Iyini Intsandvo YaNkulunkulu?

Nkulunkulu ufuna siphile phakadze ngekuthula nangenjabulo emhlabeni lolipharadisi.

Ungase utibute: ‘Kungenteka njani loko?’ LiBhayibheli litsi uMbuso waNkulunkulu utawukwenta loko, futsi kuyintsandvo yaNkulunkulu kutsi bonkhe bantfu bafundze ngaloMbuso nangenjongo yakhe ngatsi.​—Tihlabelelo 37:11, 29; Isaya 9:7.

Nkulunkulu ufuna sizuze.

Njengobe nababe lonelutsandvo abafisela lokuhle bantfwana bakhe, naBabe wetfu wasezulwini ufisa kutsi sijabule phakadze. (Isaya 48:17, 18) Wetsembise kutsi “loyo lowenta intsandvo yaNkulunkulu, uyawuphila kuze kube phakadze.”​—1 Johane 2:17.

Nkulunkulu ufuna sihambe etindleleni takhe.

LiBhayibheli litsi uMdali wetfu ufuna ‘kusifundzisa tindlela takhe’ khona “sitewuhamba emikhondvweni yakhe.” (Isaya 2:2, 3) Uhlele ‘sive sakhe’ kute sente intsandvo yakhe yatiwe emhlabeni wonkhe.​—Imisebenti 15:14.

Nkulunkulu ufuna sibe nebunye nasimkhonta.

Kunekutsi kuhlukanise bantfu, kukhonta Jehova lokumsulwa kubenta babe nelutsandvo lolucotfo. (Johane 13:35) Bobani lamuhla labafundzisa bonkhe bantfu indlela yekukhonta Nkulunkulu ngebunye? Sicela utfole imphendvulo kulencwajana.