Imibiko Lejabulisako Yemsebenti Wekushumayela

Bamemeteli beMbuso eLesotho babike umbiko lomuhle kakhulu ngenyanga ya-September. Kubike bamemeteli labangu-3 808, lokukwenyuka ngemaphesenti lasihlanu nakucatsaniswa nesilinganiso sebamemeteli semnyaka wa-2012. Ngekwesilinganiso, ummemeteli amunye ubika ema-awa lacishe abe ngu-11 ensimini, futsi sebabonkhe bachuba tifundvo teliBhayibheli letingu 6 452. Emihlanganweni yabo Yesigodzi leyayinesihloko lesitsi ‘LiVi LaNkulunkulu Liliciniso’ bekunebantfu labangu-6 887, kwabhajatiswa labangu-86. Siyajabula ngekutsi bantfu labatsandza Jehova eLesotho bakhuphukela entsabeni yakhe yekukhonta kweliciniso.—Isa. 2:2.