Jobe Wachubeka Acotfo Ngisho Alingwa

Ngesikhatsi ema-Israyeli atigcili eGibhithe, Jobe abehlala eveni lase-Usi. Abesikhonti saJehova lesetsembekile, nanome abengasuye umIsrayeli. Abenemndeni lomkhulu, anjinge kakhulu, futsi anelitfonya emmangweni wakubo. Abengumeluleki lohlonishwako futsi angakhetsi muntfu nangabe ehlulela. Bekanesandla lesivulekile asita nalabahluphekile. Jobe abeyindvodza lecotfo.

Jobe wakwenta kwacaca kutsi Jehova abebaluleke kakhulu ekuphileni kwakhe

1:8-11, 22; 2:2-5

• Sathane bekati kutsi Jobe ucotfo. Akazange aphike kutsi Jobe abemlalela Jehova, kunaloko, wangabata tisusa taJobe

• Sathane watsi Jobe abekhonta Jehova ngobe kukhona lakutfolako

• Kute kubonakale emanga aSathane, Jehova wamvumela kutsi ahlasele Jobe, indvodza leyetsembekile. Sathane wabangela Jobe bumatima lobunyenti

• Sathane watsi bantfu ngeke bahlale bacotfo kuNkulunkulu ngisho naJobe lucobo

• Jobe akazange one futsi akazange amsole Nkulunkulu