“Ngitanihlanganisa . . . Ndzawonye”—Kubuyiselwa Kwekukhonta Lokuhlantekile Kuyetsenjiswa

Israyeli uhlukene ekhatsi—bunye bakhe bucedvwe tihlubuki. Sewuvuna lakuhlanyelile; ungcolise kukhonta lokuhlantekile futsi wahlambalata libito laNkulunkulu. Kusenjalo, Jehova wenta Hezekeli kutsi aphrofethe ngeluchungechunge lwetiphrofetho letimayelana nelitsemba. Asebentisa titfombe nemibono lemangalisako, Jehova akakhutsati nje kuphela ema-Israyeli latfunjiwe, kodvwa bonkhe labafisa kubona kukhonta lokuhlantekile kubuyiselwa.