Ngumiphi Imiphumela Leyaba Khona Ngekulalela Kwabo Sathane?

Bo-Adamu na-Eva abamlalelanga Nkulunkulu, ngaloko bafa. Genesisi 3:6, 23

Eva walalela inyoka futsi wadla lesinye saletitselo. Ngemuva kwaloko, waniketa Adamu, naye wadla.

Loko labakwenta kwakukubi​—kwakusono. Nkulunkulu wabacosha ekhaya labo leliliPharadisi.

Kuphila kwaba matima kubo kanye nakubantfwana babo. Baguga futsi bafa. Abazange baye endzaweni yemimoya; bafa.

Labafile abaphili, bafanana nelutfuli. Genesisi 3:19

Sonkhe siyafa ngesizatfu sekutsi sivela ku-Adamu na-Eva. Labafile ababoni, abeva futsi abenti lutfo.​—Umshumayeli 9:5, 10.

Jehova abengafuni kutsi bantfu bafe. Ngekushesha, utawubavusa labo labafile. Nangabe bamlalela, batawuphila phakadze.