu lami selisetjentiswa kuphela nakulilwa,
Futsi umntjingo wami sewudlalwa nakukhalwa.
31 “Ngente sivumelwane nemehlo ami.+
Ngako ngingayibuka njani ngenkhanuko intfombi?+
2 Nangabe bengingenta njalo, bengitawutfola siphi sabelo kuNkulunkulu,
Yini lebengitayitfola levela kuSomandla?
3 Lowenta lokubi akakalindzelwa yini yinhlekelele
Naloyo lowenta lokulimatako akakalindzelwa yini kuhlupheka?+
4 Nkulunkulu akatiboni yini tindlela tami+
Futsi akatibali yini tonkhe tinyatselo tami?
5 Ngike ngawakhuluma yini emanga?*
Ngike ngamyenga yini umuntfu?+
7 Nangabe tinyawo tami tiphambuka endleleni+
Nobe inhlitiyo yami ilandzela emehlo ami+
Nobe tandla tami tiba nguletingcolile,
8 Nakunjalo-ke, ngibotsi nangihlanyela kudle lomunye umuntfu,+
Futsi lengikulimile akusiphulwe.*
9 Nangabe inhlitiyo yami ihungwa ngulomunye umfati+
Futsi nangabe ngike ngabhaca ngilindzele+ umfati wamakhelwane wami,
10 Umfati wami akasilele lenye indvodza kolo,
11 Ngobe bengitawube ngente sento lesilihlazo
Lokulicala lelifanelwe sijeziso lesivela kubehluleli.+
13 Nangabe bengingatilaleli tinceku netincekukati tami
Natikhonona ngami,*
14 Ngitakwenta njani lapho Nkulunkulu asabhekene nami?
Ngitamphendvula ngitsini nasekangibuta?+
15 Loyo lowangibumba esiswini samake akababumbanga yini nabo?+
Akusuye yini lowasibumba etiswini tabomake betfu?*+
16 Nangabe labeswele bengingabaniki tintfo labaticelako+
Nobe nangabe bengenta bafelokati baphelelwe litsemba;*+
17 Nangabe kudla kwami bengikudla ngedvwa
Ngingatiphi tintsandzane;+
18 (Ngobe kusukela ngisemusha tintsandzane betingitsatsa njengababe wato,
Futsi kusukela ngisemncane* bengibasita bafelokati.)
19 Nangabe ngake ngabona lotsite abulawa ngemakhata ngenca yekweswela kwekwembatsa
Nobe ngabona umuntfu loweswele lote kwekugcoka;+
20 Nangabe ngingamnikanga boya betimvu tami kuze afutfumale
Bese uyangibonga;+
21 Nangabe bengiticindzetela tintsandzane+
Natidzinga lusito lwami esangweni lelidolobha;*+
22 Shengatsi umkhono wami ungakhumuka* ehlombe,
Futsi wephuke engcoseni.*
23 Ngobe bengesaba inhlekelele levela kuNkulunkulu
Futsi inkhatimulo yakhe ingetfusa.
24 Nangabe bengetsembe ligolide
Nobe nangabe ngakhuluma neligolide lelicwengisisiwe ngatsi, ‘Wena usivikelo sami!’+
25 Nangabe bengijatjuliswa ngumcebo wami lomnyenti+
Netintfo letinyenti lenginato;+
26 Nangabe ngabona lilanga likhanya
Nobe inyeti icwebetela ngebuhle bayo;+
27 Futsi inhlitiyo yami yase iyangikhohlisa,
Ngase ngicabuza sandla sami ngikhonta letintfo;*+
28 Bengitawube ngente sono lesifanelwe sijeziso sebehluleli,
Ngobe loko bekutawusho kutsi ngimphikile Nkulunkulu weliciniso.
31 Bantfu labasethendeni lami abakakhulumi yini batsi:
‘Ukhona yini umuntfu longakesutsiswa kudla kwaJobe?’*+
33 Ngike ngetama yini kufihla tono tami, njengobe kwenta labanye bantfu,+
Ngekutsi ngifihle licala lami emphahleni yami?
34 Ngike ngesaba yini kutsi linyenti lebantfu litawutsini,
Futsi ngike ngesatjiswa yini kutsi leminye imindeni ngeke ingihloniphe,
Bese ngiyabindza futsi ngesabe kuphumela ngephandle?
35 Kube mane kunemuntfu lobekangangilalela!+
Bengingafunga kutsi konkhe lesengikushito kuliciniso.*
Somandla akangiphendvule!+
Kube mane loyo longibeka licala bekakubhale phansi loko langimangalela ngako!
36 Bengingakutjatsa ehlombe,
Futsi ngikubophele enhloko njengemchele.
37 Bengingachubeka ngilandzisela Nkulunkulu ngako konkhe lengikwentako;
Bengingaya kuye ngesibindzi kube shengatsi ngingumbusi.
38 Nangabe umhlaba wami ukhala ngenca yami
Nemisele yawo ikhala kanye kanye;
39 Nangabe ngidle titselo tawo ngingakatibhadali,+
Futsi bantfu bakhala ngobe ngitsetse umhlaba wabo;+
40 Nakunjalo-ke akuvumbuke emanyeva esikhundleni sakolo
Futsi kumile lukhula lolunuka kabi esikhundleni sebhali.”
Aphela lapha-ke emavi aJobe.
32 Ngako lamadvodza lamatsatfu ayekela kwetama kuphendvula Jobe, ngobe Jobe abeciniseka kutsi ulungile.*+ 2 Kodvwa Elihu indvodzana yaBarakheli umBuzi+ lovela emndenini waRamu watfukutsela kakhulu. Watfukutseliswa kutsi Jobe abetama kutiveta alungile kunaNkulunkulu.+ 3 Wabatfukutselela kakhulu nebangani baJobe labatsatfu ngobe bebangakaphendvuli ngendlela lefanele kodvwa bebatsi Nkulunkulu wenta lokubi.+ 4 Njengobe bekamncane kunabo, Elihu bekasolo amele kuphendvula Jobe.+ 5 Ngesikhatsi Elihu abona kutsi lamadvodza lamatsatfu sekaphelelwe ngulangakusho, watfukutsela kakhulu kunakucala. 6 Ngako Elihu indvodzana yaBarakheli umBuzi wacala kukhuluma, watsi:
Ngako nginihloniphile, ngatibamba ngangakhulumi,+
Nganganitjeli loko lengikwatiko.
7 Ngicabange ngatsi: ‘Akukhulume bantfu labadzala,*
Futsi labo lasebaphile iminyaka leminyenti abakhulume emavi lahlakaniphile.’
8 Kodvwa umoya lokubantfu,
Lokukuphefumula kwaSomandla, ngiko lokunika bantfu kucondza.+
9 Kukhula kukodvwa akumenti* umuntfu ahlakaniphe,
Futsi bantfu labakhulile akusibo bodvwa labati lokulungile.+
10 Ngako ngitsi: ‘Ngilaleleni,
Mine ngitanitjela lengikwatiko.’
11 Lalelani la! Bengisolo ngimele kutsi nikhulume;
Futsi bengisolo ngilalele imibono yenu+
Njengobe benicabanga emagama leningawasho.+
12 Bengisolo nginilalelisisa,
Kodvwa kute ngisho namunye kini lokhonile kuvetela Jobe kutsi uneliphutsa*
Nome lokhone kuphendvula emavi akhe.
13 Ngako ningakhulumi nitsi: ‘Tsine sihlakaniphile;
NguNkulunkulu lowekhuta Jobe, hhayi umuntfu.’
14 Jobe akawacondzisi kimi emavi akhe,
Ngako angeke ngimphendvule njengani.
15 Lamadvodza ayesaba, sekete timphendvulo;
Futsi sekute langakusho.
16 Bengisolo ngilindzile, kodvwa akasasho lutfo;
Emile nje futsi akaphendvuli.
17 Ngako mine ngitawuphendvula;
Ngitawusho loko lengikwatiko,
18 Kunalokunyenti lengingakusho;
Umoya longcwele lokimi uyangichuba.
19 Ngekhatsi kimi nginjengeliwayini lelivalelwe ngci esigujini sesikhumba,
Futsi nginjengetigubhu letinsha tesikhumba tekufaka liwayini letifuna kupamuka.+
20 Asengimane ngikhulume kute ngikhululeke!
Ngitawuvula umlomo wami ngiphendvule.
