Timemetelo

◼ Sipho sanga-February: Hambisa nome nguyiphi kuletincwajana letilandzelako letinemakhasi langu-32: LiBhayibheli—Ngumuphi Umlayeto Leliwucuketse?, Ungaba Ngumngani WaNkulunkulu! naletsi Indlela Leya Ekuphileni Lokuphakadze—Sewuyitfolile Yini? Nawubuyela kulococe nabo, yetama kucalisa sifundvo ngencwadzi letsi Lokufundziswa LiBhayibheli nobe nakufaneleka usebentise incwajana letsi Lalela Nkulunkulu Kute Uphile Phakadze. Nga-March nanga-April: Bomagazini Sicongosekulindza ne-“Phaphama!” Nawubuyela kulococe naye, yetfula incwadzi letsi Lokufundziswa LiBhayibheli nobe nakufaneleka wetfule incwajana letsi Lalela Nkulunkulu Kute Uphile Phakadze bese wetama kucalisa sifundvo seliBhayibheli. Nga-May: Hambisa lipheshana lelitsi Ungatsandza Yini Kwati Liciniso? nome nguliphi lipheshana lelikhona esitokweni selibandla. Nangabe umuntfu anesifiso sekufundza liBhayibheli, mkhombise kutsi sifundvo sichutjwa njani ngencwadzi letsi Lokufundziswa LiBhayibheli nobe usebentise incwajana letsi Lalela Nkulunkulu Kute Uphile Phakadze.

◼ Inkhulumo lekhetsekile ya-2013 itawube inesihloko lesitsi “Kufa Kusiphetfo Sako Konkhe Yini?”

◼ Selukhona luhlaka lolusha lwenkhulumo yeSikhumbuto futsi kufanele lusetjentiswe ngito tonkhe tikhulumi letitawube tetfula lenkhulumo kusukela nga-2013. Sihloko sayo sitawube sitsi “Khombisa Kubonga Ngaloko Khristu Lakwentela Kona.”

◼ Wahamba kahle umkhankaso wensimi lengakabelwa wa-2012. Ensimini yeligatja letfu emabandla langu-433 nebamemeteli labangu-7 987 balisekela lelilungiselelo. Bahambisa tincwadzi letingu-8 829, tincwajana letingu-32 682 nabomagazini labangu-82 795 lokube nemphumela wekutsi kubuyelwe kubantfu emahlandla langu-5 062 kwachutjwa netifundvo letingu-778. Nyalo sesilangatelela kufika kwemkhankaso wensimi lengakabelwa kulomnyaka wa-2013.