Setfulo

LENA yincwadzi lenetindzaba letiliciniso. Titsetfwe encwadzini lebaluleke kakhulu kunato tonkhe emhlabeni, liBhayibheli. Letindzaba tikucocela ngemlandvo wemhlaba kusukela lapho Nkulunkulu acala kuwudala, kuze kube ngulamuhla. Tiphindze tikucocele ngaloko Nkulunkulu latsembisa kukwenta esikhatsini lesitako.

Lencwadzi ikutjela loko liBhayibheli lelikhuluma ngako. Ikucocela ngebantfu lokukhulunywa ngabo eBhayibhelini nangetintfo labatenta. Iphindze ikhulume ngelitsemba lekuphila phakadze emhlabeni lolipharadisi lelo Nkulunkulu lataliniketa bantfu.

Kunetindzaba letingu-116 kulencwadzi. Tihlukaniswe taba tincenye letisiphohlongo. Incenye ngayinye inelikhasi ekucaleni lelisitjela kafishane ngaloko lokutfolakala kuyo. Letindzaba tibhalwe ngendlela letenteka ngayo esikhatsini sakadzeni, futsi loku kutakusita ufundze kutsi tenteka nini.

Letindzaba tibhalwe ngelulwimi lolumelula. Linyenti lenu nine labancane, litawukwati kutifundzela tona. Nine batali, nitawutfola kutsi kufundzela bantfwana benu labasebancane ngaso sonkhe sikhatsi letindzaba, kuyobajabulisa. Nitawuphindze nitfole kutsi lencwadzi icoca ngetintfo letijabulisako kulabadzala, nalabancane.

Emavesi eliBhayibheli abhalwe ekugcineni kwendzaba ngayinye. Niyakhutsatwa kutsi niyifundze lemiBhalo yeliBhayibheli lapho letindzaba titsetfwe khona. Nasewucedzile kufundza indzaba, buketa nemibuto yaleyondzaba letfolakala ngemuva kweNdzaba 116 bese wetama kukhumbula timphendvulo.