Timemetelo

◼ Sipho sanga-January nanga-February 2014: Hambisa incwajana letsi Tindzaba Letimnandzi Letivela KuNkulunkulu nome lenye incwajana lelungiselelwe kuhanjiswa ensimini libandla lelingase libe nayo esitokweni. Nga-March nanga-April 2014: Bomagazini Sicongosekulindza ne-“Phaphama!”

◼ Nangabe unetitfombe letinemlandvo lokhombisa tintfo lesitentako njengaBoFakazi BaJehova, sicela utitfumele egatjeni. Ligatja litasikena (scan) letitfombe liphindze litibuyisele kuwe. Titfombe letikhombisa umlandvo tiyadzingeka kuletinye tihloko tabomagazini betfu njengakulesitsi “Lokuvela Emtatjeni Wetfu.” Sicela usitjele lilanga (nobe umnyaka) leso sitfombe lesatsatfwa ngawo futsi usitjele nemabito ebantfu lababonakala kahle kuso. Letitfombe kungaba tebamemeteli basemsebentini wekushumayela nome emhlanganweni welibandla nobe emhlanganweni lomkhulu, nobe kube sebazalwane lebebaboshiwe ngenca yekungatsatsi luhlangotsi kutembusave.