Ikhalenda Ya-2011 Igcizelela Kukhonta Kwemndeni
Ikhalenda ya-2011 yaboFakazi BaJehova ikhuluma kakhulu ngeKukhonta Kwemndeni. Lekhalenda iveta imindeni yalamuhla kanye naleyo yangesikhatsi sekubhalwa kweliBhayibheli. Iphindze ivete tikhonti taJehova letishadile kanye naletingakashadi letitadisha liVi lakhe.
Bantfu lokukhulunywa ngabo eBhayibhelini labavetwe kulekhalenda bebajabula ngemtsetfo waJehova, futsi loku bekubalulekile kute bakwati kubeketelela tinsayeya letehlukehlukene labebahlangabetana nato. (Hla. 1:2, 3) Nasinakisisa sitfombe ngasinye, sitakubona kubaluleka kweKukhonta Kwemndeni, ngisho nobe sisemndenini lomkhulu nobe lomncane, lokhonta Nkulunkulu ndzawonye nobe lowehlukene ngekwenkholo. Kulekhalenda, kunesikhala sekutsi nibhale lilanga umndeni wenu lolibekele Kukhonta Kwemndeni. Senisigcwalisile yini?