21 Kute lengitamkhetsa;+
Futsi kute umuntfu lengitamhhalatisa,*
22 Ngobe angikwati kuhhalatisa umuntfu;
Nangabe bengingakwenta loko, uMdali wami abengangibulala ngekushesha.
33 “Manje-ke Jobe, ngicela ulalele emavi ami;
Ukulalele konkhe lengikushoko.
2 Ngicela ungilalele! Mine ngitawukhuluma;
Umlomo wami kufanele ukhulume.*
3 Emavi ami akhombisa kutsi ngicotfo enhlitiyweni,+
Futsi tindzebe tami tikhuluma kona kanye loko lengikwatiko.
5 Ngiphendvule nawungakhona;
Beka umbono wakho embikwami; tilungiselele kungiphendvula.
6 Ngifanana nawe phambi kwaNkulunkulu weliciniso;
Nami ngabunjwa ngelubumba.+
7 Ngako kute sidzingo sekutsi ungesabe,
Emavi ami ngeke abe matima etikwakho.
8 Ngikuvile nawukhuluma,
Bengisolo ngiweva emavi akho nawutsi:
10 Kodvwa Nkulunkulu uhlale anesizatfu sekumelana nami;
Ungitsatsa njengesitsa sakhe.+
12 Kodvwa awukhulumi liciniso nawusho njalo, ngako ngitakuphendvula:
Nkulunkulu mkhulu kakhulu kunemuntfu.+
13 Kungani ukhonona ngaye?+
Ngulokutsi akawaphendvuli yini onkhe emavi akho?+
14 Ngobe Nkulunkulu ukhuluma kanye aphindze akhulume kwesibili,
Nanobe kute lolalelako,
15 Ukhuluma ngeliphupho, ngembono ebusuku,+
Ngesikhatsi bantfu babanjwe butfongo lobukhulu
Baselele emibhedzeni yabo.
16 Ngemuva kwaloko uvula tindlebe tabo+
Afake imiyalo yakhe etingcondvweni tabo,*
17 Kute akhweshise umuntfu ekwenteni lokubi+
Futsi amvimbe kutsi angatishayi sifuba.+
19 Umuntfu ujeziswa buhlungu nakalele embhedzeni wakhe
Ajeziswe nabuhlungu bematsambo lobungapheli,
20 Kangangekutsi uze akwenyanye* kudla,
21 Wondza kakhulu,
Kangangekutsi ematsambo akhe aze abonakale.*
23 Nangabe kufika sitfunywa* kuye,
Umkhulumeli munye kulabayinkhulungwane,
Simtjele kutsi yini lelungile,
24 Bese Nkulunkulu umentela umusa futsi atsi:
‘Mvikele angehleli emgodzini!*+
Sengiyitfolile inhlawulo!+
26 Utawuthantaza kuNkulunkulu+ futsi Nkulunkulu utamemukela,
Utawujabula kakhulu nakabona buso baNkulunkulu,
NaNkulunkulu utawuphindze amtsatse njengemuntfu lolungile.
27 Loyo muntfu utawutjela* bantfu atsi:
29 Ecinisweni Nkulunkulu wenta tonkhe letintfo
Atentele umuntfu emahlandla lamanyenti,
30 Kuze amkhulule* ethuneni,
Khona atewujabulela kuphila.+
31 Ngilalele Jobe! Ngilalelisise!
Bindza, khona ngitewuchubeka ngikhuluma.
32 Nakukhona lofuna kukusho, kusho kimi.
Khuluma, ngobe ngiyafisa kuveta kutsi umsulwa.
33 Nakute longakusho, kufanele ulalele mine;
Bindza, futsi mine ngitakufundzisa kuhlakanipha.”
34 Ngako Elihu wachubeka watsi:
2 “Lalelani emavi ami, nine lenihlakaniphile;
Ngilaleleni, nine leninelwati lolunyenti.
3 Ngobe indlebe iyawavivinya emavi
Njengobe nje nelulwimi* lukunambitsa kudla.
4 Asitihlolele tsine loko lokulungile;
Asitincumele tsine kutsi yini lenhle.
6 Kufanele ngikhulume emanga yini, ngitsi akukangifaneli kwehlulelwa kahle?
Silondza sami aselapheki, nanobe kute lokubi lengikwentile.’+
7 Ukhona yini umuntfu lofana naJobe,
Longasenandzaba nekwetfukwa?*
8 Utihlanganisa nebantfu labenta lokubi
Futsi ungumngani walababi.+
9 Ngobe yena utsite: ‘Umuntfu akatfoli lutfo
Ngekwetama kujabulisa Nkulunkulu.’+
10 Ngako ngilaleleni nine madvodza lanekucondza:*
Nkulunkulu weliciniso akakucabangi ngisho nekukucabanga kwenta lokubi,+
Futsi Somandla akabenti bubi!+
11 Ngobe umuntfu utamniketa umvuzo waloko lakwentako+
Amente atfole imiphumela yetindlela takhe.
13 Ngubani lotsite akalawule umhlaba,
Futsi ngubani lotsite akaphatse live lonkhe?*
14 Nakangamelana nebantfu,
Abemuke umoya wakhe nekuphefumula kwabo,+
15 Bonkhe bantfu bebangafa,*
Futsi bebangabuyela elutfulini.+
16 Nangabe ninekucondza, kunakisiseni loku;
Lalelisisani loku lengikushoko.
17 Kungenteka yini kutsi umuntfu lowenyanya lokulungile abe ngumbusi,
Nobe ungamsola yini umuntfu lonemandla futsi lolungile?
18 Ungayitjela yini inkhosi utsi: ‘Uyintfo lengenamsebenti,’
Nobe utjele tikhulu utsi: ‘Nine anikalungi’?+
19 Nkulunkulu akatitsatsi tikhulu njengaletincono
Futsi kuye labanjingile abasincono kunalabaphuyile,*+
Ngobe bonkhe bangumsebenti wetandla takhe.+
20 Bafa ngekutumeka lokukhulu,+ ekhatsi nebusuku;+
Bayatfutfumela futsi bafe;
Ngisho nalabanemandla bayasuswa, kodvwa abasuswa sandla semuntfu.+
21 Ngobe emehlo aNkulunkulu abuke tindlela temuntfu,+
Futsi utibona tonkhe tinyatselo takhe.
23 Ngobe Nkulunkulu akakasibeki sikhatsi sekutsi umuntfu
Eme embikwakhe kute amehlulele.
24 Upitjita labanemandla ngaphandle kwekubaphenyisisa
Futsi abeke labanye etikhundleni tabo.+
26 Uyabashaya ngenca yekutsi benta lokubi,
Abashaye embikwabo bonkhe bantfu,+
27 Ngobe bayekele kumlandzela+
Futsi abatinaki tindlela takhe;+
28 Benta kutsi labeswele bakhalele lusito kuye,
Futsi yena uyakuva kukhala kwalabeswele.+
29 Nangabe Nkulunkulu angenti lutfo ngaloku, ngubani longamsola?
Nakafihla buso bakhe, ngubani longambona?
Umphumela uyafana ngisho nobe abufihlela sive nobe umuntfu.
31 Ukhona yini longatsi kuNkulunkulu:
‘Mine ngijeziswe ngingakenti lutfo lolubi;+
32 Nangabe ngonile futsi ngangaboni, ngitjele;
Nangabe kukhona lokubi lengikwentile, ngeke ngisakuphindza’?
33 Ucabanga kutsi kufanele yini akunikete umvuzo ngekutsandza kwakho nawungasemukeli sehlulelo sakhe?
Akube nguwe lowenta sincumo, hhayi mine.
Ngako-ke ngitjele loko lokwatiko.
34 Bantfu labanekucondza,*
Lokubantfu labahlakaniphile labangivako, batawutsi kimi:
35 ‘Jobe ukhulunyiswa kungati,+
Futsi emavi akhe awakhombisi kutsi unekucondza.’
36 Shengatsi Jobe angavivinywa* ngalokugcwele
Ngobe uphendvulisa kwebantfu labenta lokubi!
