Timemetelo

◼ Sipho sa-February: “Imfihlo Yenjabulo Yomkhaya.” March: Lifundzisani Mbambambamba LiBhayibheli? April na-May: Bomagazini Sicongosekulindza kanye ne-“Phaphama!”

◼ Sihloko senkhulumo yelinyenti lekhetsekile yangesikhatsi seSikhumbuto sa-2011 sitsi “Timiso TeliBhayibheli—Tingasisita Yini Kutsi Sibeketelele Tinkinga Talamuhla?”

◼ Kute imihlangano lokufanele ibanjwe ngeLisontfo la-April 17, lokulilanga leSikhumbuto, ngephandle kwemihlangano yenkonzo yasensimini. Emabandla laba nemihlangano ngalelo langa angase ayishintjele kulelinye lilanga, ngalona lelo viki. Nangabe kunemabandla lamanyenti lahlanganyela liHholwa leMbuso futsi kungeke kukhonakale kutsi imihlangano ishintje, leyo mihlangano ingase ingabi khona. Etimeni letinjalo, imindeni ikhutsatwa kutsi ifundze sihloko se-Sicongosekulindza ekuKhonteni Kwemndeni kwakusihlwa.

◼ Labadzala bemabandla kufanele bacedzele tinhlelo temkhankaso wensimi lengakabelwa lotawuba nga-March, April, kanye na-May, 2011. Sicela niciniseke kutsi libandla linetincwadzi letenele, futsi lichazelwe kahle ngemalanga lakhetsiwe, insimi letawusetjentwa, tindzawo tekulala kanye nentfo yekuhamba lehleliwe. Emabandla langeke ahlanganyele kulomkhankaso kufanele asebente insimi lengasetjentwa njalo.