Imibiko Lejabulisako Yemsebenti Wekushumayela

Nga-August kwaniketwa bufakazi lobukhulu ensimini yeligatja letfu! Bazalwane nabodzadze labangetulu kwa-20 000 baba ngemahlahlandlela lasitako futsi kwahanjiswa emapheshana lacishe abe tigidzi letintsatfu. EBotswana kubikwe linani lelisha lebamemeteli labangu-2 216, kwabuyelwa kubantfu tikhatsi letingu-19 762 futsi kwachutjwa tifundvo teliBhayibheli letingu-4 785. ENamibia kubikwe linani lelisha futsi lelijabulisako lebamemeteli labangu-2 422. ESwatini kubikwe linani lelisha lebamemeteli labangu-3 246. Sijabula kakhulu ngelinani lelisha lebamemeteli labangu-98 775 lelibikwe eNingizimu Afrika. Sekudvutane kutsi bamemeteli babe ngu-100 000 eNingizimu Afrika. Shengatsi Jehova angayibusisa imetamo yetfu njengobe sichubeka simemetela tindzaba letimnandzi teMbuso wakhe singayekeli.​—Imis. 5:42.