37 Ngetulu kwesono lasentile, sewuphindze uyavukela;+
Ushaya tandla ngekwedzelela embikwetfu
Futsi usho tintfo letinyenti letimelene naNkulunkulu weliciniso!”+
35 Elihu wachubeka watsi:
2 “Ucabanga kutsi usho intfo lekahle yini nawutsi:
‘Ngilunge kakhulu kunaNkulunkulu’?+
3 Ngobe utsite: ‘Kuzuzisa ngani?*
Ngincono yini kunaloko bengitawuba ngiko kube bengonile?’+
4 Ngitakuphendvula,
Ngiphendvule nalabangani+ bakho labakanye nawe.
5 Phakamisela emehlo akho ezulwini ubuke,
Bukisisa emafu+ lasetulu kakhulu kunawe.
6 Nangabe wona, loko kuyamlimata yini Nkulunkulu?+
Nangabe tono takho tiba tinyenti, kuyamtsintsa yini yena?+
8 Tento takho letimbi tilimata kuphela umuntfu lofana nawe,
Netento takho letilungile tisita umuntfu kuphela.
9 Bantfu bayakhala nabacindzeteleke kakhulu;
10 Kodvwa kute lotsi: ‘Uphi Nkulunkulu, uMdali wami Lomkhulu,+
Loyo lowenta kutsi kuhlatjelwe tingoma ebusuku?’+
11 Usifundzisa lokunyenti+ kwendlula tilwane letisemhlabeni,+
Futsi usenta sihlakaniphe kakhulu kwendlula tinyoni temazulu.
14 Kakhulu kangakanani-ke nawukhonona ngekutsi awumboni!+
Licala lakho lisembikwakhe, ngako kufanele ulindzele yena.+
15 Ngobe akakujezisanga atfukutsele;
Futsi akawanaki emavi lowakhulume ngebudlabha.+
16 Jobe uvula umlomo wakhe akhulume lite;
Ukhuluma tintfo letinyenti abe angenalwati.”+
36 Elihu wachubeka watsi:
2 “Ngicela ungibeketelele kwesikhashana njengobe ngisachaza,
Ngobe kusenemavi lokufanele ngiwasho ngimelele Nkulunkulu.
3 Ngitawukhuluma konkhe lengikwatiko,
Ngitawumemetela kutsi uMdali wami ulungile.+
4 Liciniso likutsi emavi ami etsembekile;
Njengobe avela kuLoyo lowati konkhe.+
7 Akawasusi emehlo akhe kulabalungile;+
Ubenta babe ngemakhosi,*+ futsi baphakanyiswa kuze kube phakadze.
8 Kodvwa nangabe baboshwe ngetinketane
Futsi bakhungwe tintsambo tekuhlupheka,
9 Ubembulela loko labakwentile,
Babone kutsi tono tabo tibangelwe kutigcabha kwabo.
10 Uvula tindlebe tabo kute abayale
Futsi abatjele kutsi bayekele kwenta lokubi.+
11 Nangabe bamlalela futsi bamkhonta,
Batawuphumelela kuko konkhe kuphila kwabo,
Neminyaka labatayiphila itawubajabulisa.+
13 Bantfu labenta lokubi* batfukutselela Nkulunkulu.
Abalukhaleli lusito ngisho nalapho abajezisa.
15 Kodvwa Nkulunkulu* usindzisa labahluphekile ekuhluphekeni kwabo;
Uvula tindlebe tabo nabacindzetelekile.
16 Uyakukhulula ekucindzetelekeni+
Akuyise endzaweni lebanti, lengakavinjwa ngulutfo,+
Futsi kudla lokunonile lokusetafuleni lakho kuyakudvudvuta.+
17 Utawenetiswa kubona lababi behlulelwa,+
Nawubona kukhishwa sehlulelo futsi kumelelwa kulunga.
18 Kodvwa caphela kutsi intfukutselo ingakwenti ube nelunya,*+
Futsi ungavumi kutsi kudizelwa ngemali lenyenti kukudukise.
19 Kukhalela kwakho lusito
Nobe kutikhandla kwakho kungakwenta yini ungacindzeteleki?+
20 Ungabufisi busuku,
Lokusikhatsi lapho bantfu banyamalala khona etindzaweni tabo.
21 Ungakhetsi kwenta lokubi,
Kuncono kutsi ukhetse kubeketelela kuhlupheka.+
22 Nkulunkulu uphakeme ngenca yemandla akhe;
Ukhona yini umfundzisi lonjengaye?
25 Bonkhe bantfu bayibonile,
Umuntfu uyibuka akhashane.
32 Ngetandla takhe umbonya umbane,
Futsi awucondzise lapho afuna uye khona.+
33 Kudvuma kukhuluma ngaye,
Ngisho nemfuyo iyasho kutsi kuta bani.*
37 “Nyalo inhlitiyo yami ishayela etulu
Futsi iyagcumagcuma endzaweni yayo.
2 Lalelisisa livi lakhe lelibhodlako
Nekudvuma lokuphuma emlonyeni wakhe.
3 Libhodla livakale ngephansi kwemazulu
Futsi utfumela umbane+ wakhe emikhawulweni yemhlaba.
4 Bese kuvakala umsindvo lomkhulu;
Advume ngelivi lakhe lebukhosi,+
Futsi akawugodli umbane naselivakele livi lakhe.
5 Liphimbo laNkulunkulu+ lidvuma ngendlela lemangalisako;
Wenta tintfo letinkhulu lesingeke sikhone kuticondza.+
6 Ngoba ukhuluma nelichwa atsi: ‘Yehlela emhlabeni,’+
Futsi atjele imvula lenkhulu atsi: ‘Tfululeka kakhulu.’+
7 Nkulunkulu umisa yonkhe imisebenti yebantfu*
Kuze bonkhe batoyati imisebenti yaKhe.
8 Tilwane tesiganga tingena emigodzini yato
Futsi tihlale emihumeni yato.
11 Wetfwesa emafu ngemswakama;
Asakate imibane+ emafini;
12 Itungeleta ngekushesha iye lapho ayitfumela khona;
13 Usebentisa emafu kute ajezise,+ kute anise imvula emhlabeni,
Nobe kuze akhombise lutsandvo lolucotfo.+
14 Lalela la Jobe;
Mani futsi ucabangisise ngemisebenti lemangalisako yaNkulunkulu.+
15 Uyati yini kutsi Nkulunkulu uwalawula* njani emafu
Nekutsi uwenta njani umbane umanyate emafini akhe?
16 Uyayati yini indlela emafu lalenga ngayo emoyeni?+
Lena yimisebenti lemangalisako yaLoyo lowati konkhe.+
17 Kungani timphahla takho tishisa
Ube umhlaba uchubeka umile nanobe kunemoya lochamuka eningizimu?+
18 Ungasendlala yini sibhakabhaka njengaye+
Sicine sifanane nesibuko lesakhiwe ngensimbi?
19 Sitjele loko lokufanele sikusho kuye;
Tsine angeke sikhone kuphendvula ngobe sisebumnyameni.
20 Ngingamtjela yini Nkulunkulu kutsi ngifuna kukhuluma naye?
Nobe ukhona yini loshito lokutsite lokufanele atjelwe kona?+
21 Abakuboni ngisho nekukhanya,*
Nanobe kukhanya esibhakabhakeni,
Kuze kube ngulapho umoya ususa emafu.
22 Enyakatfo kuchamuka bukhatikhati beligolide;
Bukhosi baNkulunkulu+ buyesabeka.
23 Angeke size sikwati kumcondza Somandla;+
Unemandla lamakhulu,+
Uhlala enta tintfo ngekulunga,+ futsi kulunga kwakhe kukhulu kakhulu.+
24 Ngako-ke bantfu kufanele bamesabe.+
Ngobe akabatsandzi labo labacabanga kutsi bahlakaniphile.”*+
38 Jehova wabese ukhuluma naJobe asesivunguvungwini watsi:+
2 “Ngubani lona lowenta kutsi seluleko sami singalalelwa
Futsi akhulume abe angati lutfo?+
3 Ngicela utilungiselele njengendvodza;
Ngitakubuta, wena ungiphendvule.
4 Bewukuphi nangibeka sisekelo semhlaba?+
Ngitjele nangabe ucabanga kutsi uyakucondza loko.
