Timemetelo

◼ Sipho sa-March: Lifundzisani Mbambambamba LiBhayibheli? April: Ungaba Ngumgani WaNkulunkulu naletsi Indlela Leya Ekuphileni Lokuphakadze—Sewuyitfolile Yini? nome ngabe nguyiphi incwajana lehanjiswa ensimini leninayo esitokweni. May: Sicongosekulindza ne-“Phaphama!” June: Lifundzisani Mbambambamba LiBhayibheli?

◼ Sikhumbuto sitawuba ngaLesine, April 5, 2012. Nangabe libandla lenu liba nemihlangano ngaLesine, kufanele niyichube ngalelinye lilanga kuleloviki nangabe liHholwa leMbuso lingasetjentiswa. Nangabe ningeke nikhone kwenta njalo futsi uMhlangano Wemsebenti utawuphatamiseka, tincenye tawo letitsintsa libandla lenu ningase nitihlanganise nalomunye uMhlangano Wemsebenti.

◼ Ema-video lamabili, letsi “Young People Ask—How Can I Make Real Friends?” naletsi “Young People Ask—What Will I Do With My Life?” kutawucocwa ngawo eMihlanganweni Yemsebenti letawulandzela. Nangabe uwadzinga kufanele uwa-ode ebandleni ngekushesha.

◼ Siyajabula kunatisa kutsi lamanye emaHholwa eMbuso lasiphohlongo anikelwe kuJehova. EBotswana: LaseRamotswa Central. E-Eastern Cape: LasePhakamisa. EGauteng: LaseKlipfontein, lase-Olievenhoutbosch Central, laseTembisa West, nelaseWattville. ELimpopo: LaseBela Bela Central. EMpumalanga: Lase-Oshoek. Ekupheleni kwemnyaka wemsebenti wa-2011 emaHholwa eMbuso lasensimini yetfu langaba ngu-1 000 anikelwe kuJehova. Bamemeteli beMbuso labangetulu kwa-83 000 kanye nebantfu labanyenti labanenshisekelo bayakujabulela kusebentisa liHholwa leMbuso. Simbonga kakhulu Jehova kanye nemavolontiya lafake sandla iminyaka leminyenti kulomsebenti lomkhulu kangaka wekwakha. Kusadzingeka lamanye emaHholwa eMbuso. Ngaleso sizatfu-ke, siwakhutsata onkhe emavolontiya kutsi achubeke nekusita kulencenye yemsebenti longcwele. Sibonga kakhulu nangeminikelo lesiyitfola tinyanga tonkhe levela emabandleni yekusekela Sikhwama Sekwakhiwa KwemaHholwa eMbuso.