Jehova Uyabavikela Bantfu Bakhe

LiPhasika lekucala laba sento lesibaluleke kakhulu. Ngalobo busuku, ngemuva kwekutsi Faro atfole kutsi litibulo lakhe lifile, watjela Mosi kutsi: “Hambani la! Sukani emkhatsini webantfu bami, ngisho nine nawo onkhe ema-Israyeli. Hambani niyewukhonta [Jehova] njengekucela kwenu.” (Eks 12:31) Jehova wakhombisa kutsi uhlale abasita bantfu bakhe.

Nasibuka umlandvo webantfu baNkulunkulu, kuyasikhanyela kutsi Jehova uchubeka abacondzisa aphindze abavikele bantfu bakhe. Loku kuvetwe kahle emsamo losendlunkhulu yaboFakazi lonesihloko lesitsi “Bantfu Lababitwa Ngelibito LaNkulunkulu.”

BUKELA I-VIDEO LENESIHLOKO LESITSI KUVAKASHELA EMSAMO LOSE-WARWICK: “BANTFU LABABITWA NGELIBITO LANKULUNKULU,” BESE UPHENDVULA LEMIBUTO LELANDZELAKO:

• 

  Bafundzi beliBhayibheli bebasebentisa liphi lithulusi lebelingakaze libe khona kute bantfu bakukholelwe loko lokufundziswa liBhayibheli, futsi waba yini umphumela?

• 

  Ngutiphi tinkinga letabakhona nga-1916 nanga-1918, futsi yini leyakhombisa kutsi Jehova nguye lobekacondzisa inhlangano yakhe?

• 

  Bantfu baJehova bachubeka njani banekukholwa lokucinile ngisho nobe bebaphikiswa?

• 

  Ngukuphi kukhanya lokusha bantfu baJehova labakutfola nga-1935, futsi loko kwabatsintsa kanjani?

• Nangabe sewuke waya kulomsamo, yini lowayibona lecinisa kukholwa kwakho kutsi vele nguJehova locondzisa bantfu bakhe futsi abavikele?