5 Nangabe uyati, ngubani lowakala bukhulu bawo
Nobe ngubani lowasebentisa intsambo kute awukale?
6 Tisime etikwani tinsika temhlaba,
Nobe ngubani lowabeka litje lekuwusimisa,+
7 Ngesikhatsi tinkhanyeti tentsatsakusa+ timemeta kanyekanye ngenjabulo,
Futsi nato tonkhe tingilosi taNkulunkulu*+ ticala kumemeta tidvumisa?
8 Ngubani lowavimba lwandle ngekutsi avale iminyango+
Naluphuma emtfonjeni walo,
9 Nangilwembatsisa ngemafu
Futsi ngilugocotela* ngebumnyama lobukhulu,
10 Nangisungula imincele yalo
Ngibeka netinsimbi talo neminyango yalo endzaweni yako,+
11 Futsi ngatsi: ‘Ungahamba ugcine lana, ungendluli;
Emagagasi akho latigcabhako atawugcina lapha’?+
12 Uke* wakutfuma yini kusa
Nobe wenta kutsi intsatsakusa yati indzawo yako,+
13 Ibambe imikhawulo yemhlaba
Futsi ikhiphe lababi kuwo?+
14 Umhlaba ushintja njengelubumba lolungephansi kweluphawu,
Futsi konkhe kugcama njengemhlobiso wesembatfo.
15 Kodvwa lababi abakutfoli kukhanya kwabo,
Tento tabo letimbi tiyaphela.*
16 Uke wehlela yini etiyalwini telwandle
Nobe wahambahamba ekujuleni kwalo?+
18 Sewuyabucondza yini bukhulu bemhlaba?+
Ngitjele nangabe ukwati konkhe loku.
19 Kuhlala ngakuphi kukhanya?+
Ikuphi indzawo yebumnyama,
20 Kutsi ungakumikisa kuyo
Futsi wati netindlela letiya ekhaya lako?
21 Loku ukwati ngobe besewuvele utelwe yini
Nangekutsi iminyaka yakho minyenti?*
22 Uke wangena yini lakugcinwa khona lichwa,+
Nobe uke watibona yini tincolobane tesangcotfo,+
23 Lengikubekele sikhatsi sekuhlupheka,
Lokulilanga lekulwa kanye nemphi?+
25 Ngubani lombe imisele yetikhukhula
Futsi wenta nendlela yelifu lelinesivunguvungu,+
26 Lowenta kutsi line lapho kungahlali muntfu khona,
Nasehlane lapho kute khona bantfu,+
27 Lowenetisa tindzawo letite lutfo,
Ente nekutsi kumile tjani kuto?+
29 Ngubani make welichwa,
Futsi ngubani lowatala sitfwatfwa sasezulwini+
30 Ngesikhatsi emanti oma njengelitje,
Nangesikhatsi emanti lasekujuleni sekacine njengelidvwala?+
31 Ungasibopha yini ngentsambo sicumbi setinkhanyenti iKhimahi*
32 Ungasicondzisa yini sicumbi setinkhanyeti* ngesikhatsi saso
Nobe ucondzise sicumbi setinkhanyeti lokutsiwa nguMlotsa* sikanye nemadvodzana aso?
33 Uyayati yini imitsetfo leyengamele emazulu,+
Nobe ungalenta yini ligunya layo* kutsi lisebente emhlabeni?
34 Ungawamemeta yini emafu,
Kuze imvula lenkhulu ikunetse?+
35 Ungayitfumela yini imibane?
Yona ingeta yini kuwe, itsi: ‘Sesikhona!’
37 Ngubani lohlakaniphe kangangekutsi angabala emafu,
Nobe ngubani longagoboncisa timbita temanti tasezulwini+
38 Ngesikhatsi lutfuli luba sigadla
Futsi emagadze emhlabatsi anamatselana?
39 Ungalitingelela yini libhubesi inyamatane
Nobe ungakwesutsisa yini kulamba kwemabhubesi lasemancane+
40 Nakaguca angena emihumeni yawo
Nobe abhaca etindzaweni tawo tekuhlala?
41 Ngubani lolungisela emahhwabayi+ kudla
Ngesikhatsi emazini awo akhalela lusito kuNkulunkulu
Futsi azulazula ngobe kute langakudla?
39 “Uyati yini kutsi timbuti tasentsabeni titala nini?+
Uke wayibona yini inyamatane itala?+
2 Uyati yini kutsi letilwane timitsa tinyanga letingakhi?
Uyasati yini sikhatsi sato sekutala?
3 Tiyaguca natitala emazinyane,
Bese imihelo yato iyaphela.
4 Emazinyane ato ayacina futsi akhulele esigangeni;
Ahamba angaphindzi abuye.
6 Ngente likhaya layo kwaba lihlane
Ngenta nekutsi ihlale endzaweni leneluswayi.
7 Iwuhleka bulima umsindvo losedolobheni;
Ayikuva nekumemeta kwemuntfu loyigalelako.
8 Yehla yenyuka nemagcuma, ifune lengakudla,
Ifuna bonkhe tjani lobumilako.
9 Inkhomo yesiganga iyafuna yini kukusebentela?+
Ingalala yini busuku bonkhe esibayeni sakho?*
10 Ungayidvonsa yini inkhomo yesiganga ngelitomu kutsi iyokulimela,
Nobe ingakulandzela yini kute iyokulimela esihosheni?
11 Utawetsembela emandleni ayo yini
Futsi utayentisa umsebenti wakho lomatima yini?
12 Utawetsembela kuyo yini kutsi iletse sivuno sakho,
Futsi itakubutsisela sona yini ebaleni lakho lekubhulela?
13 Inshi* ishaya timphiko ngenca yenjabulo,
Kodvwa timphiko tayo netinsiba tayo tingacatsaniswa yini netadvoye?+
14 Ngobe italela emacandza ayo iwashiye phansi,
Futsi iwagcine afutfumele emhlabatsini.
15 Iyakhohlwa kutsi kungenteka bantfu bawanyatsele
Nobe silwane sesiganga siwafihlite.
16 Emantjwele ayo iwaphatsa kabi, kube shengatsi akusiwo ayo;+
Ayesabi kutsi kungenteka iwatalele lite.
17 Ngobe Nkulunkulu akayiniki* kuhlakanipha
Futsi akayiniki nekucondza.
18 Kodvwa nayisukuma futsi ishaya timphiko tayo,
Ihleka lihhashi naloyo loligibele.
19 Nguwe yini loniketa lihhashi emandla?+
Uyayembatsisa yini intsamo yalo ngeboya lobukhitsitelako?
20 Ungalenta yini kutsi ligcume njengentsetse?
Indlela lelikhipha ngayo umoya ngemakhala iyesabisa.+
22 Liyakuhleka kwesaba futsi alesabi lutfo.+
Aliyibalekeli inkemba.
23 Sikhwama sesikhumba lesilenga kulo sikhehletela eceleni kwalo,
Kunemcibisholo kanye nesikhali lesimanyatelako.
24 Livukwa lusinga, litsatse emabanga,
Nakukhala licilongo alikhoni kuma linganyakati.
25 Nakukhala licilongo, lelihhashi likhipha umsindvo ngemlomo
Imphi liyiva ngeliphunga isekhashane
Futsi liva nekumemeta kwetindvuna temphi kanye nemsindvo wemphi.+
26 Lohheya undiza ngenca yekuhlakanipha kwakho yini,
Endlale timphiko takhe ngaseningizimu?
27 Lusweti lutjelwa nguwe yini kutsi lundizele etulu+
Futsi lwakhe sidleke salo endzaweni lephakeme kakhulu,+
28 Kutsi lulale endzaweni leliwa,
Luhlale endzaweni levikelekile edvwaleni?*
30 Emazini alo amunya ingati;
Ulutfola lapho kunetidvumbu khona.”+
40 Jehova wachubeka wakhuluma naJobe watsi:
2 “Lofuna liphutsa kuSomandla angamelana yini naye?+
Loyo lofuna kusola Nkulunkulu akamphendvule.”+
3 Jobe waphendvula Jehova watsi:
4 “Mine angisilutfo.+
Ngingakuphendvula ngitsini?
