Timemetelo

◼ Sipho sanga-November nanga-December: Hambisa lipheshana lelitsi Ungatsandza Yini Kwati Liciniso? noma nguliphi lipheshana lelikhona esitokweni selibandla. Nangabe umuntfu anesifiso sekufundza, mkhombise kutsi sifundvo sichutjwa njani ngencwadzi letsi Lokufundziswa LiBhayibheli nobe incwajana letsi Lalela Nkulunkulu Kute Uphile Phakadze. Nga-January nanga-February: Hambisa noma nguyiphi kuletincwajana letilandzelako letinemakhasi langu-32: LiBhayibheli—Ngumuphi Umlayeto Leliwucuketse?, Ungaba Ngumngani WaNkulunkulu! naletsi Indlela Leya Ekuphileni Lokuphakadze—Sewuyitfolile Yini? Nawubuyela kulococe nabo, yetama kucalisa sifundvo ngencwadzi letsi Lokufundziswa LiBhayibheli nobe nakufaneleka usebentise incwajana letsi Lalela Nkulunkulu Kute Uphile Phakadze.

◼ NgeMgcibelo nga-March 2, 2013 kutawuba Lilanga Lamagazini lelikhetsekile. Sinikhutsata nonkhe kutsi nicale nyalo kuhlela timo tenu kuze nihlanganyele.

◼ Bamemeteli labatawuba ngemahlahlandlela nga-March 2013 batawukhetsa kutsi basebentela umgomo wema-awa langu-30 yini nobe langu-50. Nangabe umbonisi wesifundza avakashele libandla lenu nga-March, bonkhe labangemahlahlandlela lasitako, labasebentela umgomo wema-awa langu-30 nalangu-50 kufanele babe khona kuwo wonkhe umhlangano wemahlahlandlela lavamile lotawuchutjwa ngumbonisi wesifundza.

◼ Insimu lengakabelwa yanga-2013 itawuba nga-March, April nanga-May. Sikhutsata labadzala kutsi bente emalungiselelo kusenesikhatsi baphindze batise bamemeteli kutsi kutawuyiwa nini ensimini lengakabelwa nekutsi kutawusetjentwa yiphi.

◼ Libandla lase-Ondangwa eNamibia lijabulele kunikelwa kweliHholwa LeMbuso lalo.