I-DVD Letsi “Have Love for the Whole Association of Brothers.”
Lamavi laphefumulelwe alesihloko abhalwa eminyakeni lecishe ibe ngu-2000 leyendlulile. (1 Phet. 2:17) Nome kunjalo, kudzingeka sikwente kakhulu nyalo lakushoko. Singakhombisa njani kutsi siyabatsandza bazalwane betfu labanyenti labasemhlabeni wonkhe? Ngetulu kwaloko, yini lesingayenta kuze lutsandvo lesinalo lungapholi? (Mat. 24:12) Asewubone kutsi ungakhona yini kuphendvula lemibuto lelandzelako nawubukela i-DVD letsi “Our Whole Association of Brothers.”
(1) Sacala nini kuba yincenye yebuzalwane bemhlaba wonkhe? (2) Ngutiphi tintfo letintsatfu lesitihlanganyela nebazalwane betfu emhlabeni wonkhe? (3) Bazalwane betfu bakhombisa njani kutsi batimisele kushumayela (a) ehlane lase-Alaska, (b) etikhumulweni temikhumbi letinkhulu taseYurophu, (c) emahlatsini lamakhulu asePeru? (4) Kungani kungakafanele sicabange kutsi umsebenti wetfu wekushumayela ngumsebenti longasho lutfo? (5) Shano tibonelo tendlela boFakazi BaJehova labadvudvutene baphindze basitana ngayo (a) ngemuva kwekutamatama kwemhlaba, (b) ngemuva kwesiphepho, (c) nakunemphi eveni lakubo? (6) Ngutiphi tindlela lesingakhombisa ngato kutsi sineluphawu lwebuzalwane bebuKhristu? (Joh. 13:35) (7) Kusita ngani kusebenta ndzawonye ekwakheni liHholwa LeMbuso? (8) Yini leyasita bazalwane baseMphumalanga yeYurophu nebaseRussia kutsi bagcine buhlobo babo naJehova bubuhle ngalesikhatsi bavinjelwe? (9) BoFakazi labanyenti benta kuphi kutidzela kuze babe khona emihlanganweni yesigodzi, futsi ngasiphi sizatfu? (10) Le-DVD ikusite njani kutsi utimisele (a) kukhonta Jehova ngebunye nebazalwane bakho emihlanganweni yebuKhristu, (b) kusita labanye ngetikhatsi letimatima (c) kushumayela ngekwetsembeka noma nini noma ngabe simo sinjani? (11) Le-DVD singayisebentisa njani ensimini, futsi nini?
Sizatfu lesiyinhloko lesisenta sibe yincenye yebuzalwane bebuKhristu bemhlaba wonkhe kutsi siyamtsandza Jehova. Ngaleso sizatfu siyatsandza kufundza ngaye nekufundzisa labanye ngaye. Siyabatsandza nebantfu labatsandvwa nguJehova. Nasibasita ngetikhatsi letimatima, asilindzeli kutsi Nkulunkulu asibonge ngaloko kodvwa tsine sibonga yena ngobe sitsatsa buzalwane betfu bebuKhristu njengesipho lesisiphiwe nguye. Njengobe aya ekupheleni emalanga ekugcina alelive lelite lutsandvo, shengatsi singachubeka nekutsandza bazalwane betfu.