Jesu Wafela Nemnakenu

Jesu wanikela ngekuphila kwakhe ngenca yebantfu labanesono. (Rom 5:8) Siyajabula ngekutsi Jesu wasitsandza waze wanikela ngekuphila kwakhe ngenca yetfu. Nobe kunjalo, ngaletinye tikhatsi siyadzinga kutikhumbuta kutsi Jesu wafela nemnaketfu. Singakhombisa njani kutsi siyabatsandza bomnaketfu nabodzadzewetfu labanesono njengatsi? Asicoce ngetintfo letintsatfu. Kwekucala, kufanele sibe nebungani nabo bonkhe bantfu, ngisho nalabo labachamuka etindzaweni letingafani netetfu. (Rom 15:7; 2Ko 6:12, 13) Kwesibili, kufanele sicaphele singasho nobe sente tintfo letitawukhuba labanye. (Rom 14:13-15) Kwekugcina, nangabe umuntfu asona, kufanele simcolele ngekushesha. (Luk 17:3, 4; 23:34) Nangabe sisebenta kamatima kute silingise Jesu ngaletindlela, Jehova utawuchubeka abusisa libandla ngekuthula nangebunye.

BUKELA I-VIDEO LETSI CHUBEKA WENTA LOKUHLE! BESE UPHENDVULA LEMIBUTO LELANDZELAKO:

• 

  Ekucaleni Miki bekativa njani ngelibandla lebekakulo?

• 

  Yini leyashintja indlela lebekativa ngayo?

• 

  Sibonelo saJesu samsita njani Miki walungisa umbono wakhe? (Mak 14:38)

• 

  Taga 19:11 tisisita njani kutsi sibe nemicabango lemihle ngemaKhristu lesikanye nawo?