“Tindlela Lesingatisebentisa Nasihambisa Bomagazini Nga- . . .”
Emhlanganweni Wemsebenti kuba nencenye yetindlela tekuhambisa bomagazini njalo ngenyanga. Injongo yayo akusiko kubuketa lokucuketfwe bomagazini kodvwa kucoca ngetindlela lesingabahambisa ngato bomagazini. Ngako-ke ngekusho kweticondziso, umzalwane lowabelwe lencenye wenta setfulo lesifisha kakhulu avete lokwenta labomagazini bakhange. Ngemuva kwaloko, ucela bamemeteli kutsi bavete imibono yabo ngesihloko sinye (nobe ngetihloko letihambisana nesihloko lesikhulu) nabaphendvula kuze tonkhe tilaleli tive tiphindze titfole tindlela letingatisebentisa. Kunekutsi acele tilaleli kutsi tisho inshumayelo lephelele, uticela kutsi tisho umbuto lotawutsintsa umuntfu leticoca naye ngemuva kwaloko aticele kutsi tisho umbhalo letingawufundza. Lencenye uyephetsa ngemboniso wekuhambisa magazini ngamunye. Sikhutsatwa kutsi sibafundze labomagazini singakayi esifundvweni siphindze sikulungele kuveta imibono yetfu. Nangabe sonkhe silungiselele kahle, lencenye itasisita kutsi silolane.—Taga 27:17.