JANUARY 15-21
JOBE 36-37
Ingoma 147 Nemthantazo | Setfulo (1 umz.)
1. Ungasetsemba Yini Setsembiso SaNkulunkulu Sekuphila Lokuphakadze?
(10 imiz.)
Jehova uphila phakadze (Job 36:26; w15 11/1 12 ¶1-2)
Jehova uhlakaniphile futsi unemandla ekusekela kuphila (Job 36:27, 28; w20.05 22 ¶6)
Jehova usifundzisa indlela lesingatfola ngayo kuphila lokuphakadze (Job 36:4, 22; Joh 17:3)
Nasinekukholwa lokucinile esetsembisweni saNkulunkulu sekuphila lokuphakadze singakhona kubhekana nebumatima.—Heb 6:19; w22.10 28 ¶16.
2. Kufunisisa Umcebo EVini LaNkulunkulu
(10 imiz.)
Job 37:20—Tindzaba nekwatiswa bekuvame kundluliselwa ngayiphi indlela emaveni etikhatsi teliBhayibheli? (it-1-E 492)
Ngumuphi umcebo lowutfole kulokufundvwa kweliBhayibheli kwaleliviki longatsandza kusicocela ngawo?
3. Kufundvwa KweliBhayibheli
(4 imiz.) Job 36:1-21 (th sifundvo 2)
4. Kucalisa Incociswano
(3 imiz.) KUSHUMAYELA ETINDZAWENI TAWONKHE WONKHE. (lmd sifundvo 3 liphuzu 3)
5. Kubuyela Kulesicoce Naye
(4 imiz.) EMTINI NGEMUTI. (lmd sifundvo 2 liphuzu 5)
6. Chaza Loko Lokukholelwako
(5 imiz.) Inkhulumo. Ijwfq-E 57 ¶5-15—Sihloko:Yini Leyenta BoFakazi BaJehova Baphatfwa Kabi Ngesikhatsi Kucotfulwa EmaJuda NgeMphi Yelive Yesibili (Holocaust)? (th sifundvo 18)
Ingoma 49
7. Hlale Utilungele Timo Letitodzinga Kutsi Welashwe Nobe Uhlindvwe
(15 imiz.) Coca nelibandla. Kufanele yetfulwe ngulomdzala welibandla.
Inhlangano yaJehova isilungiselele emathulusi langasisita kutsi sikhone kulalela umtsetfo wakhe lomayelana nengati. (Imi 15:28, 29) Uyawasebentisa yini?
Emakhadi i-Durable Power of Attorney (DPA) kanye ne-Identity Card (ic): Lamakhadi achaza tifiso tesigulane mayelana nekusetjentiswa kwengati naselashwa. Bamemeteli lababhajatisiwe bangalitfola encekwini yetincwadzi lelikhadi le-DPA kanye ne-Identity Card yebantfwana babo labasebancane. Lamakhadi kufanele sihlale siwaphetse ngaso sonkhe sikhatsi. Nangabe ufuna kuligcwalisa nobe ufuna kushintja lokutsite kulo, ungephutisi.
Kwatiswa Lokulungiselelwe BoMake Labakhulelwe (S-401) kanye ne-Information for Patients Requiring Surgery or Chemotherapy (S-407): Lamafomu asisita kutsi sihlale sitilungele timo letidzinga kutsi selashwe, netimo letifaka ekhatsi kusetjentiswa kwengati. Nangabe ukhulelwe nobe udzinga kuhlindvwa nobe udzinga kwelashelwa umdlavuza, cela labadzala belibandla lokulo kutsi bakunike lifomu lelifanele simo lokuso.
IKomidi Yekubonisana Netibhedlela (HLC): Bazalwane labangemalunga e-HLC ngulabadzala belibandla labaceceshiwe kuze basite bodokotela bacondze tinkholelo tetfu mayelana nengati, baphindze basite nebamemeteli. Bangacoca nadokotela wakho ngetindlela tekwelashwa letingeke tidzinge kutsi umpontjelwe ingati. Nakunesidzingo, bengakusita kutsi utfole dokotela lotawukhona kukwelapha ngaphandle kwekusebentisa ingati. Batfolakala nganobe ngusiphi sikhatsi, nanganome nguliphi lilanga. Chumana ne-HLC ngekushesha kunome ngusiphi simo lesitawudzinga kutsi ulaliswe esibhedlela, uhlindvwe nobe welashwe ngalokuchubekako, njengekulashelwa umdlavuza. Chumana nabo ngisho nobe lesimo sibonakala ngatsi angeke sidzinge kusetjentiswe ingati. Loku kungentiwa ngisho bomake labakhulelwe. Nawudzinga lusito cela labadzala belibandla bakunike imininingwane yekuchumana ne-HLC.
Dlala i-VIDEO letsi IKomidi Yekubonisana Netibhedlela—Isisita Njani? bese ubuta lemibuto:
I-HLC ingakusita njani nawubhekene nesimo lesidzinga kutsi welashwe nobe uhlindvwe?
8. Sifundvo SeliBhayibheli Selibandla
(30 imiz.) bt sehl. 4 ¶9-12, libhokisi ekh. 34