UMBUTO 10
LiBhayibheli lisetsembisani ngelikusasa?
“Labalungile batawudla lifa lemhlaba, futsi bahlale kuwo kuze kube phakadze.”
“Umhlaba utawuhlala ukhona kuze kube phakadze.”
“Uyawugwinya kufa kuze kube phakadze, futsi iNkhosi Lephakeme Jehova iyawusula tinyembeti kubo bonkhe buso.”
“Ngaleso sikhatsi, emehlo alabangaboni ayawuvuleka, netindlebe talabangeva tiyawuvuleka. Ngaleso sikhatsi, labachutako bayawugcumagcuma njengenyamatane, nelulwimi lwalabangakhulumi luyawumemeta ngenjabulo. Ngobe kuyawuphuma emanti ehlane, kube nemifudlana endzaweni lebekile lelugwadvule.”
“Uyakwesula tonkhe tinyembeti emehlweni abo, kufa ngeke kusaba khona, futsi kulila, nekukhala kanye nebuhlungu ngeke kusaba khona. Tintfo letindzala setendlulile.”
“Bayawukwakha tindlu bahlale kuto, bayawuhlanyela emasimu emagilebisi, badle titselo tawo. Angeke bakhe bese kuhlala lomunye, futsi angeke bahlanyele bese kudla lomunye. Ngobe emalanga ebantfu bami ayawuba njengemalanga esihlahla, futsi umsebenti wetandla tebantfu bami lengibakhetsile uyawubajabulisa kakhulu.
”