Kubuketwa KweSikolwa Semsebenti WemaKhristu

Lemibuto lelandzelako itawudzingidvwa eSikolweni Semsebenti WemaKhristu ngeliviki lelicala nga-December 26, 2011.

1. Seluleko lesitfolakala kuTaga 30:32 singasisita njani kutsi singahlohlobeteli linyeva embili kumuntfu lokungenteka kutsi simkhubile? [w87-ZU 5/15 likh. 30 sig. 11]

2. Nguyiphi ‘injabulo’ leshiya umuntfu angakenetiseki? (Shu. 2:1) [g-ZU 4/06 likh. 6 tig. 1-2]

3. Nanobe bantfu batsi emavi aSolomoni lakumShumayeli 3:1-9 asekela inkholelo yekuncunyelwa kusengembili, lakubhala kumShumayeli 9:11 kuyicacisa njani lendzaba yekutsi konkhe lokwentekako ekuphileni kusuke kungakancunywa kusengembili? [w09-ZU 3/1 likh. 4 sig. 4]

4. Nguyiphi ingoti lebangelwa kuba ‘ngulolunge kakhulu’? (Shu. 7:16) [w10 10/1 likh. 17 tig. 8-9]

5. Ingoma Yetingoma 2:7 isikhombisa njani kutsi labo labacabangela kushada basuke bahlakaniphile nabangabhudvuteli ekukhetseni umlingani wemshado? [w06-ZU 11/15 likh. 19 sig. 1; w80-E 4/15 likh. 19 sig. 7]

6. Kusifundzisani kutsi “tindzebe temlomo” wentfombi yaseShulami “tintfontsa kunongotela lokunjengekweluju lwetinyosi” nekutsi “lubisi neluju kungaphansi kwelulwimi” lwayo? (Ngo. 4:11) [w06-ZU 11/15 likh. 19 sig. 6]

7. Ticu taJesu letitsi ‘Meluleki Lomangalisako,’ ‘Nkulunkulu Lonemandla,’ kanye nalesitsi ‘Babe Waphakadze’ tisisita njani kutsi sicondze timfanelo takhe kanye nendlela latawubusa ngayo eveni lelisha? (Isa. 9:6) [w91-ZU 4/15 likh. 5 sig. 7]

8. Bobani lamuhla labafanana nesive saka-Israyeli “lesingenaNkulunkulu,” futsi bobani labatawuba ‘yindvuku’ yaJehova yekubhubhisa lesive? (Isa. 10:5, 6) [ip-1-ZU likh. 145 tig. 4-5; likh. 153 sig. 20]

9. Kungani siphawuleka siphrofetho sa-Isaya lesimayelana neBhabhulona lesitsi “kungeke kuphindze kuhlale muntfu kuyo,” futsi kugcwaliseka kwaso kusicinisekisa ngani lamuhla? (Isa. 13:19, 20) [g-ZU 11/07 likh. 9 tig. 4-5]

10. Jesu wasemukela nini “sikhiya sendlu yaDavide,” futsi bekasolo asisebentisa njani lesikhiya? (Isa. 22:22) [w09-ZU 1/15 likh. 31 sig. 2]