Siphetfo

Kuke kwenteke yini ukhumbule tikhatsi letimnandzi lebewunato nebantfu baJehova, lokungahlanganisa umhlangano welibandla lokhutsatako, umhlangano wesifundza lowakujabulisa, lokuhlangenwe nako lokumnandzi kwasensimini, nobe inconciswano lemnandzi lowaba nayo nemzalwane? Usengakamkhohlwa Jehova futsi naye akakukhohlwa. Ngelutsandvo ukhumbula umsebenti lowamentela wona ngekwetsembeka. Ngetulu kwaloko uyakulangatelela kukusita ubuyele kuye.

Jehova utsi: “Mine ngekwami ngitatifunela letimvu tami, ngitelusele. Njengemelusi nakeluse umhlambi wetimvu takhe losakatekile, nakanato, kanjalo nami ngiyawutelusela timvu tami. Ngiyawutephula kuto tonkhe tindzawo lapho tisakatelwe khona.”​—Hezekeli 34:11, 12.