Sigogo Lesingemuva

MNDENI uyintfo lesekunesikhatsi lesidze ikhona, kodvwa lamuhla usenkingeni lenkhulu. Kwandza lokwesabekako kwebantfu labasha labadla tidzakamiva futsi labatiphatsa kabi, linani lelikhulu ledivosi nebudlova basekhaya, kwandza kwemindeni lenemtali lokhulisa bantfwana ayedvwa, kanye naletinye tinkinga letinkhulu tenta bantfu batibute kutsi kutawuke kujabulise yini kuphila kwemndeni.

Kusengenteka yini kutsi umndeni ube yindzawo lekahle lenakekela, ivikele futsi ikhutsate emalunga awo? Yebo, loko kungenteka nangabe emalunga emndeni ayati indlela lokunguyonayona yekutfola injabulo emndenini. Lendlela ayisiyo imfihlo. Seyike yasetjentiswa futsi iye yatfolakala iphumelela iminyaka leminyenti. Iyini lendlela? Lencwadzi letsi: Indlela Yekutfola Injabulo Emndenini, isiniketa imphendvulo. Iphindze isinikete netibonelo letisebentako tekutsi ‘lendlela’ ingasisita njani kute sicatulule tinkinga temndeni letimatima. Ukhona yini umuntfu lamuhla longakudzingi lokwatiswa?