Ngibeka sandla sami emlonyeni wami.+
5 Ngikhulume kanye, ngaphindze ngakhuluma kwesibili, kodvwa angeke ngisaphendvula;
Sekute lengitakusho.”
6 Ngemuva kwaloko Jehova waphendvula Jobe asesivunguvungwini+ watsi:
7 “Ngicela utilungiselele njengendvodza;
Ngitakubuta, wena ungiphendvule.+
8 Ungakusola yini kulunga kwami?
Ungangilahla yini ngelicala, kute wena ubonakale ulungile?+
9 Unawo yini umkhono lonemandla njengewaNkulunkulu weliciniso,+
Nobe livi lakho lingadvuma yini njengelakhe?+
10 Ngicela ukhombise bukhatikhati bakho nemandla akho lamakhulu.
Khombisa kuhlonipheka kwakho kanye nebukhulu bakho.
11 Tfulula intfukutselo yakho lenkhulu;
Buka bonkhe bantfu labatiphakamisako futsi ubehlise.
12 Buka bonkhe bantfu labatiphakamisako futsi ubatfobise,
Ufihlite nalababi lapho bakhona khona.
13 Bafihle bonkhe elutfulini;
Ubabophele* endzaweni lesitsekile,
14 Ngisho nami ngitawuvuma kuwe*
Kutsi sandla sakho sangesekudla singakusindzisa.
15 Manje nayi imvubu,* lengayidala ngendlela nawe lengakudala ngayo.
Idla tjani njengenkunzi.
16 Buka emandla lasemilenteni yayo
Kanye nemandla lasemamaseleni esisu sayo!
17 Umsila wayo ucine njengemsedari;
Imisipha yematsanga ayo itfungelene.
18 Ematsambo ayo akhiwe ngelitfusi
Imilente yayo yakhiwe ngensimbi.
19 Ngiyo lehamba embili* emisebentini yaNkulunkulu;
NguMenti wayo kuphela longayihlasela ngenkemba.
20 Ngobe tintsaba tiyivetela kudla,
Lapho tonkhe tilwane tesiganga tidlala khona.
21 Ilala ngephansi kwesihlahla semanyeva,
Emtfuntini wemhlanga loseteteni.
23 Nangabe umfula unemandla, ayesabi.
Inesibindzi ngisho nobe iJordane+ iyishaya umlomo wayo.
24 Ukhona yini longayibamba ibukile,
Nobe abhobose likhala layo ngelihhuka?*
3 Itawutincengela yini kuwe,
Nobe ikhulume emavi lanemusa?
4 Itawenta sivumelwane yini nawe,
Kute uyente sigcili sakho konkhe kuphila kwayo?
5 Utawudlala nayo yini njengobe udlala nenyoni
Nobe utayibopha yini kute emantfombatanyana akho adlale ngayo?
6 Batsengisi batawuphikisana yini ngekutsi batayitsengisa ngamalini?
Batawehlukaniselana yona yini?
7 Sikhumba sayo utasigcwalisa ngemicibisholo yetinhlanti letinkhulu+ yini
Nobe inhloko yayo uyigcwalise ngetikhali tekudvweba?
8 Beka sandla sakho kuyo;
Utakukhumbula kulwa kwayo futsi angeke uphindze ukwente loko!
9 Nobe ngumaphi ematsemba ekuyincoba alite.
Ngekuyibuka nje, utawuvele uphelelwe ngemandla.*
10 Kute nalocabanga kuyicala.
Ngako-ke ngubani longamelana nami?+
11 Ngubani longinike lokutsite kucala lokufanele ngimbhadale?+
Konkhe lokungephansi kwemazulu ngekwami.+
12 Angeke ngihlale ngingakhulumi ngemilente yayo,
Ngebukhulu bayo nangendlela umtimba wayo lowakheke kahle ngayo.
13 Ngubani loyikhumule sembatfo sayo sangetulu?
Ngubani longangena emihlatsini yayo levulekile?
14 Ngubani longayivulisa umlomo wayo* ngenkhani?
Onkhe ematinyo ayo ayesabeka.
15 Umhlane wayo unemigca yemahawu*
Lahlanganiswe ndzawonye.
16 Ngulelo nalelo lisondzelene kakhulu nalelinye
Kute kungangeni umoya emkhatsini wawo.
17 Anamatselene;
Ahlangene futsi angeke ehlukaniseke.
18 Itsi nayitsimula kuphume kukhanya,
Futsi emehlo ayo afanana nemisebe yentsatsakusa.
19 Emlonyeni wayo kuphuma imibane;
Kuphume netinhlase temlilo.
20 Emakhaleni ayo kuphuma intfutfu,
Njengemlilo lobaswe ngetjani.
21 Itsi nayiphefumula kuvutse emalahle,
Futsi kuphume lilangabi emlonyeni wayo.
22 Inemandla lamakhulu entsanyeni,
Futsi bonkhe labayibonako bafikelwa kwesaba lokukhulu.
23 Emafindvofindvo enyama yayo ahlangene;
Acinile, afanana nensimbi lengeke isuswe.
24 Inhlitiyo yayo icine njengelitje,
Icine njengelitje lekusila.
25 Nayiphakama, ngisho nalabanemandla bayesaba;
Nayihamba emantini ibangela kutsi kube nekudideka.
26 Kute inkemba leyigwazako letawuphumelela;
Ngisho nesikhali, umcibisholo nobe butjoki ngeke kuphumelele.+
27 Kuyo insimbi ifanana nelutsi lwetjani,
Litfusi lifanane nelukhuni lolubolile.
28 Butjoki abuyenti ibaleke;
Ematje esidubulelo afanana neluhlanga kuyo.
29 Kuyo umzaca ufanana neluhlanga,
Futsi iyahleka nakukhehleta sikhali lesifishane.
30 Lingephansi layo lifanana netincetu letikhaliphile talokubunjiwe;
Nayihamba eludzakeni ishiya imidvwebo kube shengatsi bekuhamba sihliphi sekubhula.+
31 Yenta emanti lasekujuleni abile njengalasebhodweni;
Inyakatisa lwandle kube shengatsi libhodo lemafutsa ekugcobisa.
32 Lapho ihambe khona ishiya kunemagwebu.
Ungaze ucabange kutsi kujula kunetinwele letimhlophe.
33 Kute lokufanana nayo emhlabeni,
Yadalwa ngendlela yekutsi ingesabi lutfo.
34 Itibuka kabi tonkhe tilwane letitiphakamisako.
Iyinkhosi kuto tonkhe tilwane tesiganga letinemandla.”
42 Jobe wabese uphendvula Jehova utsi:
2 “Nyalo sengiyati kutsi uyakhona kwenta tonkhe tintfo
Nekutsi kute locabanga kukwenta lokungakwehlula.+
3 Utsite: ‘Ngubani lona lowenta kutsi seluleko sami singalalelwa abe angati lutfo?’+
Ngako ngikhulumile, kodvwa bengingacondzi
Ngakhuluma ngetintfo letimangalisa kakhulu, nami lengingatati.+
4 Utsite: ‘Ngicela ulalele, mine ngitawukhuluma.
Ngitakubuta, wena ungiphendvule.’+
5 Tindlebe tami tivile ngawe,
Kodvwa nyalo sengiyakubona ngemehlo ami.
7 Ngemuva kwekutsi Jehova akhulume lamavi kuJobe, Jehova watsi ku-Elifazi umThemani:
“Wena nalabangani+ bakho lababili nginitfukutselele kakhulu, ngobe anikalikhulumi liciniso ngami+ njengobe kwente inceku yami Jobe. 8 Nyalo tsatsani tinkunzi letingu-7 netimvu letindvuna letingu-7 niye encekwini yami Jobe, nifike nente umhlatjelo wekushiswa ngenca yalesono lenisentile. Inceku yami Jobe itawubese iyanithantazela.+ Nakanjani ngitasemukela sicelo sakhe* sekutsi nginganiphatsi njengalokufanele bulima benu, ngobe anikalikhulumi liciniso ngami njengobe kwente inceku yami Jobe.”
9 Ngako Elifazi umThemani, Bildadi umShuwa naSofari umNama bahamba benta loko Jehova labatjele kutsi bakwente, futsi Jehova wawemukela umthantazo waJobe.
