NgaZamcolo Lomkhulu, Ngubani Lowalalela Nkulunkulu? Futsi Bobani Labangamlalelanga?

Linyenti lebantfu ngesikhatsi saNowa lalenta tintfo letimbi. Genesisi 6:5

Bo-Adamu na-Eva baba nebantfwana, futsi bantfu baba banyenti emhlabeni. Ngekuhamba kwesikhatsi, letinye tingilosi talandzela Sathane ekuvukeleni kwakhe.

Teta emhlabeni, tatsatsa imitimba yebantfu kute tishade netintfombi. Letintfombi tatala bantfwana labanebudlova nalabacinile.

Umhlaba wagcwala bantfu labenta tintfo letimbi. LiBhayibheli litsi: ‘Kwaba kukhulu kona kwemuntfu emhlabeni, futsi imizindlo nemicabango yenhlitiyo yakhe yaba mibi ngaso sonkhe sikhatsi.’

Nowa walalela Nkulunkulu futsi wakha umkhumbi. Genesisi 6:13, 14, 18, 19, 22

Nowa abeyindvodza lelungile. Jehova watjela Nowa kutsi utawubhubhisa bantfu lababi ngaZamcolo lomkhulu.

Nkulunkulu waphindze watjela Nowa kutsi akakhe umkhumbi, futsi afake umndeni wakhe nato tonkhe tinhlobo tetilwane kuwo.

Nowa wecwayisa bantfu ngaZamcolo lotako, kodvwa abamlalelanga. Labanye bamhleka, kantsi labanye bamtondza.

Kwatsi lapho umkhumbi sewuphelile, Nowa wafaka tilwane ngekhatsi kuwo.