Tindlela Letintsatfu Tekwetsembela KuJehova

Davide wancoba Goliyathi ngenca yekutsi beketsembele kuJehova. (1Sa 17:45) Jehova ufuna kukhombisa emandla akhe etincekwini takhe. (2Tk 16: 9) Singetsembela njani elusitweni Jehova lasiniketa lona kunekutsi sitetsembe tsine nasemakhonweni lesinawo? Nati tindlela letintsatfu:

• Thantaza njalo. Ungathantazeli nje kuphela kutsetselelwa ngemuva kwekwenta liphutsa, kepha kufanele uthantazele nemandla ekumelana netilingo. (Mat 6: 12, 13) Ungathantazeli nje kuphela sibusiso saJehova etincumeni losewuvele utentile, kepha thantazela sicondziso sakhe nekuhlakanipha ngaphambi kwekutsi wente tincumo.—Jak 1:5

• Bani neluhlelo lwekufundza liBhayibheli kanye nekudadisha. Fundza liBhayibheli onkhe malanga. (Hl 1:2) Zindla ngetibonelo letiseBhayibhelini futsi usebentise tifundvo lotitfola kuletibonelo. (Jak 1: 23-25) Lungiselela nawuya emsebentini wekushumayela futsi ungetsembeli elwatini lonalo. Yilungiselele kusenesikhatsi imihlangano yelibandla kute utozuza ngalokugcwele kuyo

• Bambisana nenhlangano yaJehova. Ciniseka kutsi uyatati ticondziso tenhlangano takamuva futsi ukwenta ngekushesha loko letikushoko. (Num 9:17) Lalela labadzala belibandla nabakuniketa seluleko neticondziso.—Heb 13:17

BUKELANI I-VIDEO LETSI SITE SIZATFU SEKWESABA KUHLUSHWA NGENCA YEKUKHOLWA, BESE NIPHENDVULA LEMIBUTO LELANDZELAKO:

• Ngukuphi kwesaba labazalwane nabodzadze lebebanako?

• Yini leyabasita bakhona kubhekana nalokwesaba?