10 Ngemuva kwekutsi Jobe sekathantazele bangani bakhe,+ Jehova wakususa kuhlupheka+ kwaJobe futsi wamenta waphindze wanjinga.* Jehova wamnika ngalokuphindvwe kabili kulabekanako.+ 11 Bonkhe bomnakabo, bodzadzewakhe kanye nabo bonkhe lebebabangani+ bakhe baya kuye futsi badla naye endlini yakhe. Bavelana naye futsi bamdvudvuta ngenca yako konkhe lokuhlupheka Jehova lebekakuvumele kutsi kumehlele. Ngamunye wabo wamnika inhlavu yemali kanye nendandatho yeligolide.
12 Ngako Jehova wakubusisa kuphila kwaJobe kwakamuva kwendlula kwasekucaleni,+ futsi Jobe waba netimvu letingu-14 000, emakamela langu-6 000, tinkhomo letingu-2 000* kanye netimbongolo letinsikati letingu-1 000.+ 13 Waphindze waba nalamanye emadvodzana langu-7 kanye nemadvodzakati lamatsatfu.+ 14 Indvodzakati yakhe yekucala wayetsa ngekutsi nguJemima, yesibili watsi nguKhesiya futsi yesitsatfu watsi nguKhereni-haphukhi. 15 Kulo lonkhe lelive kute intfombi lebeyiyinhle njengemadvodzakati aJobe, futsi babe wawo wawanika lifa, wona kanye nabomnakabo.
16 Emvakwaloko, Jobe wabese uphila iminyaka lengu-140, futsi wabona bantfwabakhe kanye nebatukulu bakhe, kwaze kwaba situkulwane sesine. 17 Ekugcineni Jobe wafa ngemuva kwesikhatsi lesidze, futsi sekanetisekile ngekuphila.*
Kungenteka lisho kutsi “Umuntfu Lowenyanywako.”
Nobe “Beyingasoleki futsi imsulwa.”
NgesiHebheru kutsi, “tipani letingu-500 tetinkhomo.”
NgesiHebheru kutsi, “netimbongolo letinsikati.”
NgesiHebheru kutsi, “emadvodzana aNkulunkulu angene.”
NgesiHebheru kutsi, “Inhlitiyo yakho uyibekile yini kuJobe?”
Nobe “Akasoleki futsi umsulwa.”
NgesiHebheru kutsi, “ebusweni bakho.”
Nobe “ngikubeka ngaphansi kwakho.”
NgesiHebheru kutsi, “ebusweni baNkulunkulu.”
Kungaphindze kubekwe ngekutsi, “Kwehle umbane.”
NgesiHebheru kutsi, “emadvodzana aNkulunkulu angene.”
NgesiHebheru kutsi, “Inhlitiyo yakho uyibekile yini kuJobe?”
Nobe “Akasoleki futsi umsulwa.”
NgesiHebheru kutsi, “ngimcotfule.”
NgesiHebheru kutsi, “ebusweni bakho.”
Nobe “Ngimbeka ngaphansi kwakho.”
NgesiHebheru kutsi, “ebusweni baNkulunkulu.”
Nobe “ngetilondza letibuhlungu.”
NgesiHebheru kutsi, “akazange one ngemlomo wakhe.”
Nobe “Bantfu labatsatfu labati Jobe.”
NgesiHebheru kutsi, “wacalekisa lilanga lakhe.”
Nobe “bumnyama nelitfunti lekufa.”
NgesiHebheru kutsi, “Leviyathani.”
Kungaphindze kubekwe ngekutsi, “Labatakhela tindzawo letingasahlali muntfu.”
Nobe “netiphatsimandla letisesigabeni lesisetulu.”
NgesiHebheru kutsi, “loyendzako.”
NgesiHebheru kutsi, “sewucobekile.”
NgesiHebheru kutsi, “labalima lokubi.”
Nobe “emabhubesi lasemancane lanemdlonga.”
Nobe “Kunemuntfu longumoya lowendlule.” Fundza Tinchazelo Temagama.
Nobe “nasetitfunyweni.”
NgesiHebheru kutsi, “Ngubani nje kulabangcwele.”
Nobe “ematje atawuba nesivumelwane nawe.”
NgesiHebheru kutsi, “linekuthula.”
Nobe “tibulima, tiyinkhulumo lenebudlabha.”
Nobe “Imbongolo yesiganga.” Loluhlobo lwembongolo alufuywa futsi luhlala esigangeni.
Nobe “ngingenta umphefumulo wami uchubeke uphila.”
Nobe “lutsandvo lolucotfo.”
Nobe “Ticumbi tebantfu labasuka eSheba.”
NgesiHebheru kutsi, “ngikhululwe.”
Nobe “nishintjiselane.”
Nobe “kudzabuke kusa.”
NgesiHebheru kutsi, “likubone lokuhle.”
Nobe “eShiyoli,” lokusho lithuna lebantfu. Fundza Tinchazelo Temagama.
NgesiHebheru kutsi, “emoyeni.”
NgesiHebheru kutsi, “ematsambo ami angaba njena.”
NgesiHebheru kutsi, “ubeke inhlitiyo yakho kuye?”
NgesiHebheru kutsi, “uwanikela ekungalalelini kwawo.”
Nobe “bekatawusukuma ngenca yakho.”
NgesiHebheru kutsi, “Tikhiphe emavi lasenhlitiyweni yato?”
Fundza Tinchazelo Temagama.
NgesiHebheru kutsi, “Nguleti tindlela letitfolwa.”
Nobe “lesihlubuki.”
Nobe “Sifuna indlu ematjeni.”
Nobe “singagwinywa.”
Nobe “lesitawunyamalala ngayo.”
Nobe “bangasoleki.”
NgesiHebheru kutsi, “ababambe sandla.”
Nobe “kumyisa enkantolo.”
NgesiHebheru kutsi, “Uhlakaniphile enhlitiyweni.”
Nobe “Ususa.”
Kungenteka kusho sicumbi setinkhanyeti lokutsiwa liBhele Lelikhulu.
Kungenteka kusho sicumbi setinkhanyeti lokutsiwa yi-Orion.
Kungenteka kusho tinkhanyeti lokutsiwa yi-Pleiades letisekhatsi esicunjini setinkhanyeti lokutsiwa yi-Taurus.
Kungenteka kusho silwane saselwandle.
Kungaphindze kubekwe ngekutsi, “kumuntfu lengimelene naye emtsetfweni.”
NgesiHebheru kutsi, “longangihlalisa phansi?”
Nobe “bengimsulwa.”
NgesiHebheru kutsi, “angiketsembeki.”
Nobe “Ngisho nobe ngimsulwa.”
Nobe “Angiyifuni.”
Nobe “labagcina bucotfo.”
NgesiHebheru kutsi, “buso bebehluleli.”
NgesiHebheru kutsi, “ngimubi.”
NgesiHebheru kutsi, “Nalongabeka sandla sakhe kitsi.”
NgesiHebheru kutsi, “Nakangasusa indvuku yakhe kimi.”
NgesiHebheru kutsi, “wangicinisa njengashizi,” lokusho lubisi lolunelulata.
Nobe “lutsandvo lolucotfo.”
Nobe “umoya wami.”
NgesiHebheru kutsi, “Letintfo utifihle enhlitiyweni yakho.”
NgesiHebheru kutsi, “liso lelingibonako.”
Nobe “ngijabule sikhashana.”
Nobe “yebumnyama nelitfunti lekufa.”
Nobe “kukhulumela futsi.”
Nobe “ungawucondza yini umkhawulo waSomandla?”
Nobe “kuneShiyoli,” lokusho lithuna lebantfu. Fundza Tinchazelo Temagama.
Nobe “Imbongolo yesiganga.” Loluhlobo lwembongolo alufuywa futsi luhlala esigangeni.
Nobe “imbongolo italwa ingumuntfu.”
Nobe “Kufa kwemphefumulo.”
NgesiHebheru kutsi, “nginenhlitiyo.”
Kungaphindze kubekwe ngekutsi, “Khuluma netintfo.”
Nobe “nemoya.”
NgesiHebheru kutsi, “kwayo yonkhe inyama.”
NgesiHebheru kutsi, “nelwanga.”
NgesiHebheru kutsi, “Utsambisa libhande lalabanemandla.”
