Timemetelo
◼ Sipho sa-April na-May: Bomagazini Sicongosekulindza kanye ne-“Phaphama.” June: Lifundzisani Mbambambamba LiBhayibheli? July na-August: Ungaba Ngumngani WaNkulunkulu! kanye naletsi Indlela Leya Ekuphileni Lokuphakadze Sewuyitfolile Yini? nobe nihambise nome nguyiphi incwajana yekusetjentiswa ensimini libandla lelinayo esitokweni.
◼ Kusukela ngenyanga ya-May, onkhe emabandla kufanele asebentise uMgcibelo wekucala inyanga ngayinye kute acalise tifundvo teliBhayibheli. Sici se-Sicongosekulindza lesitsi “Fundza Evini LaNkulunkulu” silungiselelwe kusita bamemeteli kuloku. Likhasi lekugcina le-Msebenti Wetfu WeMbuso litawuba netinshumayelo letingasetjentiswa enyangeni lelandzelako lokufaka ekhatsi inshumayelo yekucalisa sifundvo seliBhayibheli ngeMgcibelo wekucala.
◼ Nawushumayela umuntfu lokhuluma siShayina, mkhombise incwajana letsi “Nations” lapho kutfolakala khona siShayina (Semdzabu) (CH) kanye neSishayina (Lesentiwe Saba Melula) (CHS) kute ubone kutsi yena ufuna kufundza luphi. Ngalokuvamile bantfu lababuya e-Hong Kong nobe e-Taiwan banconota kufundza tincwadzi letibhalwe ngesiShayina (Semdzabu) (CH), kantsi lababuya e-China ngalokuvamile banconota (Lesentiwe Saba Melula) (CHS). Endzabeni yema-video nobe tincwadzi letitsetjuliwe, cale ucabangele kutsi loyo muntfu ukhuluma aphindze eve luphi lulwimi kancono. Kuyimvamisa kutsi bantfu lababuya e-China kanye nase-Taiwan beve kahle siShayina (Mandarin) (CHM) kantsi lababuya e-Hong Kong bona beva kahle (si-Cantonese) (CHC). Sicela nitfumele imininingwane yebantfu labanesifiso sekufundzelwa ngesiShayina ebandleni nobe ecenjini lesiShayina lelisedvute nani nobe ehhovisini leligatja.
◼ Labadzala bacelwa kutsi babukete incwadzi ya-May 23, 2010, leyabhalelwa tonkhe tigungu talabadzala futsi bente imetamo lemikhulu yekumemela labapholile eSikhumbutweni nga-April 17.
◼ Tingoma letitawuhlatjelwa ngelilanga leSikhumbuto ngunati, ingoma 8 na-109. Kute nente lomhlangano lobalulekile ube sezingeni, kungaba kuhle kutsi nitiphrakthize letingoma emakhaya kusenesikhatsi.