Timemetelo

◼ Sipho sa-July na-August: Ungaba Ngumngani WaNkulunkulu! naletsi Indlela Leya Ekuphileni Lokuphakadze—Sewuyitfolile Yini? nanome nguyiphi incwajana lehanjiswako lekhona esitokweni selibandla. September na-October: Bomagazini Sicongosekulindza ne-“Phaphama!” Nawubuyela kulococe naye yetfula incwadzi letsi Lokufundziswa LiBhayibheli nobe nakufaneleka uhambise incwajana letsi Lalela Nkulunkulu Kute Uphile Phakadze.

◼ Kusukela nga-August 1 ku-jw.org, kutawutfolakala Disc 5 we-Sing to Jehovah—Vocal Renditions, leningatitsatsela yena. Utawucale atfolakale ngesiNgisi bese ngekuhamba kwesikhatsi utfolakala nangaletinye tilwimi. Ema-CD lalalelwako alomculo ningawa-oda ebandleni. Tincane tindleko tekutitsatsela wona ku-jw.org nasiticatsanisa netekukhicita ema-CD nekuwatfumela. Sikhutsata bonkhe labangakhona kutitsatsela wona ku-jw.org kutsi bente njalo. Ema-Discs 1-4 sekavele ayatfolakala ku-jw.org.

◼ Nasekusele liviki siye emhlanganweni wesigodzi, luhlelo lwemihlangano yelibandla lungase lushintjwe kute kubuketwe ticondziso netikhumbuto temhlangano wesigodzi. Ngemuva kwenyanga yinye nobe letimbili nanibuya kulomhlangano, incenye yetidzingo telibandla ingase isetjentiselwe kubuketa emaphuzu awo bamemeteli labawatfole alusito ensimini.

◼ Nakwenteka uhlela kuvakasha nekuya emhlanganweni wesigodzi wakulelinye live, utawutfola kwatiswa lokulusito ku-jw.org ngekukhetsa-“Conventions” lotfolakala ngephansi kwa-“Lookup.”