Kubuketwa KweSikolwa Semsebenti WemaKhristu

Lemibuto lelandzelako itawudzingidvwa eSikolweni Semsebenti WemaKhristu ngeliviki lelicala nga-August 30, 2010. Umbonisi wesikolwa utawuchuba kubuketa kwemizuzu lengu-20 lokusekelwe ekwatisweni kwetabelo teliviki la-July 5 kuya ku-August 30, 2010.

1. Kuzindla ngemthantazo waSolomoni wekunikela lithempeli kungakukhulisa njani kubonga kwetfu ngebuntfu baJehova? (1 Khos. 8:22-53) [w05-ZU 7/1 likh. 30 sig. 3; it-2-E likh. 989 sig. 4]

2. Kungani kungatsiwa Davide wahamba embikwaJehova “ngebucotfo benhlitiyo,” nanobe enta emaphutsa lamanyenti? (1 Khos. 9:4) [w97-ZU 5/1 likh. 5 tig. 1-2]

3. Kungani indlovukati yaseSheba yatsi ngaSolomoni: “Maye, tiyajabula tindvuna takakho letihlala njalo time lapha embikwakho tilalele lokuhlakanipha kwakho”? (1 Khos. 10:4-8) [w99-ZU 11/1 likh. 20 tig. 5-7]

4. Yini lesingaphetsa ngayo endzabeni yekutsi Jehova wayala kutsi Ahiya angcwatjwe kahle? (1 Khos. 14:13) [cl-ZU likh. 244 sig. 11]

5. Yini lesiyicaphelako mayelana nesikhatsi Elija lavakashela ngaso Ahabi kwekucala? (1 Khos. 17:1) [w08-ZU 4/1 likh. 19, libhokisi]

6. Abesho kutsini Elija ngenkhulumo letsi “nidzayitela emkhatsini wemicondvo lemibili”? (1 Khos. 18:21) [w08-ZU 1/1 likh. 19 tig. 3-4]

7. Njengobe kuvetiwe endzabeni ya-Elija, Jehova uwasebentisela yiphi injongo emandla akhe macondzana netinceku takhe? (1 Khos. 19:1-12) [cl-ZU emakh. 42-43 tig. 15-16]

8. Kungani Nabhoti angazange avume kutsengisela Ahabi sivini sakhe, futsi ngusiphi sifundvo lesingasitfola kuloku lokwenteka? (1 Khos. 21:3) [w97-ZU 8/1 likh. 13 tig. 18-20]

9. Umfati waseShunemu ‘wangena njani kuyo yonkhe inhlupheko’ ngesizatfu sa-Elisha? (2 Khos. 4:13) [w97-ZU 10/1 likh. 30 tig. 6-8]

10. Kungani Elisha angasemukelanga sipho lebesivela kuNamani? (2 Khos. 5:15, 16) [w05-ZU 8/1 likh. 9 sig. 2]