Timemetelo

◼ Sipho sa-February: Indlela Yekutfola Injabulo Emndenini March: Lifundzisana Mbambambamba LiBhayibheli? April: Ungaba Ngumngani WaNkulunkulu! kanye naletsi Indlela Leya Ekuphileni Lokuphakadze-Sewuyitfolile Yini? nome lenye incwajana lehanjiswako enkonzweni yasensimini lekhona esitokweni selibandla. May: Sicongosekulindza ne-“Phaphama!”

◼ Inkhulumo lekhetsekile letakwetfulwa ngemphelasontfo yangemuva kweSikhumbuto inesihloko lesitsi “Kuphela Sekusondzele Kakhulu Yini Kunendlela Locabanga Ngayo?”

◼ Nangabe uhlela kuvakashela live lelingatfolakali eluhlwini lwembiko waminyaka yonkhe nobe likheli lalo lingatfolakali ekhasini lekugcina leNcwadzi Yemnyaka, sicela utsintsane nelihhovisi leligatja kute utfole tecwayiso nome ticondziso letikhetsekile lokungadzingeka utilandzele. Kulelo live kungenteka kutsi umsebenti weMbuso uvinjelwe. (Mat. 10:16) Kuletinye tindzawo kungase kungancomeki kutsi tivakashi titsintsane naboFakazi BaJehova baleyondzawo nome emabandla. Ungatitfola naletinye ticondziso letimayelana nekufakaza ungakahleli nobe kuphatsa tincwadzi tetfu. Kubambisana natsi kulesicondziso kutawuvimbela tinkinga longahlangabetana nato nome temsebenti weMbuso eveni lolivakashelako.—1 Khor. 14:33, 40.

◼ Siyajabula kunibikela kutsi emaHholwa eMbuso lamatsatfu anikelwe. Libandla lase-Eerstegeluk nelase-Madibong eLimpopo, kanye nelibandla lase-Ebony Park eMidrand asandza kujabulela lesentakalo.