Kutiphatsa Kahle Nekuhlonipha Kwenta Lesishade Nabo Babe BoFakazi

Esikhatsini lesinyenti Bafati labangemaKhristu bayabazuza bayeni babo bangene ecinisweni ngenca yekutiphatsa kwabo lokufana nekwaKhristu. Nobe kunjalo, loku kungahle kudzinge kutsi babeketelele bumatima iminyaka leminyenti. (1 Phet. 2:21-23; 3:1, 2) Nangabe ungaphatfwa kahle, chubeka uncoba lokubi ngalokuhle. (Rom. 12:21) Sibonelo sakho lesihle singaba nemtselelela lomuhle lobongeke uletfwe nemavi kuphela.

Yetama kubuka tintfo ngeliso lemlingani wakho. (Fil. 2:3, 4) Bonisa luvelo futsi wente konkhe lokusemandleni kutsi udlale indzima yakho ngekwetsembeka. Bani silaleli lesihle (Jak. 1:19) Bani nesineke, futsi ucinisekise umlingani wakho kutsi uyamtsandza. Ngisho nobe umlingani wakho angakukhombisi lutsandvo lomkhombisa lona, ungaciniseka kutsi Jehova uyakwatisa kwetsembeka kwakho.—1 Phet. 2:19, 20.

BUKELA I-VIDEO LETSI JEHOVA UYASICINISA KUTE SITFWALE IMITFWALO YETFU BESE NIPHENDVULA LEMIBUTO LELANDZELAKO:

• Bekunjani kuphila kwaGrace Li nakasandza kushada?

• Yini leyamkhanga leyamkhanga kutsi afundze emaciniso eliBhayibheli?

• Dzadze Li watibeketelela njani tinkinga ngemuva kwekutsi abhajatiswe?

• Yini Dzadze Li lebekayithantazela mayelana nemyeni wakhe?

• Ngutiphi tibusiso Dzadze Li latijabulela ngenca yekutiphatsa kahle kwakhe nenhlonipho lebekanayo?