NgesiHebheru kutsi, “inhlitiyo.”
NgesiHebheru kutsi, “emavi etindzebe tami.”
Nobe “Nitawukhetsa kusekela yena yini.”
NgesiHebheru kutsi, “Emahawu.”
NgesiHebheru kutsi, “Kungani ngibamba inyama yami ngematinyo?”
Nobe “Ngitawutivikela.”
Nobe “sihlubuki lesingasondzela.”
Kungaphindze kubekwe ngekutsi, “Nakakhona, ngitawubindza ngife.”
NgesiHebheru kutsi, “Uvalela tinyawo tami esitokisini.” Fundza Tinchazelo Temagama.
Kungenteka kutsi lomuntfu lokukhulunywa ngaye lapha nguJobe.
Nobe “kukhatsateka.”
Kungaphindze kubekwe ngekutsi, “uyajutjwa.”
NgesiHebheru kutsi, “ungiletsa.”
Nobe “umletsa enkantolo kute ummangalele.”
Nobe “eShiyoli,” lokusho lithuna lebantfu. Fundza Tinchazelo Temagama.
Lokusho kutsi nangisasethuneni.
Nobe “Utawufisa.”
NgesiHebheru kutsi, “usebentisa intfo yekunamatsisela kute uvalele tono tami.”
Nobe “ngemoya wasemphumalanga,” lokusho umoya loshisa kakhulu lochamuka ehlane uye emphumalanga.
Nobe “sono sakho sicecesha umlomo wakho.”
NgesiHebheru kutsi, “akabetsembi labangcwele bakhe.”
NgesiHebheru kutsi, “nesinkhwa.”
Nobe “kwehlulekisa Somandla.”
Kukhuluphala lapha kusetjentiswe njengeluphawu lwekuphumelela, lwekuba nenala nelwekutigcabha.
Lokusho, kuphelelwa litsemba.
NgesiHebheru kutsi, “wakhe.”
Nobe “letihlubuki.”
Nobe “langumoya.”
Nobe “labo labatihlanganisa nami.”
NgesiHebheru kutsi, “Ucucudza ematinyo.”
Nobe “litfunti lekufa.”
Kungaphindze kubekwe ngekutsi, “liso lami lingalali, libuke Nkulunkulu.”
NgesiHebheru kutsi, “saga kubantfu.”
Nobe “labatihlubuki.”
Nobe “iShiyoli,” lokusho lithuna lebantfu. Fundza Tinchazelo Temagama.
Nobe “lithuna.”
Lokusho, litsemba lami.
Nobe “eShiyoli,” lokusho lithuna lebantfu. Fundza Tinchazelo Temagama.
Kungaphindze kubekwe ngekutsi, “singcolile.”
Nobe “achute.”
NgesiHebheru kutsi, “Litibulo lekufa lidla.”
NgesiHebheru kutsi, “aye enkhosini yetintfo letesabekako.”
NgesiHebheru kutsi, “Lokungasiko kwakhe kutawuhlala.”
NgesiHebheru kutsi, “ngeke asaba neligama emigwacweni.”
Nobe “endzaweni lahlala kuyo kwesikhashana.”
NgesiHebheru kutsi, “nicansula umphefumulo wami.” Fundza Tinchazelo Temagama.
Nobe “ningetfuka.”
Nobe “Tihlobo tami atisekho.”
NgesiHebheru kutsi, “sengiwanukela kabi emadvodzana esisu sami,” lokusho sisu lengaphuma kuso (sisu samake).
NgesiHebheru kutsi, “Futsi ningeneliswa yinyama yami?”
Nobe “umtsengi.”
NgesiHebheru kutsi, “etikwelutfuli.”
Nobe “bantfu; Adamu.”
Nobe “kwesihlubuki.”
NgesiHebheru kutsi, “angeke atimite.”
NgesiHebheru kutsi, “Yena.”
NgesiHebheru kutsi, “yakhe.”
NgesiHebheru kutsi, “umoya wami bewungeke yini uhlutfuke?”
Nobe “babe nemandla?”
Nobe “eShiyoli,” lokusho lithuna lebantfu. Fundza Tinchazelo Temagama.
Nobe “ngekushesha,” lokusho kutsi basheshe bafe futsi bangabuva nebuhlungu.
Nobe “kutawuhhafulwa.”
Nobe “longamfundzisa lutfo Nkulunkulu.”
Nobe “anelusizi emphefumulweni.”
Kungaphindze kubekwe ngekutsi, “ekungilimata.”
NgesiHebheru kutsi, “lokutimphawu labatibonile.”
NgesiHebheru kutsi, “Futsi utawudvonsa bonkhe bantfu kute bamlandzele.”
Nobe “Somandla kuyamjabulisa yini kutsi.”
NgesiHebheru kutsi, “ukhumula labangcunu timphahla tabo.”
NgesiHebheru kutsi, “titsiyo tetinyoni.”
NgesiHebheru kutsi, “endzaweni lesetulu ezulwini.”
Nobe “Kuphila kwabo kwancanyulwa.”
NgesiHebheru kutsi, “nemfula.”
Nobe “lucetu lweligolide.”
Fundza Tinchazelo Temagama.
Nobe “lucetu lweligolide.”
Nobe “lonemehlo labuke phansi.”
Nobe “kukhala kwami kunekuvukela ekhatsi.”
Nobe “lebengitjelwe kona.”
Nobe “lancume.”
Nobe “timbongolo tesiganga.” Loluhlobo lwembongolo alufuywa futsi luhlala esigangeni.
Kungaphindze kubekwe ngekutsi, “bavune kudla kwemfuyo ensimini.”
Kungaphindze kubekwe ngekutsi, “Bagcobagcoba imincumo emaweni langasetindvongeni tematje.”
Kungaphindze kubekwe ngekutsi, “kute Nkulunkulu lambeka licala.”
NgesiHebheru kutsi, “bagubha bangene.”
NgesiHebheru kutsi, “Umuntfu lowenta lokubi uyantanta etikwemanti.”
Nobe “IShiyoli,” lokusho lithuna lebantfu. Fundza Tinchazelo Temagama.
NgesiHebheru kutsi, “Sibeletfo.”
NgesiHebheru kutsi, “Yena.”
NgesiHebheru kutsi, “Yena.”
NgesiHebheru kutsi, “tindlela tabo.”
NgesiHebheru kutsi, “endzaweni yakhe lephakeme.”
Nobe “ahlanteke.”
Nobe “kucondza.”
NgesiHebheru kutsi, “Wabani lomoya lophume kuwe?”
NgesiHebheru kutsi, “labete emandla ekufeni.”
NgesiHebheru kutsi, “Yena.”
Nobe “lokuseShiyoli,” lokusho lithuna lebantfu. Fundza Tinchazelo Temagama.
Nobe “leku-Abhadoni.”
NgesiHebheru kutsi, “inyakatfo.”
NgesiHebheru kutsi, “eteni.”
NgesiHebheru kutsi, “Udvweba indingilizi.”
NgesiHebheru kutsi, “Rahabi.”
Nobe “Ngemoya wakhe.”
Nobe “leshimpilikako.”
Nobe “ngingakabushiyi; ngilondvolota.”
Nobe “ingihluphe.”
Nobe “nangisaphila.”
Nobe “losihlubuki.”
Kungaphindze kubekwe ngekutsi, “ngesandla saNkulunkulu.”
Kungaphindze kubekwe ngekutsi, “Batawushaya tandla bamhleke bulima futsi bamshayele inkwela basendzaweni yabo.”
NgesiHebheru kutsi, “litfululwa.”
Kungenteka kusho tintfo letentiwa emayini.
Lana ematje laligugu asho emakhorali. Fundza Tinchazelo Temagama.
NgesiHebheru kutsi, “sisindvo sawo.”
NgesiHebheru kutsi, “Ngemalanga ebusha.”
Nobe “netinceku tami tisaphila.”
NgesiHebheru kutsi, “angibhacele.”
NgesiHebheru kutsi, “Kulunga ngangikwente kwaba sembatfo sami.”
NgesiHebheru kutsi, “Kulunga kwami kwakufana nesembatfo sami kanye nemshuculo wami.”
NgesiHebheru kutsi, “esidlekeni sami.”
NgesiHebheru kutsi, “abentfontsa.”
