Ngutiphi Tibusiso Letitawutfolwa Ngulabo Labalalela Nkulunkulu?

Bonkhe labafile batawuvuswa baphindze baphile emhlabeni. Imisebenti 24:15

Asewucabange ngetibusiso tesikhatsi lesitako lotawutijabulela nawulalela Jehova! Uyawuba nemphilo lenhle; kute lotawugula nobe abete emandla. Angeke kusaba nebantfu lababi, futsi utawetsemba wonkhe umuntfu.

Angeke kusaba nebuhlungu, lusizi kanye nekukhala. Kute lotawuguga aphindze afe.

Utawuhlala nebangani kanye nemndeni wakho. Kuphila ePharadisi kutawujabulisa kakhulu.

Angeke sesabe. Bantfu batawube bajabule sibili.

UMbuso waNkulunkulu utawucedza konkhe kuhlupheka. Sembulo 21:3, 4