Nangabe Umntfwana Avela Emnyango

Nangabe umntfwana avela emnyango, kufanele sicele kukhuluma nebatali bakhe. Loku kutawukhombisa kutsi siyabahlonipha labatali. (Tag 6:20) Nangabe lomntfwana asicela kutsi singene ngekhatsi kufanele singavumi. Nangabe batali bakhe bangekho, kufanele sibuye ngalesinye sikhatsi.

Ngisho nobe lomntfwana sekamdzala, mhlawumbe sekatawukwengca eminyakeni yekutfomba, kungaba kuhle kucela kukhuluma nebatali bakhe. Nangabe bangekho, singambuta kutsi batali bakhe bayamvumela yini kutsi afundze lakutsandzako. Nangabe bamvumela, singamniketa incwadzi nobe simlayele i-jw.org.

Nangabe sibuyela kumntfwana lokhombise kutsi uyakutsandza lakufundzako, kufanele sicele kukhuluma nebatali bakhe. Loku kutasiniketa litfuba lekuchaza kutsi kungani silapha futsi sibakhombise seluleko labangasetsemba lesiseBhayibhelini lesingasita imindeni. (Hla 119:86, 138) Nangabe sikhombisa kutsi siyabahlonipha batali futsi siyabacabangela, loku kunganiketa bufakazi lobuhle futsi kungasivulela ematfuba ekucoca nawo wonkhe umndeni ngetindzaba letimnandzi.​—1Ph 2:12.