Jabulani Etsembeni

Litsemba linjengelihhuka lemkhumbi. (Heb 6:19) Liyasisita singephukelwa ngumkhumbi wekukholwa kwetfu nakufika tivunguvungu. (1Tm 1:18, 19) Tivunguvungu tingafaka ekhatsi kudvumateka, kulahlekelwa tintfo lesinato, kugula lokungapheli, kufelwa ngulesimtsandzako kanye naletinye tinkinga letingabeka bucotfo betfu engotini.

Kukholwa kanye nelitsemba kusenta sinakisise umvuzo. (2Ko 4:16-18; Heb 11:13, 26, 27) Ngako-ke nobe sinelitsemba lekuphila ezulwini nome emhlabeni, kufanele sihlale sizindla ngetetsembiso letiseVini laNkulunkulu. Nasenta njalo, sitawuhlale sijabulile ngisho nalapho sikhatsatwa tinkinga.​—1Ph 1:6, 7.

BUKELA I-VIDEO LETSI JABULANI ETSEMBENI, BESE UBUTA NAYI IMIBUTO:

• Kungani Mosi asibonelo lesihle lesingasilingisa?

• Tinhloko temindeni kufanele tenteni?

• Ngutiphi tihloko leningacoca ngato eKukhonteni Kwemndeni?

• Kuba nelitsemba kungakusita njani ubhekane netimo letimatima ngekucinisela?

• Yini loyibuke ngalabovu?