UMBUTO 2
Ungafundza njani ngaNkulunkulu?
“Lencwadzi yeMtsetfo akukafaneli isuke emlonyeni wakho, futsi ubocabangisisa ngayo imini nebusuku kuze ukugcine ngekucophelela konkhe lokubhalwe kuyo. Nawenta njalo, utawuphumelela futsi utawenta tintfo ngekuhlakanipha.”
“Bachubeka bafundza lencwadzi yeMtsetfo waNkulunkulu weliciniso ngelivi lelivakalako, bawuchaza kahle futsi bacacisa kutsi loko bekufundvwa kusho kutsini; ngaleyo ndlela basita bantfu kutsi bakucondze loko bekushiwo ngulencwadzi.”
“Uyajabula umuntfu longasilaleli seluleko salababi, . . . Kodvwa ujabula kakhulu ngemtsetfo waJehova, futsi ucabangisisa ngawo imini nebusuku . . . Konkhe lakwentako kutawuphumelela.”
“Filiphu wagijima eceleni kwalenkalishi, weva lendvuna ifundza incwadzi yemphrofethi Isaya ngelivi lelivakalako, wase utsi kuyo: ‘Uyakucondza yini loku lokufundzako?’ Yona yatsi: ‘Ngingakucondza njani nangabe kute umuntfu longichazelako?’”
“Nanobe Nkulunkulu angabonakali, kepha kusukela ekudalweni kwelive kuchubeke, bantfu bakhonile kuwabona emandla akhe langapheli, babona nekutsi vele unguNkulunkulu, ngobe loku kuyabonakala etintfweni latidalile, ngako-ke bete taba.”
“Cabangisisa ngaletintfo, utinikele kuto, kuze intfutfuko yakho itobonakala kahle kubo bonkhe bantfu.”
“Asinakaneni kuze sikhutsatane elutsandvweni nasemisebentini lemihle, singakuyekeli kuhlangana kwetfu ndzawonye.”
“Nangabe lomunye wenu eswele kuhlakanipha, akachubeke akucela kuNkulunkulu futsi utawuphiwa kona, ngobe bonkhe ubapha ngesandla lesivulekile.”