Kungaphindze kubekwe ngekutsi, “Bebangayicedzi injabulo lebeyisebusweni bami.”
Fundza Tinchazelo Temagama.
NgesiHebheru kutsi, “Behlelwe tinhlupheko.”
NgesiHebheru kutsi, “utsambise intsambo yami yemcibisholo.”
Nobe “Balahla litomu.”
Kungaphindze kubekwe ngekutsi, “Kube kute lotawubasita.”
NgesiHebheru kutsi, “ematsambo ami ayabhoboseka.”
Kungaphindze kubekwe ngekutsi, “Buhlungu bami lobukhulu bungenta ngesabeke.”
Kungaphindze kubekwe ngekutsi, “ungibhubhisa ngemoya lomkhulu.”
NgesiHebheru kutsi, “indvundvuma yetindzala.”
Nobe “labanelilanga lelimatima?”
NgesiNgisi kutsiwa yi-Ostrich.
Kungaphindze kubekwe ngekutsi, “yemkhuhlane.”
Kungaphindze kubekwe ngekutsi, “Ngikile yini ngahamba nemadvodza lakhuluma emanga?”
Nobe “intalelwane yami ayisuswe.”
NgesiHebheru kutsi, “lamanye emadvodza akaguce etikwakhe.”
NgesiHebheru kutsi, “loshwabadzela kube khona imbhubhiso.”
Nobe “Natingibeka licala.”
Nobe “sisengakatalwa.”
NgesiHebheru kutsi, “nangabe bengenta emehlo emfelokati angasaboni.”
NgesiHebheru kutsi, “kusukela esiswini samake.”
Kungaphindze kubekwe ngekutsi, “Nangibona kutsi kunalabangisekelako esangweni lelidolobha.”
Nobe “siphanga sami singakhumuka.”
Nobe “elungeni; etsanjeni lelingenhla.”
Kungenteka kutsi lena bekuyindlela yekukhonta tithico.
NgesiHebheru kutsi, “yinyama yakaJobe.”
Nobe “umchamuki.”
Nobe “Nalu luphawu lwesicinisekiso sami.”
Nobe “abetibona alungile emehlweni akhe.”
NgesiHebheru kutsi, “ngimncane ngemalanga.”
NgesiHebheru kutsi, “labanemalanga.”
Nobe “Emalanga lamanyenti awodvwa akamenti.”
Nobe “kwekhuta Jobe.”
Nobe “lengitamnika sicu.”
NgesiHebheru kutsi, “Lulwimi lwami nelwanga kufanele kukhulume.”
NgesiHebheru kutsi, “Uvalela tinyawo tami esitokisini.” Fundza Tinchazelo Temagama.
NgesiHebheru kutsi, “Abeke luphawu emiyalweni labanika yona.”
Nobe “ethuneni.”
Nobe “ngesikhali.”
NgesiHebheru kutsi, “kuphila kwakhe kuze kwenyanye.”
Nobe “umphefumulo wakhe wale.”
Nobe “ahlale ebaleni.”
Nobe “Umphefumulo wakhe usondzela.”
Nobe “ethuneni.”
Nobe “ingilosi.”
Nobe “ethuneni.”
NgesiHebheru kutsi, “Inyama yakhe ayibe yinsha kuneyemntfwana.”
NgesiHebheru kutsi, “utawuhlabelela.”
Kungaphindze kubekwe ngekutsi, “Futsi akuzange kungizuzise.”
Nobe “Usindzise umphefumulo wami.”
Nobe “ethuneni.”
Nobe “akhulule umphefumulo wakhe.”
NgesiHebheru kutsi, “nelwanga.”
NgesiHebheru kutsi, “Lonatsa kwetfukwa kube shengatsi unatsa emanti?”
NgesiHebheru kutsi, “lanenhlitiyo.”
Nobe “umhlaba lokuhlalwa kuwo.”
NgesiHebheru kutsi, “Yonkhe inyama beyitakufa.”
Nobe “bahlonishwa abasincono kunalabaphansi.”
Nobe “losihlubuki.”
NgesiHebheru kutsi, “labanenhlitiyo.”
Kungaphindze kubekwe ngekutsi, “Babe, shengatsi Jobe angavivinywa.”
Kungenteka kutsi, “Kumsita ngani Nkulunkulu?”
NgesiHebheru kutsi, “nabacindzetelwe ngumkhono walabanemandla.”
Nobe “locala emanga.”
Nobe “Emandla akhe enhlitiyo makhulu.”
Kungaphindze kubekwe ngekutsi, “Ubeka emakhosi.”
Nobe “ngesikhali.”
Nobe “labatihlubuki.”
Nobe “Umphefumulo wabo ufa.”
Kungaphindze kubekwe ngekutsi, “bakucedza.”
NgesiHebheru kutsi, “Yena.”
Nobe “ushaye tandla ngekwedzelela.”
Kungaphindze kubekwe ngekutsi, “loyikhulume kabi; lombute.”
Nobe “ayiphenyeki.”
NgesiHebheru kutsi, “edlangaleni lakhe.”
NgesiHebheru kutsi, “ukusakata njani kukhanya.”
NgesiHebheru kutsi, “timphandze tekujula.”
Kungaphindze kubekwe ngekutsi, “umelela.”
Kungaphindze kubekwe ngekutsi, “yini letako.”
NgesiHebheru kutsi, “uvala tandla tabo bonkhe bantfu.”
Nobe “emhlabeni lokhicitako.”
Nobe “uwayala.”
Lokusho, kukhanya kwelilanga.
NgesiHebheru kutsi, “bahlakaniphile enhlitiyweni.”
NgesiHebheru kutsi, “nawo onkhe emadvodzana aNkulunkulu.”
Nobe “ngiluphutsela.”
NgesiHebheru kutsi, “Emalangeni akho.”
NgesiHebheru kutsi, “Imikhono yabo lephakeme iyephulwa.”
Nobe “elitfunti lekufa.”
NgesiHebheru kutsi, “emalanga akho manyenti.”
Kungaphindze kubekwe ngekutsi, “Umbane usuka.”
Kungenteka kutsi tinkhanyeti lokutsiwa yi-Pleiades letisekhatsi esicunjini setinkhanyeti lokutsiwa yi-Taurus.
Kungenteka kutsi sicumbi setinkhanyeti lokutsiwa yi-Orion.
NgesiHebheru kutsi, “seMazarothi.”
Kungenteka kusho sicumbi setinkhanyeti lokutsiwa liBhele Lelikhulu.
Kungaphindze kubekwe ngekutsi, “laKhe.”
Kungaphindze kubekwe ngekutsi, “umuntfu wahlakanipha.”
Nobe “imbongolo yesiganga.” Loluhlobo lwembongolo alufuywa futsi luhlala esigangeni.
Nobe “emkhombeni wakho.”
NgesiNgisi kutsiwa yi-Ostrich.
NgesiHebheru kutsi, “uyente yakhohlwa.”
NgesiHebheru kutsi, “kuyokulwa.”
NgesiHebheru kutsi, “etinyweni lelidvwala.”
NgesiHebheru kutsi, “Ubophele buso babo.”
Nobe “ngitakudvumisa.”
Kungenteka kutsi nguBhehemothi.
NgesiHebheru kutsi, “yekucala.”
Tatiwa ngekutsi ngema-poplar aseYufrathe.
Nobe “tasesigodzini.”
NgesiHebheru kutsi, “ayitsiye.”
NgesiHebheru kutsi, “Leviyathani.”
NgesiHebheru kutsi, “Ungabufaka yini tjani.”
NgesiHebheru kutsi, “ngelinyeva.”
Nobe “uwele phansi.”
NgesiHebheru kutsi, “iminyango yebuso bayo.”
Kungaphindze kubekwe ngekutsi, “Ligcabho layo yimigca lemazengezenge.”
Nobe “ngiwagwinya emavi ami.”
NgesiHebheru kutsi, “ngitawuphakamisa buso bakhe.”
NgesiHebheru kutsi, “Jehova wamkhulula Jobe ekutfunjweni.”
NgesiHebheru kutsi, “tipani letingu-1 000 tetinkhomo.”
NgesiHebheru kutsi, “sekamdzala futsi sekanemalanga lamanyenti.”