Kubuketwa Kwesikolwa Semsebenti WemaKhristu
Lemibuto lelandzelako itawudzingidvwa eSikolweni Semsebenti WemaKhristu ngeliviki lelicala nga-August 27, 2012. Lusuku lokutawudzingidvwa ngalo liphuzu ngalinye nalo lufakiwe kute kube melula kwenta lucwaningo nawulungiselela sikolwa seliviki ngalinye.
1. Bewumelelani umbono waHezekeli lomayelana nekuhlubuka kwemaJuda, futsi usifundzisa siphi sifundvo lesibalulekile? (Hez. 8:15-17) [July 2, w07-ZU 7/1 likh. 13 sig. 6; w93-ZU 1/15 emakh. 27-28 tig. 7, 12]
2. Baholi benkholo labanyenti babalingisa njani baphrofethi bemanga bangesikhatsi saHezekeli? (Hez. 13:3, 7) [July 9, w99-ZU 10/1 likh. 13 tig. 14-15]
3. Esiphrofethweni lesikuHezekeli 17:22-24, ngubani ‘umdvumba wesihloko sesihlahla,’ iyini ‘intsaba lephakeme nalendze’ lohlanyelwa kuyo, futsi lomdvumba utawuba “sihlahla lesihle semsedari” ngayiphi indlela? [July 16, w07-ZU 7/1 emakh. 12-13 sig. 6]
4. Ngekusho kwesaga lesikuHezekeli 18:2, bantfu labatfunjwa naHezekeli basola bani ngekuhlupheka kwabo, futsi ngusiphi sifundvo lesibalulekile lesingasifundza kulendzaba? [July 23, w88-ZU 9/15 likh. 18 sig. 10]
5. Kulandzisa lokukuHezekeli 21:18-22 kusikhombisa njani kutsi bantfu nemadimoni ngeke bayishintje injongo yaJehova? [July 30, w07-ZU 7/1 likh. 14 likh. 4]
6. Ngekusho kwaHezekeli 24:6, 11, 12, timelelani tincwencwe telibhodo lekupheka futsi ngusiphi simiso lesisitfola kuvesi 14? [Aug. 6, w07-ZU 7/1 likh. 14 sig. 2]
7. Sagcwaliseka njani siphrofetho lesimayelana nelidolobha laseThire? [Aug. 6, it-1-E likh. 70, libhokisi; si-ZU likh. 133 sig. 4]
8. Ngumaphi emavi lakuHezekeli 28:2, 12-17 lasebenta ‘enkhosini yaseThire’ nakuSathane lolimbuka lekucala? [Aug. 13, w05-ZU 10/15 emakh. 23-24 tig. 10-14; it-2-E likh. 604 tig. 4-5]
9. Kunini lapho iGibhithe yaba tindzala khona iminyaka lengu-40, futsi sinabuphi bufakazi bekukholelwa kutsi yaba tindzala mbamba? (Hez. 29:8-12) [Aug. 13, w07-ZU 8/1 likh. 8 sig. 5]
10. Yini leyentiwa nguHezekeli ngesikhatsi bantfu bangamnaki, bamhleka bulima baphindze bangatsatsi sinyatselo kuloko labekakusho, kodvwa Jehova wamniketa siphi sicinisekiso? (Hez. 33:31-33) [Aug. 20, w91-ZU 3/15 likh. 17 tig. 16-17]